Псалманууд 128 - Библи

1 [Үгсэлгын дуун.]

¹ [Үгсэлгын дуун.] «Залууһаамни хойшо олон зон намайе хашаа-харшалаа бэлэй, – гэжэ Израиль хэлэхэ, –

² Залууһаамни хойшо олон зон намайе хашаа-харшалаа, зобоогоо, харин диилээгүй.

³ Таряашан нюргыем анзаһаар хахалаа, тэдэ ута бураздаа татаа.

⁴ Теэд Эзэн зүб шударга. Тэрэ хорото муу хүнэй урьхые таһа татаа».

⁵ Сиониие үзэн ядагшад бултадаа эшхэбтэр байдалда орожо, һөөргэлэг лэ.

⁶ Тэдэ ургахаһаа урид хатадаг хушалта дээрэхи үбһэ ногоон мэтэ болог.

⁷ Тэдээгээр хадагшын адхыешье, таряа багсалагшын үбэрыешье дүүргэхэгүй.

⁸ Хажуугаар үнгэрэгшэд «Эзэнэй юрөөл таанад дээр байг. Бидэ таанарые Эзэнэй нэрэһээ юрөөнэбди» гэжэ хэлэхэгүй.