Иона 2 - Библи

Иона абарга загаһанай хото сооһоо Эзэндэ зальбарна

¹ Эзэн абарга загаһанда хандажа, Ионые залгихыень захирба. Иона энэ загаһанай хото соо гурбан үдэр, гурбан һүни байба.

² Иона абарга загаһанай досооһоо Эзэндээ зальбарба:

³ Гашуудалайнгаа хэмгүй ехэдэ Эзэнээ дуудабаб, Тэрэ намайе анхарбал; үхэлэй оронһоо би хашхархаб, Та минии гуйлтые дуулабат.

⁴ Та намайе гүн руу, далайн оёор руу оруулбат, урасхалта долгид намайе хүреэлөөл, Танай уһан, Танай долгид нам дээгүүр үнгэрнэл.

⁵ Удаань би иигэжэ хэлэбэб: Би Танай үмэгшэлгэһөө зайсуулагдааб, гэбэшье би Танай нангин Ордон дахинаа харахалби!

⁶ Сэдьхэлыем уһан эзэмдээл, гүн уһан баринал намайе; далайн замаг толгойем боонол.

⁷ Далай соохи уулын хормой хүрэтэр буубалби, газар бата хаалтаараа намайе хэтэдээ хаагаа; Та, Эзэн Бурхамни, ами наһыем үргэн гаргыт нүхэнһөө!

⁸ Үхэхэ туйлдаа хүрэжэ байхадаа, Таниие – Эзэнээ дурсааб, Танда, нангин Ордондотнай минии гуйлта хүрөөл.

⁹ Хооһон шэнжэтэй, хуурмаг бурхадта шүтэгшэд өөрынгөө Энэрилтые орхёол.

¹⁰ Харин би Танда магтаалай дээжые хүргэн мүргэнэлби, найдуулһанаа би заатагүй дүүргэхэб: абарални Эзэнһээ ерэхэл!

¹¹ Эзэн абарга загаһанда захирба, тиихэдэнь тэрэ Ионые газар дээрэ гарган гулдижархиба.