Иоов 25 - Библи

Билдаадай гурбадахи үгэ

¹ Шууһаа отогой Билдаад Иоовто хандан хэлэбэ:

² – Хамагые захирагша Бурханиие хүн бүхэн хүндэлхэ ёһотой. Тэрэ тэнгэридэ байгаад, юртэмсые гуримшуулан эблүүлдэг.

³ Хэн Тэрэнэй хүсэтэ сэрэгэй тоо гаргажа шадахаб? Тэрэнэй гэрэл ямар хүн дээрэ тудангүй үнгэрнэб?

⁴ Хэн Тэрэнэй урда огто гэмгүй гэгдэхэб? Эхэнэр хүн сэбэр байха гү? Хүн түрэлтэн соо тиимэ хүн байхагүй.

⁵ Тэрэнэй урда гэрэлтэ һарашье харанхы, одо мүшэдшье ялагар бэшэ байхадань,

⁶ хорхой мэтэ хүн гээшэ Тэрэнэй урда ямар байлтайб даа.