Нүүнэй Иисүүс 12 - Библи

Моисейн илаһан хаашуул

¹ Израилиин хүбүүдэй хюдан даража, Иорданай нүгөө талада наранһаа зүүн тээшэ, Арнооной урадхалһаа Хэрмоон хада хүрэтэр, зүүн тээшэнхи бүхы тала өөрын эдлэл болгожо абаһан газарнуудайнь хаашуул энэ:

² Хэшбоондо байһан, Арнооной урадхалай эрьедэхи Ароһээрһээ, дунда урадхалһаа Галаадай хахадые аммоонуудай хилэ Яббоогой урадхал хүрэтэр,

³ зүүн тээшээ Хиннээрэтэй далай, Дабһата далай хүрэтэр, зүүн тээшээ Бэт-Ешимоот ошоһон харгыгаар, Пиисгаа уула шадарай зарим газарые урагшаа эзэлжэ байһан эмоорой хаан Сиһоон.

⁴ Тэрээнэй хүршэ Оог, Башаанай хаан, рэпаиимүүдэй һүүлшын хаан Аштароодто ба Эдрейдэ байһан,

⁵ Хэрмоон хадын ба Салэхаагай, Гэшүүрэй ба Маһахаагай хилэ хүрэтэр бүхы Башаанай, Хэшбооной хаан Сиһооной хилэ хүрэтэр Галаадай хахадай эзэн.

⁶ Эзэнэй богоол Моисей ба Израилиин хүбүүд тэдээниие алаа; тиигээд Эзэнэй богоол Моисей газарыень Рэүбээнэй ба Гаадай обогуудай ба Мэнашшээгэй обогой хахадай уламжалха эдлэл болгожо үгөө.

Иисүүсэй илаһан хаашуул

⁷ Иисүүсэй ба Израилиин хүбүүдэй сохиһон Иорданай энэ талада Ливаанай хүнды талын Бааһал-Гаадһаа, Сэһиир тээшэ һунаһан Халака хада хүрэтэрхи Эмоорой газарай хаашуул доро тоологдоно. Энэ газарые Иисүүс Израилиин обогуудта хубаажа, угай эдлэл болгожо үгөө.

⁸ Энэ газар хада дээрэ, доро хотогорто, тэгшэ талада, хадын ташаланда, элһэн губидашье, урда зүгтэшье нэмжынэ; хээдүүдэй, эмооршуудай, ханаһаануудай, пэриззиинүүдэй, хиивүүдэй ба евүүсүүдэй хаашуул:

⁹ Ерихооной нэгэ хаан, Бэт-Ээлэй хажуудахи Һайн нэгэ хаан,

¹⁰ Иерусалимай нэгэ хаан, Хэброоной нэгэ хаан,

¹¹ Ярмуудай нэгэ хаан, Лахиишэй нэгэ хаан,

¹² Эглооной нэгэ хаан, Гээзэрэй нэгэ хаан,

¹³ Дэбиирэй нэгэ хаан, Гадээрэй нэгэ хаан,

¹⁴ Хормаагай нэгэ хаан, Араадай нэгэ хаан,

¹⁵ Либнаагай нэгэ хаан, Адуллаамай нэгэ хаан,

¹⁶ Маккэдаагай нэгэ хаан, Бэт-Ээлэй нэгэ хаан,

¹⁷ Таппууһаагай нэгэ хаан, Хээпэрэй нэгэ хаан,

¹⁸ Апээгын нэгэ хаан, Шарооной нэгэ хаан,

¹⁹ Мадооной нэгэ хаан, Хацоорой нэгэ хаан,

²⁰ Шимроон-Мэрооной нэгэ хаан, Ахшаапай нэгэ хаан,

²¹ Таанаахай нэгэ хаан, Мэгиддооной нэгэ хаан,

²² Кээдэшэй нэгэ хаан, Кармээлэй дэргэдэхи Ёкнэһаамай нэгэ хаан,

²³ Напоот-Доорой дэргэдэхи Доорой нэгэ хаан, Гилгаалай Гойиимэй нэгэ хаан,

²⁴ Тирцаагай нэгэ хаан. Бүхыдөө гушан нэгэн хаан бэлэй.