Псалманууд 10 - Библи

1 [Дуунай бүлэгэй хүтэлбэрилэгшэдэ: Давидай зохёоһон.]

¹ [Дуунай бүлэгэй хүтэлбэрилэгшэдэ: Давидай зохёоһон.] Хорохо хамгаалха газарни – Эзэн! Таанар намда хандан, «Хада руугаа шубуун мэтэ ниидэ» гэжэ яажа хэлэжэ шаданабта!

² Харыт, хорото муу зон һурша номоо татажа, годлиёо табихаар бэлдэжэ байгаашань харанхыда үнэн шударга хүниие харбахын тулада юумэл.

³ Һууриин һандаргагдаад байхада зүб шударга хүн юу хэжэ шадахаб даа.

⁴ Эзэн Өөрын нангин үргөөдэ байна. Эзэнэй сэнтиинь – тэнгэридэ. Нюдэдынь зон руу хаража, мэлмынь тэдэниие шалгажа байна.

⁵ Хэн зүб шударгаб, хэн бурууб гэжэ Эзэн шалгадаг, хүсэрхэлдэ дуратай хүниие үзэн ядадаг.

⁶ Тэрэ хорото муу зон дээрэ бороо мэтээр тор гүльмэ буулгаха, гал, хүхэр болон галта шанга һалхин тэдэнэй хуби хэшэгынь мүн.

⁷ Эзэн зүб шударга. Тэрэ зүб шударгада дуратай, сэхэ шударга хүн шарайень харахал.