Иоов 14 - Библи

¹ Эхэнэрһээ гараһан хүнэй наһан богони, тэрэнэй үтэлхэнь түргэн. Амидарал гээшэ түбэгтэй.

² Һалбаран дэльбыһэн сэсэг хурдан хоршыдог. Оройн һүүдэр түргэн хатадаг. Хүнэй амидарал тэрээндэ адлихан.

³ Иимэ амитадые үзэжэ, шиидхэл хубаахань Танда хэрэгтэй юм гү?

⁴ Бузар юумэнһээ арюун байдал гарахагүй. Хүн гээшэ түрэлхиин бузартай амитан.

⁵ Хүнэй наһанай хэмжээе тогтоожо үгэһыетнай хэн ондоо болгожо шадахаб?

⁶ Зарсыншье ажалда дууһаха саг байдаг ха юм, хүндэ үхэн үхэтэрынь сүлөө үгэхэгүй гээшэ гүт?

⁷ Ургажа байгаа модые отолбошье, үндэһэнһөө дахин ургажа болодог.

^8-9 Модоной үндэһэн хатабашье, бороогой ороходо һэргэдэг юм.

¹⁰ Хүн гээшэ модондо адли бэшэ. Нэгэл удаа үхэхэдөө, дүүрээ. Үхэһэн хүнэй хаана ошодогыень хэн хэлэжэ шадахаб?

¹¹ Нуурай уһанай дундаран хооһорходо, голой уһанай шэргэжэ хатаһантай адли

¹² хүн гээшэ үхөөд, дахин бодожо ерэдэггүй. Тэнгэри дэлхэйн һүнэн һүнэтэр тэрэ нойрһоо һэрихэгүй.

¹³ Эзэн минии! Үхэлэй орондо намайе нюужа, Танай уур хилэнсэгэй бууратар намайе үхүүлээд, болзолһон сагта бодхоожо ярилдаха байгаат.

¹⁴ Үхэһэн хүниие амилуулжа шадаха бэзэт. Зоболон бэрхэшээлэй үдэрнүүдэй хубилтар би хүлеэхэб.

¹⁵ Дуудаһан сагта би бодожо ерээд, харюу үгэбэлни, өөрын гараар бүтээһэн намайе үзэхэдөө, эрхэ бэшэ өөгшөөжэ магадгүйт.

¹⁶ Тиигээд хэһэн бүхыемни нарибшалан шалгажа, нүгэлтэ хэрэг намда тохонгүй,

¹⁷ сумаа соо шуудайлһан мэтэ хойшонь хээд мартажашье магад.

¹⁸ Гэбэшье бороогой уһан уула нураадаг, хада шулуу хахалдаг,

¹⁹ үерэй уһан хүрьһэ шорой эбдэдэг. Тэрээншэлэн Та хүнэй найдал аажамханаар таһалдаг байнат.

²⁰ Хүсэтэ Танай эсэргүүсэл хүн удаан тэсэхэгүй. Аалихан доройтоһоор амидаралһаа халин зайладаг.

²¹ Үри хүүгэдэйнгээ доройтохо өөдэлхые тэрэ мэдэхэгүй, гомдолыень тараан хайрлаха аргагүй.

²² Өөрынь лэ бэе сэдьхэлэй зоболон үбшэн бэеынь эзэмдэдэг.