Псалманууд 100 - Библи

1 [Давидай псалма.]

¹ [Давидай псалма.] Энэрэл хайрые болон шударга зүбые магтан дууланаб, Эзэн, Танда магтаал дууланаб.

² Түгэс зам тушаа бодомжолон байхаб. Хэзээ Та намда ерэхэбта? Гэр соогоо сэбэр сэхэ сэдьхэлтэй ябанам.

³ Муу муухай юумэ хаража байхагүйб, урбагшадай хэрэг үзэн яданаб, тэрэнь намда няалдахагүй.

⁴ Зальхай бодол намда байхагүй, муу юумэ би мэдэхэгүйб.

⁵ Дүтын хүнөө нюусаар муулажа байгаашадые усадхахаб, бардам харасатай, дээрэлхүү зантай хүниие тэсэжэ байхагүйб.

⁶ Үнэн сэхэ зониие бүхы дэлхэйгээр харан байнам, тэдэ намтай хамта ажаһууха. Түгэс сэхэ замаар ябагша минии зараса болохо.

⁷ Мэхэ гохотой хүн гэр соом һуухагүй, худалша хүн урдамни байхагүй!

⁸ Гэмтэ хэрэг хэгшэ бүхэниие эзэнэй хотоһоо үлдэхын тула үглөө бүри би энэ газар нютагай бүхы хорото муу зониие усадханаб.