Һургаал 10 - Библи

Соломоон хаанай нэгэдэхи соморлиг

¹ Соломооной һургаалта үгэ. Сэсэн хүбүүн эсэгэеэ баярлуулдаг, мунхаг хүбүүн эхэдээ сэдьхэлэй зоболон болодог.

² Үнэн шударга бэшээр оложо абаһан зөөри ашагүй, харин шударга зүб байдал үхэлһөө зайлуулдаг юм.

³ Үнэн шударга хүнэй гэдэһээ үлдэхые Эзэн тэбшэдэггүй, харин нүгэлтэнэй хүсэлэнгые саашань түлхидэг.

⁴ Залхуугай гар ядуу байдалда асардаг, оролдосотой хананхатайн гар баян болгодог.

⁵ Ухаантай хүн ургасаяа зунай сагта хуряана, харин хуряалгын үедэ унтажа байһан хүн нэрээ хухараг.

⁶ Үнэн ёһото хүнүүд үреэлдэ хүртэдэг, харин хара һанаатанай аманда – хүсэрхэл.

⁷ Үнэн ёһото ябадалтай хүн һайн дурасхаал үлөөнэ, нүгэлтэ хүнэй нэрэ үгы болодог.

⁸ Сэсэн хүн ондоо хүнэй заабари хүлеэжэ абадаг, салшаатай мунхагынь һүйдхэлдэ орохо.

⁹ Үнэн шударга замаар алхагша аюулһаа зайладаг, гажуу харгыда гараһан хүн эсэстээ элишэлэгдэдэг.

¹⁰ Нюдөөрөө эмнигшэ хүн гомодхоодог. Салшаатай мунхаг хүн һүйдхэлдэ орохо.

¹¹ Үнэн шударга хүнэй аман амидаралай унда олохо. Хуулигүй зоной амандань хүсэрхэл нюугдадаг.

¹² Үзэн ядалга арсалдаа түрүүлдэг, дуран нүгэл хилэнсые дабадаг.

¹³ Ухаатай хүнэй аманһаа сэсэн мэргэн олдоно. Харин ухаагаар дутаһан нэгэндэ нюрга шабхадаха һабаа олдоно.

¹⁴ Сэсэшүүл мэдэлгые бүрин хадагалдаг, харин тэнэгэй аман һүйдхэл асардаг.

¹⁵ Баян хүнэй баялиг бэхижүүлһэн хэрэм мэтэ, үгытэй хүнэй дуталга һандархай үлэгдэл мэтэ.

¹⁶ Үнэн шударга хүнэй ажалынь амидарал болодог, хара һанаатын амжалтанууд нүгэлдэ түлхидэг.

¹⁷ Һургаал сахидаг хүн амидаралай замаар ябадаг, харин зэмэлэл тоодоггүй хүн төөрихын замда ошодог.

¹⁸ Худалшын аман үзэн ядалга нюудаг. Хоб тараадаг хүн мунхаг мүн.

¹⁹ Үгын олошорходо нүгэл зайлашагүй, харин амаа захирдаг хүн ухаатай болоно.

²⁰ Үнэн шударга хүнэй хэлэн салин сагаан мүнгэн мэтэ, муу нүгэлтын сэдьхэлэй сэн хэдыхэн гээшэб?

²¹ Үнэн шударга хүнэй үгэ олон хүниие хамгаалдаг, мунхагууд ухаанай дутууһаа үхэдэг.

²² Эзэнэй үреэл баян болгодог, тэрээнтэй гашуудал мэдэхэгүйш.

²³ Муу хэрэгүүдынь мунхагта зугаа болодог, ухаатай хүн сэсэ мэргэндэ баясадаг.

²⁴ Муу нүгэлтэ айдаг зүйлтэйгээ ушарха, шударга хүнэй хүсэл бэелхэ.

²⁵ Хуй һалхинай үнгэрхэдэ муу хүн алга болодог, харин үнэн шударга хүндэ мүнхын һуури байдаг.

²⁶ Залхуу хүн ажалда тэрэниие эльгээгшын аман соонь ороһон гашуун үбһэндэл, нюдынь хордохооһон утаандал адли.

²⁷ Эзэнһээ бэшэрэлгэ ами наһа утадхадаг, хара һанаатанай он жэлнүүд богони болодог.

²⁸ Зүб хүнэй этигэл найдабаринь баяр баясхалан болодог, хара һанаатанай найдабари мүхэдэг.

²⁹ Эзэнэй зам шударга хүндэ түшэг, хуули бусые үйлэдэгшэдэ һүйдхэл.

³⁰ Үнэн шударга хүн хэзээшье ганхадаггүй, харин нүгэлтэ хүн дэлхэйдэ тогтохогүй.

³¹ Һайн хүнэй аманһаа мэргэн ухаагаар анхилха, харин хорлогшын хэлэн отологдохо.

³² Үнэн шударга хүнэй аман зүб тээшэнь заабари үгэдэг, хорото нэгэнэй аманһаа буруу юумэн гараха.