Коринфынхидтэ 1-дэхи 16 - Библи

Һүзэглэгшэ аха дүүнэртэ үзүүлхэ туһаламжа

¹ Мүнөө дуталдажа байһан Иудей можын Бурханай хүнүүдтэ алта мүнгэ суглуулжа туһалха талаар хэлэһүүб. Галаадай һүзэглэгшэдэй бүлгэмүүдтэ юу хэхыень захяа һэнби. Таанадшье тэрэ захяа дүүргэгты.

² Воскресени бүхэндэ булта шадалайгаа зэргээр оролгоһоон мүнгэ гаргаад, тэрэнээ хадагалжа байг. Тиигэбэлтнай, ерэхэдэмни, алта мүнгэ суглуулха хэрэг гарахагүй.

³ Би ерэхэдээ, шэлэжэ абаһан хүнүүдтэтнай бэшэгээ үгөөд, бэлэгүүдтэйнь Иерусалим ябуулхаб.

⁴ Хэрбээ тэдэнтэй суг ябалсаха хэрэгтэй байбал, хамта ябуужаб.

Һүүлшын заабаринууд

⁵ Би Македонёор дайраад, һүүлээрнь таанадта ерэхэб. Македонёор дайраха ёһотой хүнби.

⁶ Нэгэ хэды саг соо таанадтай байхаб, үбэлжэжэшье магадгүйб, һүүлээрнь таанад намайе замдамни суглуулаарайт.

⁷ Би таанадтай халта уулзаад лэ хахасахаяа һананагүйб. Хэрбээ Эзэнэй үршөөбэл, таанадтайгаа удаан байһайб гэжэ хүсэнэб.

⁸ Эндэ Эфестэ би Табидахи үдэрэй һайндэр болотор байхаб.

⁹ Эндэ эсэргүүсэгшэдэй олон байгаашье һаань, агууехэ шухала хэрэг бэелүүлхэ боломжо гараад байна.

¹⁰ Хэрбээ Тимофейн таанадта ошобол, танай дунда айлта зоболтогүй байха тухайнь бодооройт, тэрэ намдал адли Эзэнэй аша туһада ажаллана.

¹¹ Хэншье тэрэниие доогуур бү хараг. Тэрэнэй намда бусажа ерэхэ замайнь амгалан байха тухай бодон, тэрэниие үдэшөөрэйт. Би тэрэниие һүзэглэгшэ аха дүүнэртэйгээ ерэхыень хүлеэнэб.

¹² Мүнөө манай һүзэглэгшэ нүхэр Аполлос тухай хэлэһүүб. Би тэрэниие таанадта һүзэглэгшэ аха дүүнэрээр хамта ошохыень ехэл гуйһан байгааб. Теэд тэрэ мүнөө таанадта ошохо аргагүй байна, гэхэдэ боломжо гарабал, тэрэ таанадта заабол ошохо.

¹³ Һэргэг байгты. Һүзэгөө алдангүй, зоригтой, хатуу байгты.

¹⁴ Ямаршье юумэ хэхэдээ, дуратайгаар хэжэ байгты.

¹⁵ Таанад Стефан ба тэрэнэй гэр бүлэ тухай мэдэнэт, тэдэнэр Ахайяын зоной дундаһаа анха түрүүн Эзэндэ һүзэглэһэн, Бурханай хүнүүдэй алба хэхэдэ өөһэдыгөө бүрин зорюулаа юм. Аха дүүнэрни,

¹⁶ тиимэл хүнүүдэй ба тэдэнтэй ажаллажа, алба хэжэ байһан хүнүүдэй хүтэлбэри доро ябагты гэжэ таанадые гуйнаб.

¹⁷ Стефан, Фортунат, Ахаик гурбанай ерэһэндэ би аргагүй ехээр баярланаб, тэдэнтэй байхадаа, таанадай үгы байһые ойлгонгүй үнгэрбэб.

¹⁸ Тэдэнэр намайешье, таанадыешье баярлуулаа. Тиимэ зониие хүндэлжэ байгты.

¹⁹ Аси можын һүзэглэгшэдэй бүлгэмүүд таанадта мэндые хүргэнэ. Ааквила Прискиилла хоёр, тэдэнэй гэртэ суглардаг һүзэглэгшэдэй бүлгэм таанадта Эзэндэ һүзэглэгшэдэй халуун мэндые хүргэнэ.

²⁰ Таанадта эндэхи һүзэглэгшэ аха дүүнэр булта мэндые хүргэнэ. Бэе бэеэ арюун дотоноор таалажа мэндэшэлээрэйт.

²¹ Энэ мүрнүүдые өөрын гараар бэшэнэб: Павел таанадта амар мэндые хүргэнэ.

²² Эзэндэ дурагүй байһан хүнэй толгой дээрэ хараал бууг. Манай Эзэн, ерыт даа!

²³ Эзэн Иисүүсэй үршөөл хайра таанадтай байһай!

²⁴ Минии хайра дуран Иисүүс Христоос соо та бүхэнтэй оршохонь болтогой!