Псалманууд 115 - Библи

¹ «Ехээр зобожо һалааб» гэжэ би хэлээшье һаа, этигэһэн зандааб.

² Тэбдэхэдээ «ямаршье хүн худалша» гэжэ хэлэнэб.

³ Намда үзүүлһэн бүхы аша туһыень Эзэндэ юугээр харюулхабиб?

⁴ Абаралай хундага үргэжэ, Эзэнэй нэрэ дуудахаб.

⁵ Бүхы арад түмэнэйнь урда Эзэндэ тангариглаһанаа бэелүүлхэб!

⁶ Өөртэнь үнэн сэхэ зоной үхэл Эзэндэ үнэтэй сэнтэй юм.

⁷ Оо, Эзэн! Би Танай богоол, Танай богоол, Танай шэбэгшын хүбүүн мүн. Та намайе гэнжэһээ сүлөөлөөт.

⁸ Танда би һайе хүргэһэн үргэл тахижа, нэрыетнай дуудахаб.

⁹ Бүхы арад түмэнэйнь урда Эзэндэ тангариглаһанаа бэелүүлхэб.

¹⁰ Иерусалим, шинии тэгэн дунда, Эзэнэй нангин үргөөгэй хашаа дотор тангариглаһанаа бэелүүлхэб. Эзэндэ магтаал үргэгты!