Һургаал 14 - Библи

Сэсэн мэргэнэй үрэ – үнэн шударга ябадал

¹ Сэсэн ухаатай эхэнэр гэрээ түбхинүүлдэг, мунхаг эхэнэр өөрынгөө гараар гэр байдалаа һандаргадаг.

² Зүб ябадалта хүн Эзэнһээ бэшэрдэг хүн сэхэ харгытай, Тэрэниие тоодоггүй хүн замһаа хадуурна.

³ Тэнэг хүнэй аманда нюргыень сохихо һабаа байха, сэсэнэй үгэ өөрыень хамгаалдаг.

⁴ Сар үгы газарта тэбшэ хооһон, хүсэтэй сарнууд ургасын оршо нэмэдэг.

⁵ Этигэлтэй гэршэ худал ярихагүй, хуурмаг гэршэ худал үгэ урадхуулдаг.

⁶ Сабаагүй ябадалтай хүн сэсэ мэргэниие бэдэрбэшье олохогүй. Ухаатай хүндэ мэдэлгэ бэлээр олдодог.

⁷ Тэнэг хүнтэй бү нүхэсэ, тэрэ шамайе юундэшье һургахагүй.

⁸ Бэрхэ хүнэй сэсэн ухаан өөрын зам ойлгохо ябадал мүн. Харин тэнэгэй мунхаглал хадаа мэхэ гохо.

⁹ Тэнэг мунхагууд гэмээ наманшалһан үргэл хэхэдэ, наада баридаг, үнэн сэдьхэлтэй хүнүүдтэ Эзэн талархалаа мэдүүлдэг.

¹⁰ Гашуудалтай хүн зоболонгоо мэдэнэ, баяр баясхалангаа өөрөөл тэрэ мэдэрхэ.

¹¹ Нүгэлтэй хүнэй гэр байдал һандарха, үнэн сэдьхэлтэй хүнэй байра һэргэн үндэрлэхэ.

¹² Хүндэ зүб шэнги һанагдадаг замынь үхэл руу хүтэлдэг байха.

¹³ Энеэгшын зүрхэн үбдэхэ ушар байха. Баясхаланай түгэсхэлдэ гашуудал ерэжэ магад.

¹⁴ Замһаа хадуурһан хүн үйлынгөө үреэр болоно. Һайн хүн хэһэн үйлэдөө сэдьхэлээ ханана.

¹⁵ Гэнэн хүн бүхы юумэндэ этигэдэг. Ухаатай хүн алхам бүхэнөө бодожо үзэдэг.

¹⁶ Сэсэн хүн болгоомжотой, мууһаа зайлахые оролдодог. Тэнэг хүн дээрэлхүү ба өөрыгөө һүрхэйб гэжэ тоолодог.

¹⁷ Түргэн сухалтай хүн мунхаг үйлэ хэдэг, хорон һанаагаар мууе хэдэг хүн үзэн ядагдадаг.

¹⁸ Гэнэн хүнүүд тэнэг ябадал залгамжалан абадаг. Ухаатай һонор хүн мэдэлгын шагналда хүртэнэ.

¹⁹ Хорон һанаата һайн хэрэг үйлэдэгшэдэй урда сүхэрхэ. Нүгэлтэн үнэн шударга хүнэй хаалгын урда сүхэрхэ.

²⁰ Ядуу хүнһөө хүршэнь зайладаг, баян хүндэ найза нүхэд олон олдохо.

²¹ Хүршэеэ газаашалагша нүгэл үйлэдэнэ. Ядуу хүндэ нигүүлсэлтэйгээр хандагша хүн үреэлтэй.

²² Мууе һэдэгшэд эндүүрнэ бэшэ гү? Һайниие һэдэгшэдэ энэрэл ба хайра хүндэ байха.

²³ Хүдэлмэри бүхэн ашагтай, дэмы хооһон яряан хохидол асарна.

²⁴ Сэсэн хүнүүдэй титимынь тэдэнэй баялиг болоно. Мунхагай тэнэглэл тэнэгээрээл дүүрэдэг.

²⁵ Үнэншэ гэршэ ами абардаг, хуурмаг хүнэй гэршэ мэхээрээ дүүрэдэг.

²⁶ Эзэнһээ бэшэрэл найдамтай хамгаалал, шинии ба үри хүүгэдэйш хорохо газар болодог.

²⁷ Эзэнһээ бэшэрэл амидаралай ундарал, тэрэ үхэлһөө зайлуулдаг.

²⁸ Түмэн арад хаанай һүр хүсэн, үсөөн арад ноёной мүхэлгэ.

²⁹ Уурлахадаа удаан хүн ехэ ухаатай. Түргэн сухалтай хүн мунхаг ябадал үргэдэг.

³⁰ Тэнигэр сэдьхэл махабадта ами үгэдэг, атаа мэеэн хадаа голдо хүрэдэг үбшэн.

³¹ Үгытэйшүүлые дарладаг хүн Бүтээгшые буруушаана, гуйраншаниие хайрлаха сэдьхэл Бүтээгшын нэрэ хүндэ үргэнэ.

³² Нүгэлтэн муу үйлынгөө түлөө хойшо хаягдадаг. Үнэн шударга хүн үхөөшье һаа, найдаха найдалтай.

³³ Сэсэн ухаан бэрхэ хүнэй зүрхэндэ оршодог, мунхагуудайшье дунда өөрыгөө мэдүүлдэг.

³⁴ Үнэн шударга ябадал арад түмэниие алдаршуулна, харин нүгэл хилэн нэрыень гутаана.

³⁵ Хаанай талархал бэрхэ зарасада хүртэдэг. Уур хилэнгынь нэрыень гутаагшада буудаг.