Һургаал 12 - Библи

Үнэн зүб – амидаралай ундан

¹ Һургаалаар байха дуратай хүн мэдэлгэ абаха гэжэ оролдодог. Харин зэмэлэл үзэн ядадаг хүн хадаа мунхаг болоно.

² Һайн хүн Эзэнэй талархалда хүртэнэ. Муу һанаатай хүниие Тэрэ буруушаана.

³ Хара һанаан хүнэй түшэг тулгуури болоогүй юм. Харин шударга хүнэй үндэһэн хэзээдэ хүдэлдэггүй.

⁴ Һайн эхэнэр нүхэртөө титим болохо, харин нүхэрөө эшэгүүридэ оруулдаг эхэнэр тэрэнэй яһан соо бии болоһон эдеэрэ мэтэ.

⁵ Шударга үнэн хүнэй бодол һанаан сэхэ байдаг, харин хара һанаатын хүсэлдэ хара мэхэ.

⁶ Хара нүгэлтэнэй үгын саана шуһа жүрөөдэлгэ нюугаатай, харин үнэн сэдьхэлтэй хүнэй аман аюулһаа абарха хэшэгтэй.

⁷ Хара һанаата һүйдхэлдэ ороходоо, һүнэн ошодог, харин үнэн шударга хүнэй гэр бүтэн үлэдэг.

⁸ Хүн ухаан бэлигээрээ хүндэлүүлдэг, харин тэнэгые зон тоодоггүй.

⁹ Эдихэ эдеэгүй аад, үзүүр угтайб гэгшэһээ нэрэгүй аад, зарасань дээрэ.

¹⁰ Зүб шударга хүн малайнгаа түлөө һанаа зободог. Хара һанаатын хайрлаха сэдьхэлыньшье нимгэн бэшэ.

¹¹ Өөрын газарта хүдэлһэн хүн талха таряагаар элбэг байха. Харин удхагүй юумые намнагша ухаагаар дутуу болоно.

¹² Хуулигүй хүн хара мэхээр олзо омог хэнэ. Харин үнэн шударга хүнэй үндэһэн үрэ жэмэс ургуулна.

¹³ Хара нүгэлтэ үгынгөө тэнэгтэ урьхадуулдаг, үнэн шударга хүн зоболонһоо зайладаг.

¹⁴ Хэлэһэн үгынгөө үрэ жэмэсэй һайханһаа хүн садана, хүнэй хэһэн хэрэгээр харюунь бууха.

¹⁵ Тэнэгэй зам өөрынь нюдэндэ зүб харагдадаг. Сэсэн хүн заабари шагнадаг.

¹⁶ Тэнэгэй уур сухал тэрэ дары харагдадаг, ухаатай хүн доромжолгошье тэбшэдэг.

¹⁷ Мэдэхэеэ хэлэдэг хүн үнэниие хэлэдэг, хуурмаг хүнэй гэршэнь мэхэ байдаг.

¹⁸ Бодолгүй яридаг хүн эритэ мэсээр дайраһандал, сэсэнэй үгэ эмтэй адли.

¹⁹ Үнэншын үгэ мүнхэ наһатай, худалшын үгэ агшан зуура үгы болодог.

²⁰ Хорото муу юумэ һэдэгшын хара һанааниинь зүрхэндэнь үлэдэг, харин амар тайбаниие сэдьхэгшэдэ баяр баясхалан байдаг.

²¹ Үнэн шударга хүндэ хоро тохёолдохогүй, харин хара нүгэлтэдэ гай тодхор ушарха.

²² Эзэн худалшаһаа зэбүүсэдэг, үнэниие хэлэгшэ Тэрэнэй талархалда хүртэдэг.

²³ Бодолтой хүн мэдэсэеэ түргэн элирүүлдэггүй, мунхагай үгэнүүд мунхагынь харуулдаг.

²⁴ Ажалша хүн ондоо хүниие ударидан дахуулдаг. Залхуу хүн богоол болодог.

²⁵ Шаналал хүниие дарадаг, эелдэр зулгы үгэ тэрээндэ баяр асардаг.

²⁶ Үнэн шударга хүн хажуудахидаа газаршан болодог. Нүгэлтэнэй зам өөрыень төөрюулдэг.

²⁷ Залхуу хүн хүсэһэндөө хүрэхэгүй, ажалша хүндэ амжалта ерэдэг.

²⁸ Үнэн шударга хүнэй зам дээрэ амидарал байха, тэрэнэй замда үхэл байхагүй.