Һургаал 27 - Библи

Нүхэдтөө үнэн сэхэ бай

¹ Үглөөдэрые бү һайрха, юун болохыень өөрөөшье мэдэнэгүйш.

² Шамайе ши өөрөө бэшэ, ондоо хүн; шинии бэшэ, хари хүнэй ама хэлэн магтаг.

³ Шулуун хүндэ, элһэн хүнгэн бэшээр татаха, харин тэнэгэй ааша эдэ хоёрһоо бүришье хүндэ.

⁴ Хилэгнэл хэрзэгы, уур сухал диилдэшэгүй, харин хэн атаархалай урда тэсэжэ зогсохоб?

⁵ Абяагүй нүхэрэй хайраһаа сэхэ руунь зэмэлэгшэ дээрэ.

⁶ Хайрлаха нүхэр ойлгомторгүй шархатуулжа болохо, үзэн ядагша һаймһаран таалажа болохо.

⁷ Садхалан хүн зүгын балай һархинагшье гэшхэжэ болохо, үлдэһэн хүндэ гашуун юумэншье амтатай.

⁸ Гэр нютагһаа холодоһон хүн уурхайһаа ниидэн гараһан шубуун мэтэ.

⁹ Һайхан тоһон болон анхилма үнэртэй бодос зосоо баясуулха, нүхэрэй зүбшэл заабари сэдьхэлдэ аятай.

¹⁰ Өөрын нүхэдые ба эсэгын нүхэдые бү марта. Гай гашуудал болоходонь аха дүүгэй гэр тээшэ бү зори. Холо һуудаг аха дүүһээ ойро һуудаг хүршэ дээрэ.

¹¹ Хүбүүмни, сэсэн байжа, зүрхыемни баярлуула. Намайе муушалагшада харюу барижа шадахымни тулада юм.

¹² Ухаатай һонор хүн мууе хараад, зайлажа шададаг, тэнэг хүн сэхэ ябаад, хэһээлтэдэ хүртэдэг.

¹³ Ондоо хүнэй түлөө гар даагша хубсаһаяа үгэхэ. Хүнэй һамганай түлөө иимэл түлөөһэ түлэхэ.

¹⁴ Эртэ үглөөгүүр шангаар найза нүхэртөө үреэдэг хүн хараал хэлэжэ байһантай адли.

¹⁵ Гэмэргэн эмэ бороотой үдэртэ залхуутай болоһон бороогой уһантай адли.

¹⁶ Тэрэниие номгоруулха гээшэ һалхи зогсоохотой гү, али гараараа тоһо адхажа абаһантай адли.

¹⁷ Түмэр түмэрые эрилдэг, хүн хүниие хурсалдаг.

¹⁸ Архиин жэмэсэй модо харууһалагша үрэ жэмэсынь эдихэ, эзэндээ һанаагаа табигша хүндэдэ хүртэхэ.

¹⁹ Уһанай нюрууда хүнэй шарай харагдадагтал хүнэй зүрхэн тэрэнэй шэнжэ харуулна.

²⁰ Үхэлэй орон ба Хосорол хэзээшье сададаггүй шэнги хүнэй нюдэн хэзээдэшье ханадаггүй.

²¹ Мүнгэ хайлуулдаг амһарта ба алта сэбэрлэдэг гал дүлэн мэтэ магтаалай үгэнүүд хүниие туршан шалгана.

²² Тэнэг хүниие орооһо таряантай хамта уур соо хээд, нюдүүрээр нюдөөшье һаа, тэнэгынь һалахагүй.

²³ Хонидойнгоо тоое сээжээр мэдэ, мал һүрэгтөө анхаралаа таби.

²⁴ Энэ баялиг мүнхэ бэшэ, хаанайшье титим уг дамжан үгтэхэгүй ушар байха.

²⁵ Ногоон хагдараа гэхэдэ хэнзэ бултайжа, хадын ногоон хуряагдаба.

²⁶ Хурьганай арһан шинии хубсаһан боложо, эшэгэдшни газарай түлөөһэн болоно.

²⁷ Шамайе ба гэр бүлыешни, тэрээнһээ гадна зараса басагадыешниш тэжээхээр ямаанай һүн шамда элбэг байгуужаг.