Малаахи 4 - Библи

¹ «Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

² «Гэбэшье Минии нэрын урда һүгэдэдэг хүнүүдэй түлөө үнэн шударгын наран мандажа, эдэгээгшэ туяа гийгүүлхэл. Таанад хашаанһаа гүйжэ гараһан тугал шэнги сүлөөтэй хүхюу харайлдахат.

³ Таанад нүгэлтэниие гэшхэн гарахат, Минии томилһон үдэр хүлэйтнай ула дорохи тоборог болохо» гэжэ Түмэн Сэрэгтэ Эзэн айладажа байна.

⁴ «Минии зараса Моисейн Һургаал һанагты. Хорээб хада дээрэ Минии тэрээндэ тушааһан тогтоол, зарлигуудые һанагты. Энэ хадаа бүхы Израильда хэгдэһэн хэрээ захяа гээшэ.

Эзэнэй үдэрэй урда тээ заларан ерэхэ Элияа лүндэншэн

⁵ Харагты, Эзэнэй агууехэ, һүрөөтэ үдэр ерэхэһээнь урид Би лүндэншэн Элияае таанарта эльгээнэб.

⁶ Тэрэ эсэгэнэрэй сэдьхэл хүүгэдтэнь, хүүгэдэй сэдьхэл эсэгэ тээшэнь эрьюулхэ. Үгы гэбэл, Би ерэжэ, энэ нютаг орониие хараалда хүртөөхэб».