Нэхэмьяа 7 - Библи

¹ Хотын ханануудай һэргээн бодхоогдоходо, би үүдэнүүдэй хаабаринуудые үлгүүлбэб, үүдэнүүдэй харуулшадые, дуушадые, левидүүдые томилбоб.

² Иерусалимые зонхилхо хэрэг хоёр хүндэ даалгабаб: өөрынгөө дүү Ханаанида, хэрэмэй дарга Ханаанияада (тэрэ ехэ найдамтай, һүзэгтэй, энээн шэнги хүн тон үсөөн бэлэй).

³ Би тэдээндэ иигэжэ хэлэбэб: – Үдын халуунай үедэ Иерусалимай үүдэнүүдые нээлтэтэй орхижо болохогүй. Харуулшад харуулда гаратараа үүдэнүүдые хаалгатай, шэбхэдээтэй байлгаг. Иерусалимда ажаһуудаг хүнүүдһээ харуулшад томилогдохо ёһотой, хүн бүхэниинь харуулда, өөһэдынгөө гэрнүүдэй хажууда хаража байг.

⁴ Тэрэ үедэ хото үргэн, ехэшье, зүгөөр тэндэ хүн зониинь үсөөн, гэрнүүдэй диилэнхынь үшөө заһабарилагдаагүй байгаа.

Иерусалимда түрүүн бусажа ерэһэн зоной нэрын жагсаал

⁵ Минии Бурханай намда мэдүүлһэн хүсэл бодолые бэелдүүлэн, би уг гарбалыень тогтоохын тула ноёд һайдые, дарганарые, бүхы хүн зониие суглуулбаб. Би нютагаа түрүүлэн бусажа ерэгшэдэй угайнь бэшэгүүдые олобоб. Тэндэ иигэжэ бэшээтэй байба:

^6-7 «Вавилооной хаан Навуходоносорто дайгаар абтажа, хүсөөр Вавилоон абаашагдаад, тэндэһээ Зэрубабээлтэй, Иисүүстэй, Нэхэмьяатай, Азаарияатай, Раамияатай, Нахамаанитай, Мордохайтай, Билшаантай, Миспээрэдтэй, Бигбайтай, Нэхүүмтэй, Баһанаатай хамта Иуда, Иерусалим болон өөр өөрынгөө хотонуудта бусажа ерэһэн израильшуудай нэрын жагсаал иимэ:

⁸ Пароошой уг – хоёр мянган зуун далан хоёр хүн,

⁹ Шэпаатияагай уг – гурбан зуун далан хоёр,

¹⁰ Араахай уг – зургаан зуун табин хоёр,

¹¹ Паһаат-Моһаабай уг (Иисүүсэй, Ёһаабай үри һадаһад) – хоёр мянган найман зуун арбан найман,

¹² Элаамай уг – нэгэ мянган табан зуун дүрбэн,

¹³ Заттуугай уг – найман зуун дүшэн табан,

¹⁴ Заххайн уг – долоон зуун жаран,

¹⁵ Биннуйн уг – зургаан зуун дүшэн найман,

¹⁶ Бэбэйн уг – зургаан зуун хорин найман,

¹⁷ Азгаадай уг – хоёр мянган гурбан зуун хорин хоёр,

¹⁸ Адонихаамай уг – зургаан зуун жаран долоон,

¹⁹ Бигбайн уг – хоёр мянган жаран долоон,

²⁰ Адиинай уг – зургаан зуун табин табан,

²¹ Этээрэй уг (Хэзэкияагай үри һадаһад) – ерэн найман,

²² Хашуумай уг – гурбан зуун хорин найман,

²³ Бэцайн уг – гурбан зуун хорин дүрбэн,

²⁴ Хариипай уг – зуун арбан хоёр,

²⁵ Гибэһооной уг – ерэн табан,

²⁶ Бэтлэһээмһээ, Нэтопааһаа гараашад – зуун наян найман,

²⁷ Анатоодһоо гараашад – зуун хорин найма,

²⁸ Бэт-Азмаабэдһээ гараашад – дүшэн хоёр,

²⁹ Кирьяат-Еариимһээ, Хэпирааһаа, Бээроодһоо гараашад – долоон зуун дүшэн гурбан,

³⁰ Рамааһаа, Гээбэһээ гараашад – зургаан зуун хорин нэгэн,

³¹ Михмаашһаа гараашад – зуун хорин хоёр,

³² Бэт-Ээлһээ, Һайһаа гараашад – зуун хорин гурбан,

³³ Нэбооһоо гараашад – табин хоёр,

³⁴ ондоо Элаамай уг – нэгэ мянган хоёр зуун табин дүрбэ,

³⁵ Хариимай уг – гурбан зуун хорин,

³⁶ Ерихооной уг – гурбан зуун дүшэн таба,

³⁷ Лоодой, Хадиидай, Оноогой уг – долоон зуун хорин нэгэн,

³⁸ Сэнаагай уг – гурбан мянган юһэн зуун гушан.

³⁹ Санаартад: Едаяагай уг (Иисүүсэй үри һадаһад) – юһэн зуун далан гурбан,

⁴⁰ Иммээрэй уг – нэгэ мянган табин хоёр,

⁴¹ Пашхуурай уг – нэгэ мянган хоёр зуун дүшэн долоон,

⁴² Хариимай уг – нэгэ мянган арбан долоон.

⁴³ Левидүүд: Иисүүсэй уг (Һодэбаагай угай, Кадмиһээлэй үри һадаһад) – далан дүрбэн хүн.

⁴⁴ Дуушад: Асаапай уг – зуун дүшэн найман хүн.

⁴⁵ Үүдэнэй харуулшад: Шаллуумай уг, Этээрэй уг, Талмооной уг, Аххуубай уг, Хатиитаагай уг, Шобайн уг – зуун гушан найман хүн.

⁴⁶ Һүмын зарасанар: Цихаагай уг, Хасупаагай уг, Таббаһоотын уг,

⁴⁷ Хэрээсэй уг, Сиһаагай уг, Падооной уг,

⁴⁸ Лэбаанай уг, Хагабаагай уг, Шалмайн уг,

⁴⁹ Ханаһаанай уг, Гиддээлэй уг, Гаахарай уг,

⁵⁰ Раһаяагай уг, Рэциинэй уг, Нэходаагай уг,

⁵¹ Газзаамай уг, Уззаагай уг, Пасээхэй уг,

⁵² Бэсайн уг, мэүүншүүдэй уг, нэписиимүүдэй уг,

⁵³ Бахбуугай уг, Хакупаагай уг, Хархуурай уг,

⁵⁴ Бацлиидэй уг, Мэхидаагай уг, Харшаагай уг,

⁵⁵ Бархоосой уг, Сисэраагай уг, Тээмаагай уг,

⁵⁶ Нэциһаагай уг, Хатипаагай уг.

⁵⁷ Соломооной богоолнуудай уг: Сотайн уг, Сопээрэдэй уг, Пэридаагай уг,

⁵⁸ Яалаагай уг, Дархооной уг, Гиддээлэй уг,

⁵⁹ Шэпаатияагай уг, Хаттиилэй уг, Похээрэт-Һаццэбаһиимэй уг, Аммооной уг.

⁶⁰ Һүмын албатан, Соломооной богоолнуудай үри һадаһад – бүхыдөө гурбан зуун ерэн хоёр хүн.

⁶¹ Тээл-Мээлаа, Тээл-Харшаа, Хэрүүб, Аддоон, Иммээр хотонуудһаа гараһан аад, Израильһаа гараһан уг гарбалаа гэршэлжэ шадаагүй хүнүүд гэбэл,

⁶² Дэлайяагай уг, Тобияагай уг, Нэходаагай уг – зургаан зуун дүшэн хоёр хүн.

⁶³ Тэдэнһээ гадна санаартадһаа гэбэл: Хабайяагай уг, Һаккооцой уг, мүн Барзиллайн уг. Барзиллай бол Галаад нютагай Барзиллайн басагадай нэгые һамган болгоод, нэрэдэнь ороһон түүхэтэй.

⁶⁴ Тэдэнэр угай бэшэгүүдые бэдэрээд, тэдээн соо өөһэд тухайгаа тэмдэглэл олобогүй, тиигээд тэдэниие санаартадай хэргэмһээ хаһаба.

⁶⁵ Санаартанай урим ба туммим дээрэ үзэл үзэжэ, Бурханай хүсэл мэдэхын урда тэдэнэр нангин үргэлһөө эдихэ эрхэгүй гээд засаг баряаша хэлэбэ.

⁶⁶ Энэ бүлэгтэ бүхыдөө дүшэн хоёр мянга гурбан зуун жаран хүн гээд тоологдоно,

⁶⁷ богоолнууд, шэбэгшэнүүдгүйгөөр, – тэдэнэй тоо долоон мянга гурбан зуун гушан долоондо хүрөө, үшөө тиихэдэ хоёр зуун дүшэн табан дууша эрэшүүл болон эхэнэрнүүд,

⁶⁸ долоон зуун гушан зургаан морин, хоёр зуун дүшэн табан луус,

⁶⁹ дүрбэн зуун гушан табан тэмээн, зургаа мянга долоон зуун хорин элжэгэн тоологдоһон байна.

⁷⁰ Угуудай гулбаанарай зариман Һүмэ һэргээн бодхоолгодо үргэл үргэбэ: засаг баригша – нэгэ мянган драахма алта, табин аяга, табан зуун гушан санаартанай хубсаһа хунар;

⁷¹ угуудай гулбаанарай зариман – хорин мянган драахма алта, хоёр мянган хоёр зуун миинэ сагаан мүнгэ.

⁷² Бусад арад түмэн – хорин мянган драахма алта, хоёр мянган миинэ сагаан мүнгэ, санаартадай үмдэхэ жаран долоон хубсаһа хунар үргэбэ.

⁷³ Санаартад, левидүүд, үүдэнэй харуулшад, дуушад, хара зон, һүмын зарасанар гэхэшэлэн бүхы израильшууд өөһэд өөһэдынгөө хотонуудта ажаһуудаг болобо».