Псалманууд 120 - Библи

1 [Үгсэлгын дуун.]

¹ [Үгсэлгын дуун.] Би нюдөө хада уула руу шэглүүлнэм: хаанаһаа намда туһаламжа ерэхэ бэ?

² Тэнгэри ба газар бүтээһэн Эзэнһээ минии туһаламжа ерэхэ!

³ Тэрэ шамайе хүл алдуулхагүй. Шамайе Хамгаалагша һажахагүй.

⁴ Харагты, Израилиие Хамгаалагша Тэрэ һажахашьегүй, унтахашьегүй.

⁵ Эзэн хадаа шинии Хамгаалагша. Эзэн хадаа шинии баруун гар таладахи һүүдэр мүн.

⁶ Үдэртөө наран шамайе шатаахагүй, һүниндөө һара шамайе һүнөөхэгүй.

⁷ Эзэн шамайе бүхы тодхорһоо абараг, ами наһыеш абараг.

⁸ Хаанашье ябаа һааш, Эзэн шамайе энэ сагһаа эхилэн хэтэ мүнхэдөө сахин хамгаалхал!