Һургаал 22 - Библи

Ядуушуулые бү хаша

¹ Һайн нэрэ соло баялиг зөөриһөө дээрэ. Зоной хүндэ алта мүнгэнһөө үлүү.

² Үгытэй ядуу хоёр зэргэ ябаха табилантай. Ядуу хүнииешье, баянииешье Эзэн бүтээгээ.

³ Бодолтой хүн гай бэрхэшээл урид хаража, тэрээнһээ зайладаг. Гэнэн хүн тэрээн руу сэхэ ошожо хохидолдо ородог.

⁴ Эзэнһээ бэшэрэлгын ба даруу зангай шагнал хадаа амидарал, алдар хүндэ, зөөри баялиг юм.

⁵ Худалша хуурмаг хүнэй замда үүргэнэ ба занга байха. Ами наһаа сэгнэдэг хүн тэрэ бүгэдэһөө зайлаха гэжэ оролдодог.

⁶ Эдир залууе замайнь эхиндэ зүб ябахыень һурга, үтэлхэдөөшье тэрэ харгыһаа хадуурхагүй.

⁷ Баян хүн үгытэй ядууе зонхилдог, үритэй хүн үгэгшын зараса болодог.

⁸ Үнэн шударга бэшэ ябадал таригша өөртөө зоболон хуряаха. Тиигэжэ уур хилэнгэйнь һабаа үгы болохо.

⁹ Гар бардам хүн үреэлтэй, тиимэ хүн ядуу хүндэ талханһаа хубаалдан үгэдэг.

¹⁰ Хуулигүй баһан доромжологшые үлдэхэ хэрэгтэй. Тэрэнэй ошоходо хёморол үгы болохо, хэрүүл хараал замхаха.

¹¹ Сэбэр һайхан сэдьхэлтэй, үгэ яряандаа зөөлэн хүн хаандашье анда нүхэр болодог.

¹² Эзэнэй мэлмы үнэниие хамгаалдаг. Хуули эбдэгшын үгэ Тэрэ буруушаадаг.

¹³ Залхуу хүн «Газаа арсалан байна. Би гудамжада гарабал, алуулхаб» гэжэ хэлэдэг.

¹⁴ Һадар эмын аман занга мэтэ. Эзэнэй хараалда хүртэгшэ тэрэ зангада унажа ородог.

¹⁵ Хүбүүнэй толгойдо тэнэглэл халдажа болодог, һургаалай һабаа тэрээнһээ холодуулдаг.

¹⁶ Өөртөө үлүүе олохын тулада ядаһан зониие хашадаг баяшуулда билдагуушалан үгэдэг хүн үгырэн хооһорхо.

Сэсэшүүлэй һургаалнууд

¹⁷ Шэхээ табин, сэсэшүүлэй үгэ шагнадаг бай, минии һургаалда анхаралаа хандуула.

¹⁸ Эдэ үгэнүүдые сээжэдээ хадагалжа байбалшни урматай, хододоо хэлэн дээрэшни бэлэн байг.

¹⁹ Тиин Эзэндэ этигээрэй гэһэндээ би мүнөө энээниие заанаб.

²⁰ Би шамда зорюулжа, заабари ба мэдэлгэ болохо гушан тобшо һургаал бэшээб.

²¹ Үнэнэй үгэ шамда мэдүүлжэ, шамайе эльгээһэн хүндэ зүб харюу үгэжэ шадахыншни тулада юм.

²² Ядуу хүниие ядуу гэжэ зөөрииень буляажа бү бай. Зобожо зүдэрһэн хүниие хаалгын хажууда бү дарла.

²³ Эзэн ядуу хүнүүдэй гомдол шүүн шиидхэжэ, тэдэниие зобооһон хүнүүдэй амииень абана.

²⁴ Уур хилэндэ баригдаһан хүндэ бү дүтэлэ ба түргэн сухалтай хүнтэй бү ханила.

²⁵ Тиигэбэл ши тэдэнэй замаар ябажа, өөртөө занга түхеэрхэш.

²⁶ Бусадай түлөө үгэеэ үгэжэ, үритэй хүнэй гар даахые бү оролдо.

²⁷ Түлэжэ шадахагүй байгаад, унтажа байһан оро дэбисхэрээ абхуулха туйлдаа хүргөөд яахашниб?

²⁸ Эсэгэнэрэй табиһан мужаа бү хүдэлгэ.

²⁹ Ажалдаа шадамар хүниие хараа гүш? Тэрэ хаанай урда зогсохо. Нэрэ түрэгүй юрын хүнүүдтэ алба хэхэгүй.