Нэхэмьяа 11 - Библи

Иерусалимай ажаһуугшад

¹ Хүтэлбэрилхы удамаршад Иерусалимда ажаһуудаг болобо, харин бэшэ зон жээрэбэй ёһоор иигэжэ тодоруулбад: арбанай нэгэ хуби нангин хото Иерусалимда, юһэн хубинь ондоо хотонуудта үлэбэд.

² Арад зон Иерусалимда һайн дураараа ажаһууха бологшодые үреэбэ.

³ Иерусалимда ажаһуудаг ороной хүтэлбэрилхы угуудай гулбаанар эдэнэр болоно. (Харин Иудын хотонуудта израильшууд, санаартад, левидүүд, Һүмын албатад, мүн Соломооной зарасанууд – эдэнэр өөһэд өөһэдынгөө хотонуудта ажаһуугаа.)

⁴ Иерусалимда ажаһуугшад гол түлэб Иудын ба Бэньямиинэй угуудай зон бэлэй. Иудын угһаа: Пээрэцэй үри һадаһан, Уззияагай хүбүүн Атаяа; Уззияа Захарияагай, Захарияа Амарияагай, Амарияа Шэпаатияагай, Шэпаатияа Маһалалээлэй бэлэй;

⁵ Шилооной үри һадаһан, Баруухай хүбүүн Маашэяа; Баруух Хол-Хозээгэй, Хол-Хозээ Хазаяагай, Хазаяа Адаяагай, Адаяа Ёяриибай, Ёярииб Захарияагай хүбүүн бэлэй.

⁶ Пээрэцэй үри һадаһад болохо дүрбэн зуун жаран долоон сэрэгшэ Иерусалимда ажаһуудаг болоо һэн.

⁷ Бэньямиинэй угһаа: Мэшуллаамай хүбүүн Саллуу; Мэшуллаам Ёһээдэй, Ёһээд Пэдаяагай, Пэдаяа Холайяагай, Холайяа Маашэяагай, Маашэяа Итиээлэй, Итиээл Ешайягай хүбүүн бэлэй.

⁸ Мүн тэрэнтэй Габбай, Саллай гэгшэд. Бүхыдөө юһэн зуун хорин найман хүн.

⁹ Зихриигэй хүбүүн Ёһээл тэдэнэй дарга байгаа, харин Һассэнуһаагай хүбүүн Иуда хотын даргын орлогшоор томилогдоо.

¹⁰ Санаартад: Ёяриибай хүбүүн Едаяа, Яхиин,

¹¹ Бурханай гэрые эрхилэгшэ, Хилкияагай хүбүүн Сэраяа; Хилкияа Мэшуллаамай, Мэшуллаам Цадоогой, Цадоок Мэрайһоодой, Мэрайһоот Ахитуубай хүбүүн бэлэй;

¹² тэдэнэй түрэлнүүд, Һүмэ соо ажал бүтээгшэд, бултадаа найман зуун хорин хоёр хүн. Баһа Ероһаамай хүбүүн Адаяа; Ероһаам Пэлаалиин, Пэлаали Амциин, Амции Захарияагай, Захарияа Пашхуурай, Пашхуур Малхияагай хүбүүн бэлэй;

¹³ тэрэнэй түрэлнүүд, угуудай удамаршад – бүхыдөө хоёр зуун дүшэн хоёр хүн. Баһа Азарээлэй хүбүүн Амашсай; Азарээл Ахзайн, Ахзай Мэшиллэмоодой, Мэшиллэмоот Иммээрэй хүбүүн бэлэй;

¹⁴ тэрэнэй түрэлнүүд хүсэтэ сэрэгшэд – бүхыдөө зуун хорин найман хүн. Хаггэдолиимай хүбүүн Забдиһээл тэдэнэй дарга байгаа.

¹⁵ Левидүүдһээ: Хашшуубай хүбүүн Шэмаяа; Хашшууб Азрикаамай, Азрикаам Хашаабияагай, Хашаабияа Бүнниигэй хүбүүн бэлэй;

¹⁶ Бурханай гэрһээ газаа тээ ажал ябуулдаг левидүүдэй толгойлогшод Шэббэтай ба Ёзабаад;

¹⁷ мүргэлэй магтаал дууладаг гол дуушан, Михаагай хүбүүн Маттаанияа; Михаа Забдиин, Забдии Асаапай хүбүүн бэлэй; хоёрдохи дуушан Бахбуугьяа; Шаммууһын хүбүүн Абдаа; Шаммууһа Галаалай, Галаал Едүтүүнэй хүбүүн бэлэй.

¹⁸ Нангин хотодо бүхыдөө хоёр зуун наян дүрбэн левит тоологдоо.

¹⁹ Үүдэнүүдэй харуулшад: Аххууб, Талмоон ба тэдэнэй түрэлнүүд – үүдэнүүдые харууһалагшад – бүхыдөө зуун далан хоёр хүн.

²⁰ Израильшуудай бусадынь, санаартад ба левидүүд Иудын бүхы хото һууринуудаар, угай хубинуудаар ажаһуугаа.

²¹ Һүмын албатан Иерусалимай Оопэл гүбээ дээрэ ажаһуудаг һэн; тэдэниие Цихаа Гишпаа хоёр ударидадаг һэн.

²² Иерусалимда левидүүдые Баниин хүбүүн Үззии ударидан толгойлдог һэн; Бании Хашаабияагай, Хашаабияа Маттаанияагай, Маттаанияа Михаагай бэлэй. Үззии Бурханай гэртэ мүргэл гүйсэдхэлгын түлөө харюусадаг дуушадай Асаап гэжэ угһаа гаралтай һэн.

²³ Эдэ уялганууд хаанаар томилогдоһон тула тусхай зарлигаар үдэр үдэрөөр заагданхай һэн.

²⁴ Иудын хүбүүн Зээрахай үри һадаһан, Мэшэзабээлэй хүбүүн Пэтаахияа манай арадай хэрэгүүдэй талаар хаанай туһалагша байгаа.

Израильшуудай Иерусалимһаа гадуур ажаһуудаг хото тосхонууд

²⁵ Иудын угай зоной һуудаг тосхонууд газар таряалангуудтаяа: Кирьяат-Арбаа ба оршон тойронхи тосхонууд, Дибоон ба хажуудахи тосхонууд, Ехабцээл ба хажуудахи тосхонууд,

²⁶ Ешууһа, Моладаа, Бэт-Пээлэд,

²⁷ Хацаар-Шуһаал, Бэһээр-Шээбэ ба хажуудахи тосхонууд

²⁸ Циклааг, Мэхонаа ба хажуудахи тосхонууд,

²⁹ Эн-Римоон, Цораа, Ярмуут,

³⁰ Занаах, Адуллаам ба хажуудахи тосхонууд, Лахииш ба хажуудахи таряалангууд, Азэкаа ба хажуудахи тосхонууд. Хүнүүд Бэһээр-Шээбэһээ Һинноомой хүнды хүрэтэр түбхинэн ажаһуугаа.

³¹ Бэньямиинэй угай хүнүүд Гээбэһээ эхилээд, иимэ нютагуудта ажаһуугаа: Михмааш, Айяа, Бэт-Ээл ба хажуудахи тосхонууд,

³² Анатоот, Нооб, Анаанияа,

³³ Хацоор, Рамаа, Гиттааһим,

³⁴ Хадиид, Цэбоһиим, Нэбаллаат,

³⁵ Лоод, Оноо ба Урашуулай гол.

³⁶ Иудын газар дээрэ ажаһууһан левидүүдэй зариманиинь Бэньямиинэй газарта түбхинэһэн түүхэтэй.