Гашуудал 4 - Библи

א Алээп

א Алээп

¹ Оо, гай даа! Алтан ямараар харлаа, шэжэр алтан хэды ехэ бүрүүл болоо гээшэб! Нангин үргөөгэй үнэтэ шулуун харгын уулзуураар хаягданхай.

ב Бээт

ב Бээт

² Шэжэр алтантай адляар үнэлэгдэхэ Сионой эрхим хүбүүд шабарша дарханай бүтээл болохо шабар амһарта мэтэ болобо.

ג Гиимэл

ג Гиимэл

³ Сүүбэн шононуудшье хүрэтэрөө хүхөө үгэжэ, бэлтэргэнүүдээ тэжээдэг. Харин минии арад түмэнэй басаган сүл губидахи тэмээн хяруул мэтэ хархис болобо.

ד Даалэт

ד Даалэт

⁴ Ангажа, нарай нялха хүүгэнэй хэлэн тангалайдаа няалдана. Багашуул эдеэ хоол гуйна, харин хэншье тэдээндэ үгэхэгүй юм.

ה Һээ

ה Һээ

⁵ Амтатай эдеэ хоол эдидэг байһан зон мүнөө гудамжануудаар гэдэһээ үлдэжэ үхэжэ байна. Шад улаан һайхан хубсаһа үмдэдэг байһан зон мүнөө хаядаһанай амһартаар эдеэ хоол бэдэрнэ.

ו Ваав

ו Ваав

⁶ Минии арад түмэн! Шинии хэһээлтэ Содомой хэһээлтэһээ хүндэ. Содом агшам зуура саг соо хүмэреэ бэлэй, хүнэй гарһаа бэшэ.

ז Заайин

ז Заайин

⁷ Удамаршадшни саһанһаа сэбэр, һүнһөө сагаан байгаа. Тэдэ бэеэрээ шүрэһөө улаан, элүүр шамбай, үнэтэ шулуун мэтэ толоржо байгаа бэлэй.

ח Хээт

ח Хээт

⁸ Мүнөө тэдэнэй шарай хөөһөө хара, гудамжада уулзабал, танихаар бэшэ, арһаниинь яһандаа няалдаа, модон мэтэ хатаа.

ט Тээт

ט Тээт

⁹ Гэдэһээ үлдэжэ үхэһэнһөө һэлмээр сабшуулагдажа үхэһэниинь дээрэ. Юуб гэхэдэ, таряалангай ургасын хомордоходо, зон зобожо амяа алдадаг шуу.

י Ёд

י Ёд

¹⁰ Зөөлэн зантай эхэнүүд эдихэеэ хүүгэдээ шанажа байна, үхибүүдынь эдеэ хоолынь болоо, – арад түмэмни хосоржо байна!

כ Каап

כ Каап

¹¹ Эзэн уур сухалаар дүүрэжэ, уур сухалаа адхаба, Сиондо гал түймэр носообо, дууһан шатааба!

ל Лаамэд

ל Лаамэд

¹² Хархис дайсан Иерусалимай бартаануудаар орохо гэжэ дэлхэйн хаашуул, дэлхэйн арад зоной хэнииньшье һанахагүй байгаа.

מ Мээм

מ Мээм

¹³ Иерусалим дотор үнэн шударга зоной шуһа урасхуулһан нүгэлтэ лүндэншэдэйнь, гэмтэ санаартадайнь үйлэ хэрэгэй түлөө энэ болоо.

נ Нүүн

נ Нүүн

¹⁴ Һохор мэтэ тэдэ үйлсөөр тэнэнэ. Хубсаһа хунартань хэнэйшье хүрэмөөр бэшэ болтороо тэдэ шуһанда зууралданхай.

ס Саамэх

ס Саамэх

¹⁵ «Зайлагты! Бузартайт! Холодогты, бү хүрэгты!» гэжэ тэдээндэ зон хашхарна. «Тэнээшэд! Тэдэ бэшэ амидарахагүй!» гэжэ тэдээн тушаа үндэһэтэд хэлсэнэ.

פ Пээ

פ Пээ

¹⁶ Эзэн Өөрөө тэдэниие тараан тэнүүлээ, бэшэ ойшоожо харахагүй. Санаартад мүнөө хүндэлэгдэнэгүй, аха захатан хайрлагданагүй.

ע Аайин

ע Аайин

¹⁷ Харин бидэ туһаламжа хүлеэн, дэмы нюдэеэ эсээгээбди. Маанадые абаржа шадахагүй арадые хараашалан, харуулай самхагһаа шэртэн хүлеэгөөбди.

צ Цадээ

צ Цадээ

¹⁸ Тэдэ алхам бүхэнииемнай отожо байгаа, гэрһээ гарахаа айнабди! Үхэл дүтэлжэ байна, үдэрнүүднай дууһаа! Үхэлнай ерээ!

ק Кооп

ק Кооп

¹⁹ Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.

ר Рээш

ר Рээш

²⁰ «Тэрэнэй хамгаалалта доро бидэ үндэһэтэдэй дунда амидархабди» гэжэ маанадай хэлэжэ байһан, амисхалнай болохо, Эзэнэй шэлэһэн нэгэн тэдэнэй нүхэндэ орожо баригдаа.

ש Шиин

ש Шиин

²¹ Ууц нютагта һуугша Эдоомой басаган, баясан, баярлан бай! Аяга шам руушье тойрон ерэхэ! Һогтожо, өөрыгөө нюсэгэлхэш!

ת Таав

ת Таав

²² Сионой басаган! Хэһээлтэшни дүүрэхэ, Тэрэ сүлөөлгэдэ эсэс табиха! Эдоомой басаган! Тэрэ шамайе нүгэлэйш түлөө хэһээхэ, гэм зэмыш эли болгохо!