Нэхэмьяа 3 - Библи

Иерусалимай ханануудые шэнээр бариһан зоной жагсаал

¹ Ахамад санаартан Элиашииб, мүн тэрэнэй түрэл болохо санаартад Хониной үүдэн гэжэ хаалга, шэбхэ хүшэлтэнүүдые заһабарилба, хаабаринуудыень үлгэбэ, арюудхабад. Тэдэнэр Зуутанай хэрэмһээ Хананээлэй хэрэм хүрэтэр арюудхабад.

² Ерихоондо ажаһуугшад саашань барибад, саашань Имриин хүбүүн Заххуур үргэлжэлүүлбэ.

³ Сэнаагай угай хүнүүд Загаһанай үүдэ заһабарилба. Тэдэнэр можонуудыень бэхилээд, хаабари, хүшэлгэнүүдыень үлгэбэд.

⁴ Саашадахи ханые Һаккооцой аша, Урияагай хүбүүн Мэрэмоот, тэрэнһээ саанахиие Мэшэзабээлэй аша, Бэрэхияагай хүбүүн Мэшуллаам, тэрэнэй саанахиие Баһанаагай хүбүүн Цадоок заһабарилба.

⁵ Саашадахи ханые Тэкооһагай ажаһуугшад шэнэлбэд. Зүгөөр Тэкооһагай мэдээжэ хүнүүд өөрынгөө Эзэнэй туһада хүдэлхэ дурагүй байба.

⁶ Хуушан үүдэ Пасээхэй хүбүүн Ёядаа ба Бэсодияагай хүбүүн Мэшуллаам гэгшэд заһаба. Тэдэнэр можонуудыень бүхэлөөд, шэбхэ хүшэлгэнүүдыень, хаабаринуудыень үлгэбэд.

⁷ Евфратһаа баруулжаа газарай засаг баряашын мэдэлэй Гибэһоон, Мицпаа нютагуудай зон – Гибэһоон нютагай Мэлаатияа, Мэроноот нютагай Ядоон гэгшэд хэрэм хана саашань заһабарилбад.

⁸ Тэдэнһээ саанахиие мүнгэшэ дархан Харһаяагай хүбүүн Уззиһээл, удаадахииень арюун үнэртэ уһа бэлдэгшэ Ханаанияа заһабарилба. Тэдэнэр Иерусалимые Үргэн хана хүрэтэр һэргээн бодхообо.

⁹ Ханын саанадахиие Иерусалимай хахад можые толгойлогшо Хуурай хүбүүн Рэпаяа,

¹⁰ саанахииень Харумаапай хүбүүн Едаяа (тэрэ өөрынгөө гэрэй урдахиие), үргэлжэлэлынь Хашабнэяагай хүбүүн Хаттууш һэльбэн заһабарилба.

¹¹ Ханын нүгөө талые, Пеэшэнэй самхагые Паһаат-Моһаабай хүбүүн Хашшууб, Хариимай хүбүүн Малхияа гэгшэд заһабарилба.

¹² Ханын үргэлжэлэлые Иерусалимай нүгөө хахад можые толгойлогшо Һаллоһээшэй хүбүүн Шаллуум өөрынгөө басагадтай хамта заһабарилба.

¹³ Гол болон талын үүдые Хануун гэгшэ Занаах нютагай ажаһуугшад һэльбэн шэнэлбэ. Тэдэнэр үүдэнүүдые шэнээр баряад, хаабаринуудыень, шэбхэ, хүшэлтэнүүдыень үлгэбэ. Тэдэнэр мянган тохойн хэмжээнэй хана заһабарилжа, Шэбхэ шоройн үүдэн хүргэбэ.

¹⁴ Шэбхэ шоройн үүдые Бэт-Һахээрэм гэжэ нютагые толгойлогшо, Рэхаабай хүбүүн Малхияа заһабарилба. Тэрэ үүдэ заһабарилжа, хаабаринуудыень, шэбхэ, хүшэлгэнүүдыень үлгэбэ.

¹⁵ Мицпаа нютагые толгойлогшо, Хол-Хозээгэй хүбүүн Шаллуум Булагай үүдэ шэнэлбэ. Тэрэ үүдэ шэнэлээд, харшын үүдые пүмпэгэр маягтайгаар бүтээбэ, хаабаринуудыень, мүн шэбхэ, хүшэлгэнүүдыень үлгэбэ. Давидай хотоһоо доошолһон гэшхүүрһээ хаанай сэсэрлиг соохи Шээлах гэжэ сөөрэм хүрэтэр хана һэргээн заһабарилба.

¹⁶ Тэрэнһээ саанахиие Бэт-Цуур гэжэ нютагай хахадыень толгойлогшо Азбуугай хүбүүн Нэхэмьяа заһабарилба. Тэрэ Давидые хүдөөлүүлһэн бунханай шанха урдаһаа эхилээд, хэмэл сөөрэм, Сэрэгшэдэй байшан хүрэтэрхи хана һэргээбэ.

¹⁷ Саашанхи ханые левидүүд заһабарилба: Баниин хүбүүн Рэхүүм, үргэлжэлэлыень Кэилаа нютагай хахадыень толгойлогшо Хашаабияа (тэрэ өөрынгөө нютагай зүгһөө хүдэлөө) болоно.

¹⁸ Үшөө үргэлжэлһэн ханые тэдэнэй түрэлнүүд заһабарилба. Мүн баһа тэндэ Кэилаа нютагай нүгөө хахадыень толгойлогшо Хэнадаадай хүбүүн Баввай хүдэлөө.

¹⁹ Саашань Мицпаа нютагай толгойлогшо Иисүүсэй хүбүүн Ээзэр буландахи зэбсэг хадагалдаг байрын шанха урда үгсэһэн ханын нүгөө талые заһабарилба.

²⁰ Ханын хотирхой талые Заббайн хүбүүн Баруух ахамад санаарта Элиашиибай гэрэй үүдэн хүрэтэр үргэлжэлүүлэн бариба.

²¹ Элиашиибай гэрэй үүдэнһээ эхилээд, гэрэй заха болотор ханын нүгөө талые Һаккооцой аша, Урияагай хүбүүн Мэрэмоот үргэлжэлүүлбэ.

²² Ханын үргэжэлэлые ойро тойрын санаартад шэнэлбэ,

²³ саашань Бэньямиин ба Хашшууб өөһэдынгөө гэрэй шанха урдахиие, саашань Анаанияагай аша, Маашэяагай хүбүүн Азаарияа өөрынгөө гэрэй хажуудахиие.

²⁴ Азаарияагай гэрһээ булан, ханын хотирхой хүрэтэрхиие Хэнадаадай хүбүүн Биннуй заһабарилба.

²⁵ Харуулшадай байрын хажуудахи Хаанэт дээдэ ордоной Үндэр самхагай шанха урдахи булан болотор Узайн хүбүүн Палаал үргэлжэлүүлбэ. Саашань Пароошой хүбүүн Пэдаяа,

²⁶ ба Оопэл гүбээ дээрэ ажаһуудаг Һүмын албатан үргэлжэлүүлбэ. Тэдэнэр Үндэр самхагай ба зүүн зүгтэхи Уһашанай үүдэн хүрэтэрхи ханые һэльбэн шэнэлбэд.

²⁷ Үндэр ехэ самхагай нүгөө талаһаа эхилээд Оопэл гүбээ тойроһон ханые Тэкооһада ажаһуугшад үргэлжэлүүлэн заһабарилба.

²⁸ Мориной үүдэнэй талын ханые санаартад байдаг гэрэйнгээ шанха урдахиие заһабарилбад.

²⁹ Тэндэһээ саашанхиие Иммээрэй хүбүүн Цадоок (гэрэйнгээ шанха урдахиие) заһабарилба, саашань Зүүн талын үүдэнэй харуулшан Шэханьяагай хүбүүн Шэмаяа үргэлжэлүүлбэ.

³⁰ Ханын нүгөө талые Цалаапай зургаадахи хүбүүн Хануун ба Шэлээмияагай хүбүүн Ханаанияа үргэлжэлүүлбэ. Ханын саашанхи үргэлжэлэлые Бэрэхияагай хүбүүн Мэшуллаам байрынгаа урдахиие заһабарилба,

³¹ Алташа дархан Малхияа Суглаанай үүдэнэй шанха урдахи Һүмын албатанай болон наймаашадай гэр, мүн булангай талмай хүрэтэрхиие заһабарилба.

³² Булангай талмайһаа эхилээд Хониной үүдэн хүрэтэрхи ханые алташа дархашуул ба наймаашад шэнэлэн заһабарилба.