Һургаал 21 - Библи

Даруу зан ба оролдолго хэшээл

¹ Хаанай зүрхэн Эзэнэй мутарта адхаатай байһан уһанай урасхал мэтэ. Тэрэ хүсэһэн тээшээ шэглүүлдэг.

² Хүн бүхэнэй зам өөртэнь сэхэ шэнгеэр үзэгдэдэг. Харин Эзэн хүнэй зүрхые сэгнэдэг.

³ Үнэн сэхэ ба шударга үйлэ Эзэндэ үргэһэн үргэлһөө үлүүгээр сэгнэгдэдэг.

⁴ Хуулигүй зониие илгаруулдаг ехэрхүү хараса болон бардам сэдьхэл хадаа тэдэнэй нүгэл болоно.

⁵ Хэшээл оролдолготой хүнэй түсэбүүд аша дэмбэрэлтэй байдаг. Яаралтай хүн хохидолдо орохо ушартай.

⁶ Худалша хэлээр баялиг олохо ябадал хооһон һалхи намналга, үхэлэй занга бэдэрэлгэ мүн.

⁷ Нүгэлтэн шударга һайн үйлэһөө арсадаг һэн тула тэдэнэй хара һанаата хэрэгүүдынь өөһэдыень үгы хэнэ.

⁸ Нүгэлтэй хүнэй харгынь гажуу байдаг. Нүгэлгүй хүнэй хэһэн үйлэ хэрэгүүд сэхэ сэбэр.

⁹ Хэрүүлшэ эхэнэртэй томо байшан соо һуунхаар гэрэй хушалтын буланда амидарһан дээрэ.

¹⁰ Хара нүгэлтын сэдьхэл мууе маша ехээр хүсэнэ. Ямаршье хүн тэрэнэй нюдэндэ энэрэл хайра олохогүй.

¹¹ Убайгүй баһамжалагшын хэһээгдэхэдэ, гэнэн нэгэн ухаа ородог. Сэсэн бодолтойе һургахада, тэрэ мэдэлгэ абадаг.

¹² Бурхан хуули ёһо эбдэгшын хэрэгүүдые мэдэжэ байдаг ба тэрэ замһаань мүхэлтэ руу унагаадаг.

¹³ Ядуу хүнэй хашхархада дуулаагүй хүн нэгэ сагта өөрөө хашхархадаа, харюу дуулахагүй.

¹⁴ Хүнэй сухал дарахын тулада һэмээхэн бэлэг үгэдэг. Нюусаар үгэһэн бэлэг ехэ уур номгоруулжа болодог.

¹⁵ Үнэн шударга шиидхэл гэмгүй хүндэ баяр болодог, гэм хэгшэдэ айдаһа асардаг.

¹⁶ Ухаантанай замһаа төөриһэн хүн үхэгшэдэй суглаанда һуури эзэлнэ.

¹⁷ Зугаа сэнгэлдэ дуратай хүн үгырдэг. Үзэмэй дараһан архинда ба хангал тоһондо дурлаһан хүн хэзээшье баяжахагүй.

¹⁸ Үнэн шударга хүндэ хүргэһэн хоро муугай түлөө нүгэлтэн түлэхэ ушартай. Сэхэ сэбэр хүндэ хүргэһэн хоро муугай түлөө мэхэшэ хуурмаг хүн харюусаха ёһотой.

¹⁹ Түргэн сухалтай, хэрүүлшэ эхэнэртэй һуунхаар сүл губида амидарһан дээрэ.

²⁰ Сэсэн хүнэй гэртэ үнэтэ нөөсэ таһархагүй. Мунхаг хүн тэрэнээ дары залгин һалгадаг.

²¹ Үнэн шударгада ба энэрэл хайрада эрмэлзэдэг хүн ажана амидарал, зүб байдал ба нэрэ хүндэ олохо.

²² Сэсэн мэргэн хүн хүсэтэнэй хото дайлан абадаг, тэдэнэй найдаһан бата хэрэмые һандаргажа шададаг.

²³ Ама хэлээ татадаг хүн сэдьхэлээ аюулһаа хамгаална.

²⁴ Хадхуу шэрүүнээр, бардамаар аашалагша хүн хэрзэгыдээ дашууран үлүү гарадаг.

²⁵ Залхуугай хомхой хүсэлэн тэрэниие үхэлдэ хүргэхэ ушартай, тэрэнэй гарнууд ажалһаа тэрьелдэг ха юм.

²⁶ Үдэрһөө үдэртэ тэрэ шунахай хүсэлдөө тамалагдана, харин буянта хүн татагалзангүй үгэхэ соогоо үгырдэггүй.

²⁷ Нүгэлтэнэй үргэһэн үргэлыншье бузартай, илангаяа хорон муу һанаагаар үргэһэн үргэл бүришье муухай.

²⁸ Хуурмаг гэршэлэгшэ мүхэдэг, харин үнэниие байһан соонь хэлэдэг хүнэй үгэ эгээл найдамтай.

²⁹ Нүгэлтэ хүн дошхон нюуртай, үнэн шударга хүнэй замынь сэхэ.

³⁰ Эзэнэй һанаагүйдэ мэргэн сэсэн, оюун ухаан, хүнэй түсэб түлэблэл юуншье бэшэ.

³¹ Хүлэг моридые байлдаанда бэлдэбэшье гэлэй, илалтань Эзэнэй гарта байдаг.