Һургаал 31 - Библи

Лэмүһээл хаанай үгэ

¹ Лэмүһээл хаанай эхын хүбүүндээ хэлэһэн һургаал:

² Зай юун бэ, хүбүүмни? Юун бэ, хэбэл сооһоом гараһан үримни? Юун бэ, минии тангаригуудай хүбүүн?

³ Эмэгтэй хүндэ хүсөө баража бү бай, хаадые һүйдхэдэг эхэнэрнүүдтэ хүсэл зоригоо эзэмдүүлжэ болохогүй.

⁴ Лэмүһээл, хаан хүнэй үзэмэй дараһан архи уухань зохидгүй зүйл гээшэ. Уг изагууртанай уухаяа үзэмэй дараһан архи бэдэржэ ябахань таагүй.

⁵ Тэдэ уужа һогтоод, хуули тогтоолнуудаа мартажа, зобоһон зоной эрхэ ашаг ула дороо гэшхэжэ магадгүй.

⁶ Үхэлдэ дүтэлһэн хүнүүдтэ үзэмэй дараһан архи бари, амидаралынь гашуун хүнүүдтэ үзэмэй дараһан архи аягала.

⁷ Тэрэ уухадаа ядуу байдалаа мартан, зоболон тухайгаа бү һанаг.

⁸ Хэлэхэ аргагүй хүнүүдэй түлөө, золгүй бүхы хүнүүдэй түлөө амаа нээ.

⁹ Үгэ амалжа, зүб шударгаар шүүжэ, ядуу гуйраншын болон гай тодхорто орогшын эрхэ хамгаала. א Алээп

Һамганай магтаал

¹⁰ Хэн арбан тэгшэ һайхан эхэнэрые оложо шадахаб? Тиимэ эхэнэр эрдэниһээ үлүү үнэтэй. ב Бээт

¹¹ Нүхэрынь тэрээндэ бүрин этигэн юугээршье дутахагүй. ג Гиимэл

¹² Тэрэ ами наһанайнгаа бүхы үдэрнүүдтэ һайн ашыень харюулдаг. ד Даалэт

¹³ маалинга ажаллана гү, юрэдөө гарынь сүлөө байдаггүй. ה Һээ

¹⁴ Худалдаанай онгосо мэтэ хоол хүнэһөө холоһоо асардаг. ו Ваав

¹⁵ Үүр сайхаһаа урид бодожо, гэр бүлэдөө эдеэ бэлдэжэ, шэбэгшэнүүдтээ хэхэ юумынь хубаадаг. ז Заайин

¹⁶ Тэрэ газар үзөөд, худалдан абадаг, өөрын оролдолгоор уһан үзэмэй һөөг тарижа, жэмэс ехээр ургуулдаг. ח Хээт

¹⁷ Гуя ташааниинь хүдэр бэхи, гарынь хүсэ оронхой. ט Тээт

¹⁸ Наймаань урагшатай ябахадань урмашан, бүхэли һүниндөө тоһон дэнгынь унтарнагүй. י Ёд

¹⁹ Гартаа ээрүүл барижа, хургадынь онгосоһоо һаланагүй. כ Каап

²⁰ Үгытэй ядууда тэрэ үгэдэг, зобоһондо туһалха гараа һарбайдаг. ל Лаамэд

²¹ Саһанай ороходонь һанаагаа зобохо ушар байхагүй, гэр бүлэнь дулаан хубсаһатай. מ Мээм

²² Өөртөөшье гоё хубсаһа уралан оёдог, маалинга болон улаан хилгааһан хубсаһатай ябадаг. נ Нүүн

²³ Үбгэниинь орон нютагтаа хүндэтэй, хотын хашаагай үүдэнэй хажууда нютагай ахамад зоной дунда һуудаг. ס Саамэх

²⁴ Тэрэ самса оёжо худалдадаг, Кенаанай хүпеэсүүдтэ бүһэ абаашадаг. ע Аайин

²⁵ Хүсэ шадал ба нэрэ хүндэ тэрэнэй хубсаһан болонхой, энеэбхилэлээр үдэрөө угтана. פ Пээ

²⁶ Хэлэн дээрэнь – сэсэн үгэ, амаа нээхэдээ, һайн һургаал хэлэдэг. צ Цадээ

²⁷ Тэрэ гэртэхи хэрэгүүдтээ жэншэдгүй анхардаг ба миин һуухые мэдэдэггүй. ק Кооп

²⁸ Хүүгэдынь үглөөгүүр һэрихэһээ үреэлтэ үгэнүүдые хэлэнэ, нүхэрынь тэрэниие магтана: ר Рээш

²⁹ «Олон эмэгтэйшүүл һайн үйлэ хэдэг, харин ши тэдэнһээ үлүү байнаш». ש Шиин

³⁰ Дура буляама байдал хуурмаг, гоё үзэсхэлэн хооһон шанартай. Харин Эзэнһээ түбэгшөөн бэшэрдэг эхэнэр магтаал абаха ушартай. ת Таав

³¹ Ажал үйлынь ашаг үрэ тэрээндэ хүртүүлэ. Хотын хашаагай үүдэнэй хажууда тэрээниие хүндэлэн магтагты!