Нүүнэй Иисүүс 15 - Библи

Иудын угсаатанай газарай хилэ

¹ Иудын обогой угсаатанаар хаяһан жээрэб иимэ байшоо: Эдоомтой зэргэлээд урагшаа Теманай захада Циин гэдэг элһэн губи байгаа.

² Урагшаа сэлхыһэн һэдэһэнһээ Дабһата далайн заха тэдээнэй урда хилэ болоо.

³ Урда зүгтэ тэрэ Акраббиимэй дабаан өөдэ нэмжынэ, Цииные үнгэрөөд, урда зүгһөөнь Кадээш-Барнээдэ аһажа, Хэцроониие үнгэрөөд, Аддаар өөдэ аһан Каркаа тээшэ годирно.

⁴ Тиигээд Ацмоониие үнгэрөөд, Египедэй урадхал тээшэ ошоно, тиимэһээ энэ хилын эсэс далай болоно. Энэнь урда захын хилэ болоно.

⁵ Зүүн тээшээ хилэнь Дабһата далайда, Иорданай адаг хүрэнэ. Хойто талынь хилэ далайн һэдэһэнһээ, Иорданай адагһаа эхилнэ.

⁶ Эндэһээ хилэ Бэт-Һоглаа тээшэ үгсэнэ, хойто талаһаань Бэт-Арабаае үнгэрөөд, хилэ дээшээ, Рэүбээнэй хүбүүн Бооһанай шулуун хүрэтэр ошоно.

⁷ Тиигээд хилэ Ахоор хүндыһөө Дэбиир тээшэ үгсөөд, хойто зүгтэ урадхалай урда талаһаа тобойһон Адуммиимай үндэрэй эсрэг байһан Гилгаал тээшэ годирно; тэндэһээ хилэ Эн-Шээмэшэй уһанда хүрэжэ, Эн-Рогээлэй хажууда дууһана.

⁸ Тэндэһээ хилэ Һинноомой хүбүүнэй хүнды тээшэ Евүүсэй урда талаһаа үгсэнэ. Тэрэ Иерусалим гээшэ. Тиигээд хилэ Һинноомой хүнды тушаа баруун тээнь байһан хадын оройдо гарана. Һинноомой хүнды хойшоо Рэпаиимэй хүндын захада оршодог.

⁹ Хадын оройһоо Нэптооһаагай уһанай эхин булаг тээшэ годироод, Эпроон хадын хотонууд тээшэ ошоно, тиигээд хилэ Баһалаа тээшэ годирно; тэрэ Кирьяат-Еариим гээшэ.

¹⁰ Тиигээд хилэ Баһалааһаа далай тээшэ, Сэһиир хада тээшэ Еариим хадын хойгуур ошоно, тэрэ Хэсалоон гээшэ. Тэндэһээ Бэт-Шээмэш тээшэ уруудан, Тимнаае үнгэрнэ.

¹¹ Эндэһээ Экрооной хойто талаар ошоод, Шиккэроон тээшэ годирно, Баһалаа хадые үнгэрөөд, Ябнээл хүрэжэ, далайн эрьедэ дууһана. Агууехэ далай баруун хилэ болоно.

¹² Иудын хүбүүдэй, тэдээнэй угсаатанай хилэ бүхы талаһаа иимэ.

Халээб Отниһээл хоёр Хэброониие ба Дэбиирые эзэлбэ

¹³ Халээбтэ, Епуннээгэй хүбүүндэ, Эзэнэй хэлэһэн ёһоор, Иисүүс Иудын хүбүүдэй дунда хэсэг газар үгөө: Кирьяат-Арбаагай, Анаагай эсэгын газар, ондоогоор хэлэхэдэ, Хэброониие.

¹⁴ Тиигээд Халээб тэндэһээ Анаагай хүбүүдые: Шэшайе, Ахимааниие ба Талмаайе, Анаагай үхибүүдые үлдөө.

¹⁵ Эндэһээ Дэбиир хотынхидтой дайлалдахаяа ошобо (урдань Дэбиирые Кирьяат-Сээпэр гэдэг байгаа).

¹⁶ Тиигээд Халээб: «Дайгаар добтолжо, Кирьяат-Сээпэрые абаһан хүндэ өөрынгөө Ахсаа басагые һамга хэхыень үгэхэб», – гээ.

¹⁷ Кирьяат-Сээпэрые Халээбэй дүү болохо Кэнаазай хүбүүн Отниһээл эзэлээ, тиигээд тэрээндэ Халээб Ахсаа басагаяа һамган болгожо абахыень үгөө.

¹⁸ Отниһээл Ахсаа хоёрой хуримаа хэхэ үдэрэй гаргагдахада, эсэгэһээ тала газар эри гэжэ Отниһээл гэрлэхэ басагандаа заагаа. Ахсаагай эсэгэдээ ошоод, унажа ябаһан элжэгэнһээ буухадань, Халээб басаганһаа: «Юун шамда хэрэгтэйб?» – гэжэ асууба.

¹⁹ Ахсаа эсэгэдээ иигэжэ харюусаба: «Та намда үршөөлөө хайрлыт. Та намда Нээгэбэй газар үгөөт. Мүнөө газараа уһалдаг булагуудые үгыт даа». Халээб басаганайнгаа гуйлтыень дүүргэжэ, дээдэ болон доодо булагуудые үгэбэ.

Иудын угсаатанай мэдэлэй хотонууд

²⁰ Иудын хүбүүдэй обогой угсаагаарнь хубааһан хубитанууд иимэ:

²¹ Иудын хүбүүдэй обогой урда зүгтэ Эдоомтой ниилэдэг захын хотонууд энэ: Кабцээл, Эдээр ба Ягуур,

²² Кинаа, Димонаа, Ададаа,

²³ Кээдэш, Хацоор ба Итнаан,

²⁴ Зиип, Тээлэм ба Бэалоот,

²⁵ Хацоор-Хадаттаа, Кэриһоот, Хэцроон, ондоогоор Хацоор,

²⁶ Амаам, Шэмаа ба Моладаа,

²⁷ Хацаар-Гаддаа, Хэшмоон ба Бэт-Пээлэд,

²⁸ Хацаар-Шуһаал, Бэһээр-Шээбэ ба Бизиотияа,

²⁹ Баһалаа, Иим ба Ээцэм,

³⁰ Элтолаад, Хэсиил ба Хормаа,

³¹ Циклааг, Мадманнаа ба Сансаннаа,

³² Лэбаһоот, Шилһиим, Ааин ба Риммоон: бултадаа хорин юһэн тосхонуудтай хотонууд.

³³ Доро газарта: Эштаһоол, Цораа ба Ашнаа,

³⁴ Занаах, Эн-Ганниим, Таппууһаа ба Энаам,

³⁵ Ярмуут, Адуллаам, Сохоо ба Азэкаа,

³⁶ Шаарааһим, Адитааһим, Гэдэраа, үгыш һаа, Гэдэротааим: арбан дүрбэн хотонууд тосхонуудтайгаа.

³⁷ Цэнаан, Һадашаа, Мигдаал-Гаад,

³⁸ Дилэһаан, Мицпээ ба Ёктээл,

³⁹ Лахииш, Боцкаат ба Эглоон,

⁴⁰ Каббоон, Лахмаас ба Хитлииш,

⁴¹ Гэдэроот, Бэт-Дагоон, Наһамаа ба Маккэдаа: арбан зургаан хотонууд тосхонуудтайгаа.

⁴² Либнаа, Ээтэр ба Ашаан,

⁴³ Иптаа, Ашнаа ба Нэцииб,

⁴⁴ Кэилаа, Ахзииб ба Марэшаа: юһэн хотонууд тосхонуудтайгаа.

⁴⁵ Экроон тэрээнһээ дулдыданги хотонуудтаяа ба тэдээнэй тосхонуудтай.

⁴⁶ Экроонһоо далай тээшэ Ашдоодой хажууда байһан бүхы юумэн сэлеэнүүдтэеэ.

⁴⁷ Ашдоод, тэрээнһээ дулдыданги хотонууд ба тэрээнэй сэлеэнүүд, Гааза, тэрээнһээ дулдыданги хотонууд ба тэрээнэй сэлеэнүүд Египедэй урадхал хүрэтэр ба хилэ болоһон Агууехэ далай хүрэтэр.

⁴⁸ Хаданууд дээрэ: Шамиир, Яттиир ба Сохоо,

⁴⁹ Даннаа, Кирьяат-Саннаа, ондоогоор Дэбиир,

⁵⁰ Анааб, Эштэмоо ба Аниим,

⁵¹ Гоошэн, Холоон ба Гилоо: арбан нэгэ хотонууд сэлеэнүүдтэеэ.

⁵² Арааб, Румаа ба Эшаан,

⁵³ Януум, Бэт-Таппуух ба Апээка,

⁵⁴ Хумтаа, Кирьяат-Арбаа, ондоогоор Хэброон ба Циһоор: юһэн хотонууд сэлеэнүүдтэеэ.

⁵⁵ Маһоон, Кармээл, Зиип ба Юттаа,

⁵⁶ Езрээл, Ёкдэһаам ба Занаах,

⁵⁷ Хаяан, Гибаа ба Тимнаа: арбан хотонууд сэлеэнүүдтэеэ.

⁵⁸ Халхуул, Бэт-Цуур ба Гэдоор,

⁵⁹ Маараат, Бэт-Аноот ба Элтэкоон: зургаан хотонууд сэлеэнүүдтэеэ.

⁶⁰ Кирьяат-Бааһал, ондоогоор Кирьяат-Еариим ба Раббаа: хоёр хотонууд сэлеэнүүдтэеэ.

⁶¹ Элһэн губида: Бэт-Арабаа, Миддиин ба Сэкакаа,

⁶² Нибшаан, Ир-Мээлах ба Эн-Гээди: зургаан хотонууд сэлеэнүүдтэеэ.

⁶³ Зүгөөр Иерусалимда һууһан евүүс зониие Иудын хүбүүд үлдэжэ шадаагүй, тиимэһээ евүүсүүд мүнөөш хүрэтэр Иудын хүбүүдтэй хамта Иерусалимда һуудаг.