Һургаал 15 - Библи

Сэсэн хүн заабари шагнаха дуратай

¹ Эелдэр зөөлэн харюу уур хилэн зайлуулна. Дээрэлхүү хүйтэн үгэ уур хилэн хүдэлгэнэ.

² Сэсэн хүнэй хэлэхые шагнаха дуратай зон олон. Тэнэгэй аманһаа тэнэглэл гарадаг.

³ Эзэнэй нюдэн хаа-хаанагүй харадаг, һайн муу хүнүүдые адли харадаг.

⁴ Һайн үгэ амидаралай модондо адли. Хуурмаг үгэ һүнэһэ заяа һандаргадаг.

⁵ Тэнэг хүн эсэгын һургаал тоодоггүй. Харин зэмэлэл анхаралтайгаар шагнадаг хүн ухаатай.

⁶ Үнэн шударга хүнэй гэртэ үлэмжэ баялиг оршодог. Хорон нүгэлтэнэй оролго туһа хэдэггүй.

⁷ Сэсэн хүнэй уралһаа мэдэлгэ дэлгэрдэг. Харин тэнэгүүдэй сэдьхэл тиимэ бэшэ.

⁸ Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.

⁹ Нүгэлтын зам Эзэнэй зэбүүсэл түрүүлдэг. Үнэн шударга замаар ябагшадые Тэрэ хайрладаг.

¹⁰ Харгыһаа хадуурагшада хатуу хэһээлгэ буудаг. Зэмэлэл үзэн ядагша үхэнэ.

¹¹ Эзэнэй үмэнэ бүгэдэ эли, Үхэлэй орондо байһан бүхы юумэншье.

¹² Тэнэг хүн өөрыень зэмэлэгшые үзэн ядадаг. Тиимэһээ мэргэн хүн тээшэ шэглэхэгүй.

¹³ Жаргалтай хүнэй нюурта баяр хүгжэл бии. Зүрхэнэй гутараан зориг мүхөөдэг.

¹⁴ Бэрхэ хүн мэдэсэеэ ехэ болгохые эрмэлзэдэг. Тэнэгүүд тэнэг мунхагаар лэ хоол хэдэг.

¹⁵ Үгытэй хүнэй бүхы үдэрнүүд муухай. Сэдьхэлдээ жаргалтай хүндэ зугаа сэнгэл таһардаггүй.

¹⁶ Үгытэй байгаад, Эзэнһээ бэшэрһэниинь зөөри баялигтай аад, зобожо һуугшаһаа дээрэ.

¹⁷ Үзэн ядалгаар борлуулһан сарай мяханһаа хайра дуранай газарай ногоон хоол дээрэ.

¹⁸ Түргэн сухалтай хүн хэрүүл үүсхэдэг, тэсэбэритэй хүн хёморол намдуу болгодог.

¹⁹ Залхуугай зам үүргэнэтэй хашаа мэтэ. Шударга хүнэй зам шулуун сэхэ.

²⁰ Ухаатай хүбүүн эсэгэеэ баярлуулдаг, мунхаг хүн эхэеэ баһадаг.

²¹ Ухаагаар ээлтэй хүндэ мунхаг үйлэ үйлэдэхэнь баяр болодог. Ухаатай хүн сэхэ замтай.

²² Заабари абаагүйһөө хэрэг бүтэшэгүй, олон зүбшэлэгшэтэй һаа, бүтэсэтэй.

²³ Онобшотой харюу хүниие баяртай болгодог, саг соогоо хэлэгдэһэн үгэ һайхан байдаг.

²⁴ Мэргэн хүнэй зам дээшээ байдаг, энэнь Үхэлэй оронһоо холодуулхын тулада юм.

²⁵ Эзэн бардамай гэр һандаргаадаг. Харин бэлбэһэн эхэнэрэй мужаа хубилгадаггүй.

²⁶ Хорото үүсхэл Эзэн үзэн ядадаг, зүб үгэ Тэрээндэ таатай.

²⁷ Хуули бусаар ашаг олодог хүн гэр бүлэдөө зоболон асардаг. Эдилгэ абадаггүй хүн амидаран һууха.

²⁸ Үнэн шударга хүн ямар харюу үгэхэеэ сэгнэдэг, хара һанаатай хүнэй аманһаа муу юумэн гарадаг.

²⁹ Эзэн нүгэлтэһөө холо байдаг, зүб ябадалтын зальбарал соносодог.

³⁰ Дулаахан хараса сэдьхэл баярлуулдаг. Һайн мэдээн яһанда эм болодог.

³¹ Сэсэн һургаалда анхаралтай шэхэн мэргэдэй дунда амидардаг.

³² Һургаал шагнаагүй хүн өөртөө хохидол асарна. Зэмэлэл соносодог хүн ухаа оложо абана.

³³ Эзэнһээ бэшэрэл сэсэндэ һургадаг. Даруу зан нэрэ хүндын урда ерэнэ.