Псалманууд 129 - Библи

1 [Үгсэлгын дуун.]

¹ [Үгсэлгын дуун.] Эзэн, гай гашуудалай гүнһөө би Тан руу дууданаб!

² Эзэн, дуу хоолойем дуулыт! Гуйлтадам Танай шэхэн зөөлэн байг лэ!

³ Эзэн, хэрбээ гэм бурууе Танай обёорбол, хэн тэсэн зогсожо шадахаб даа?!

⁴ Харин Та хүлисэдэгта, бидэ урдатнай айн зогсонолди.

⁵ Би Эзэндэ найданаб, сэдьхэлни хүлеэнэ, үгэдэнь би найданаб.

⁶ Манаашадай үглөө болохые хүлеэхэһөө үлүү сэдьхэлни Эзэниие хүлеэнэ, манаашадай үглөө болохые хүлеэхэһөө үлүү.

⁷ Израиль, Эзэндэ найдаарай! Юуб гэхэдэ, Эзэн энэрэл хайратай, абарха ехэ хүсэ шадалтай.

⁸ Тэрэ Израилиие бүхы гэм зэмэһээнь абархал.