Нүүнэй Иисүүс 19 - Библи

Симеоной угсаатан Иудын угсаагай газарай дунда газар абаба

¹ Хоёрдохи жээрэб угсаагаарнь илгаһан Симеоной хүбүүдэй обогто, Симеондо тудаба; тэдээнэй хубаари Иудын үхи хүбүүдэй хубаариин дунда байгаа.

² Тэдээнэй хубаарида Бэһээр-Шээбэ, үгыш һаа, Шэбаа, Моладаа,

³ Хацаар-Шуһаал, Балаа ба Ээцэм,

⁴ Элтолаад, Бэтүүл ба Хормаа,

⁵ Циклааг, Бэт-Мархабоот ба Хацаар-Сусаа,

⁶ Бэт-Лэбаһоот ба Шарүһээн: арбан гурбан хото сэлеэнүүдтэеэ.

⁷ Ааин, Риммоон, Ээтэр ба Ашаан: дүрбэн хотонууд сэлеэнүүдтэеэ.

⁸ Эдэ хотонуудые тойроод, Баһалаат-Бээр, үгыш һаа, урда Рамаа хүрэтэр байһан бүхы сэлеэнүүд. Симеоной хүбүүдэй обогой угсаагаарнь хубааһан хубита иимэ.

⁹ Иудын хүбүүдэй хэсэгһээ Симеоной хүбүүдэй обогто хубаари үгтөө. Иудын хүбүүдэй хэсэг тэдээндэ дан ехэ байһан ушарһаань Симеоной хүбүүд тэдээнэй газарай дунда хубаари абаа.

Зэбүлүүнэй угсаатанай мэдэлэй газар

¹⁰ Гурбадахи жээрэб Зэбүлүүнэй хүбүүдтэ угсаагаарнь буугаа. Тэдээнэй хубаариин хилэ Сариид хүрэтэр үргэлжэлөө.

¹¹ Тэдээнэй хилэ далай тээшэ, Маралээ тээшэ үгсэжэ, Даббээшэдтэ ба Ёкнэһаамай урдахи урадхалда тулгана;

¹² Сариидһаа һөөргөө зүүн талада, наранһаа зүүн тээшэ ошожо, Хислоот-Табоорой хилэ хүрэнэ; эндэһээ Дабэраат тээшэ ошожо, Япииһа өөдэ үгсэнэ.

¹³ Эндэһээ зүүн тээшээ Гаат-Хээпэр, Эт-Кациин руу ходоржо, Риммоон, Нэһаа хото тээшэ ошоно.

¹⁴ Тиигээд хилэ хойноһоо Ханнатоон тээшэ годиржо, Иптаах-Ээлэй хүндыдэ дууһана.

¹⁵ Саашаа Каттаат, Наһалаал, Шимроон, Идалаа ба Бэтлэһээм. Хамтадаа арбан хоёр хотонууд сэлеэнүүдтэеэ.

¹⁶ Эдэ хото сэлеэнүүд Зэбүлүүнэй хүбүүдтэ угсаагаарнь үгтэһэн хубаари мүн.

Иссахаарай угсаатанай мэдэлэй газарнууд

¹⁷ Дүрбэдэхи жээрэб Иссахаарай обогто, угсаагаарнь Иссахаарай үри һадаһадта буугаа.

¹⁸ Тэдээнэй заха хилэ гэбэл: Езрээл, Хэсүллоот ба Шүнээм,

¹⁹ Хапарааһим, Шиһоон ба Анахараат,

²⁰ Раббиит, Кишиһоон ба Ээбэц,

²¹ Рээмэт, Эн-Ганниим, Эн-Хаддаа ба Бэт-Пацээц.

²² Тиигээд хилэнь Табоорто, Шаһацуумаада, Бэт-Шээмэшдэ тулгажа, Иорданай хажууда дууһана. Хамтадаа арбан зургаан хото сэлеэнүүдтэеэ.

²³ Эдэ хото сэлеэнүүд Иссахаарай үри һадаһадай угсаагаараа хубаажа абаһан хубита газарнууд мүн.

Ашээрэй угсаатанай мэдэлэй газарнууд

²⁴ Табадахи жээрэб Ашээрэй обогто, тэдээнэй угсаагаар тудаа.

²⁵ Тэдээнэй һууха газар һууринууд гэбэл, Хэлкаат, Халии, Бээтэн ба Ахшаап;

²⁶ Аламмээлэх, Амаад ба Мишаал; тиигээд хилэ баруун талаһаань Кармээлдэ, Шиһоор-Либнаадта тулгана;

²⁷ тиигээд һөөргөө наранай зүүн тээшэ Бэт-Дагоон руу ошожо, Зэбүлүүндэ, Иптаах-Ээлэй хүндыдэ тулгана, Бэт-Ээмэк ба Нэйһээл хүрэжэ, Кабуулай хажуугаар зүүн талаһаань гарана;

²⁸ саашаа Абдоон, Рэһооб, Хаммоон ба Канаа, агууехэ Сидоон хүрэтэр;

²⁹ тиигээд хилэ Рамаа тээшэ бусажа, Тиир гэдэг бэхилэгдэһэн хото хүрэнэ, Хосаа тээшэ годиржо, далай шадар, Ахзииб гэдэг газарта дууһана;

³⁰ саашаа Уммаа, Апээк ба Рэһооб гэһэн хамтадаа хорин хоёр хото сэлеэнүүдтэеэ болоно.

³¹ Эдэ хото сэлеэнүүд Ашээрэй обогой угсаагаарнь хубааһан хубита мүн.

Напталиигай угсаатанай мэдэлэй газарнууд

³² Зургаадахи жээрэб Напталиигай үри һадаһадта, тэдээнэй угсаануудаар тудаа.

³³ Тэдээнэй хилэ Хээлэпһээ ба Цаананниимэй ойһоо гараад, Адами-Нээкэб ба Ябнээл тээшэ ошожо, Лаккуум хүрөөд, Иордан шадар дууһана;

³⁴ эндэһээ хилэ баруун тээшээ Азноот-Табоорто бусаад, тэндэһээ Хуккоок тээшэ ошожо, урдаһаань Зэбүлүүндэ тулгана, баруун тээһээнь Ашээртэ, Иорданай хажууда наранай зүүн тээһээ тулгана.

³⁵ Бэхилэгдэһэн хотонууд: Циддиим, Цээр, Хаммаат, Раккаат ба Хиннээрэт,

³⁶ Адамаа, Рамаа ба Хацоор,

³⁷ Кээдэш, Эдрей ба Эн-Хацоор,

³⁸ Ироон, Мигдаал-Ээл, Һорээм, Бэт-Анаат ба Бэт-Шээмэш. Хамтадаа арбан юһэн хотонууд сэлеэнүүдтэеэ болоно.

³⁹ Эдэ хото сэлеэнүүд Напталиигай обогой угсаагаараа хубаажа абаһан хубаари мүн.

Даанай угсаатанай мэдэлэй газар

⁴⁰ Даанай обогто угсаагаарнь долоодохи жээрэб тудаа.

⁴¹ Тэдээнэй эзэмшэхэ газар нютагууд гэбэл, Цораа, Эштаһоол ба Ир-Шээмэш,

⁴² Шаалаббиин, Аялоон ба Итлаа,

⁴³ Элоон, Тимнаа ба Экроон,

⁴⁴ Элтэкээ, Гиббэтоон ба Баһалаат,

⁴⁵ Еһүүд, Бэнээ-Бэраак ба Гаат-Риммоон,

⁴⁶ Мэ-Яркоон ба Раккоон Яафын хажуудахи можотоёо хамта. Даанай үри һадаһадай газарнууд тэдээндэ багадаба.

⁴⁷ Тиигээд Даанай хүбүүд Лээшэмдэ дайгаар ошоод эзэлээ; һэлмээр хюдажа, газарынь болгон абажа, тэндэ һуурижаа. Тиигээд Лээшэмые Даан гэжэ үбгэ эсэгынгээ нэрээр нэрлээ.

⁴⁸ Эдэ хото сэлеэнүүд Даанай обогой угсаагаараа эзэмшэхэ хубита газар мүн.

Иисүүс Тимнаат-Сээраа абаба

⁴⁹ Газарай хубаари дууһахада, Израилиин хүбүүд дундаа Нүүнэй хүбүүн Иисүүстэ хубитые үгөө:

⁵⁰ Эзэнэй зарлигаар тэрээндэ Эпрааимай хада дээрэхи өөрэйнь гуйһан Тимнаат-Сээраа хотые үгөө. Тэрэ хото баряад, зосоонь байдаг болоо.

⁵¹ Шажанай албата Эльазаарай, Нүүнэй хүбүүн Иисүүсэй, обогой дарганарай Шилоодо, Эзэнэй нюур дээрэ суглаанай майхан һүмын үүдэндэ Израилиин хүбүүдэй обогуудта жээрэбээр хубааһан хубита хубааринууд иимэ. Тиигээд тэдэ газар хубаалгые дүүргээ.