Гашуудал 5 - Библи

¹ Эзэн! Бидэнтэй юу болоһые һаныт! Маанадай доромжологдоһониие харыт, үзыт!

² Маанадай уг залгамжалха зөөри хариин зондо, гэрнүүднай гадаадын уласта үгтэбэ.

³ Бидэ үншэн болообди, эсэгээ алдаабди, эхэнүүднай – бэлбэһэн эхэнэрнүүд.

⁴ Балгам уһанай түлөө мүнгэ түлэнэбди, өөрын түлеэнэй түлөө түлэнэбди.

⁵ Бидэниие мүрдэн намнаашад хүзүүндэмнай хүрэжэ байна, эсэтэрнай ажал хүүлэнэ, амархын арга байхагүй.

⁶ Эдеэ эрижэ, Египет руу гараа һунгаабди, Ассириие гуйгаабди.

⁷ Эсэгэнэрнай нүгэл хээ, тэдэ мүнөө үгы. Харин бидэ гэмэйнь түлөө хэһээгдэжэ байнабди.

⁸ Богоолнууд маанадые зонхилжо байна, тэдэнэй гарһаа маанадые абарха хэншье байхагүй.

⁹ Эдеэ хоолой түлөө ами наһаяа аюулда оруулнабди, сүл губиин һэлмэ бидэндэ занажа байна.

¹⁰ Арһамнай зуухада шаруулһандал хара, үлэсхэлэн байдал тэрэниие харлуулаа.

¹¹ Сиондо эхэнэрнүүд, Иудын хотонуудта басагад хүсөөр эдлүүлэгдэнэ.

¹² Дайсад удамаршадымнай үлгэн алаа, аха захатанииемнай хүндэлнэгүй.

¹³ Залуу эрэшүүл тээрмэдэ ажаллана, эдир хүбүүд бүдэртэрөө түлеэ зөөнэ.

¹⁴ Хотын бартаануудай хажууда ахатан һуунагүй, залуушуул дуулалданагүй.

¹⁵ Зүрхэнэймнай баяр замхаба, хатарнай уй гашуудалаар һэлгэгдэбэ.

¹⁶ Толгойһоомнай титим унаа! Нүгэл хэһэнэймнай түлөө гай тодхор болоо!

¹⁷ Тиимэһээ зүрхэмнай муудажа, хараамнай һуладажа байна.

¹⁸ Сион хада эзэгүйрөө, сүүбэн шононууд тэндэ ябана.

¹⁹ Эзэн! Та хэтэ мүнхэдөө захиран байнат! Хан шэрээтнай үеһөө үедэ оршоно!

²⁰ Юундэ Та маанадые орхёобта?! Иимэ удаан маанад тушаа мартаабта?!

²¹ Эзэн! Маанадые Өөр тээшээ эрьюулыт, бидэ эрьехэбди! Урдандаал адли үдэрнүүдыемнай бусаагыт!

²² Али Та маанадһаа эсэслэн татагалзажа, маанадта хэмгүй ехээр уурлаа гээшэ гүт?!