Һошээ 3 - Библи

Һошээ һамгантаяа эблэрнэ

¹ Эзэн намда иигэжэ айладхаба: – Израилиин улад зоной ондоо бурхад руу эрьежэ, үзэмтэй боободо дуратай болодогшье һаань, Эзэн тэдээндэ дуратай байдаг. Энээндэл адли ши дахин ябаад, һальхай ябадалтай болобошье, өөрын нүхэртөө хайрлуулһан эхэнэртэ дурла.

² Тиимэһээ би арбан табан шээкэл мүнгөөр, нэгэ хахад хоомэр арбай таряагаар иимэ эхэнэрые худалдан абабаб.

³ Тэрээндэ иигэжэ хэлээ бэлэйб: – Ши олон хоногто намтай байхаш. Забхай ябадал бү гарга, ондоо эрэтэй бү бай. Би баһа шамда үнэн шударга байхаб.

⁴ Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.

⁵ Энээнэй удаа Израилиин арад эрьежэ, өөһэдын Эзэн Бурханиие, өөһэдын Давид хааниие шүтэн-хүндэлэн байдаг болохо. Эсэсэй үдэрнүүдтэ Эзэндэ болон Тэрэнэй һайн һайхан оршом руу тэдэ шэшэрэн ерэхэ болоно.