Псалманууд 114 - Библи

¹ Би Эзэндэ дуратайб. Тэрэ минии дуу хоолой, гуйлтыем дуулана.

² Нам руу шэхээ табин соносодог ушарһаань амиды мэндэ сагтаа би Тэрэниие дуудан байхаб!

³ Үхэлэй уяанууд намайе орёогоо, Үхэлэй ороной гай тодхортой намда хүрөө, зоболон ба уйдхар гашуудалтай ушарааб.

⁴ Тиихэдээ би Эзэнэй нэрэ дуудааб: «Эзэн! Ами наһым абарыт!»

⁵ Эзэн нигүүлэсхы ба зүб шударга, Бурхамнай хайрладаг.

⁶ Юрын гэнэн зониие Эзэн хамгаалдаг, минии зобожо байхада Тэрэ намайе абараа.

⁷ Эрьежэ, амгалан тайбан боло даа, Юуб гэхэдэ, Эзэн шамайе үршөөгөө.

⁸ Юуб гэхэдэ, Та намайе үхэлһөө, нюдыем нулимсаһаа, хүлыем бүдэрхэһөө абараат.

⁹ Би Эзэнэй урда амидын газарта ябахаб!