Эзэкээл 5 - Библи

Иерусалим хото һандарха

¹ Эзэн Бурхан иигэжэ айладхаба: – Хүнэй үри Эзэкээл, хурса һэлмэ абажа, һахалаа болон бүхы үһэеэ хюһа. Тиигээд үһэеэ шэгнэжэ, гурбан хуби болгон хубаа.

² Шинии зураглажа харуулһан бүһэлэлтын дууһахада хотын дунда нэгэ хуби үһые шатаа. Нүгөө хубииень хотые тойруулан ябажа, һэлмээр сабша. Үлөөшэ хубиие һалхинда хиидхүүлэ, Би һэлмэ һугалан, Иерусалим хотынхидые дахан мүрдэхэб.

³ Тэрэл хубиһаа нэгэ хэды үһэ абажа, хормойдоо уя.

⁴ Тиигээд энэ уяашаһаа мүн лэ нэгэ хэдые абажа, гал руу хаяжа, шатаа. Тэрэ гал бүхы Израилиин арад түмэнөөр дэлгэрхэ.

⁵ Эзэн Бурхан иигэжэ үргэлжэлүүлээ: – Энэ болбол Иерусалим тухай уридшалан буулгагдаһан абарал мүн. Би тэрэниие бүхы дэлхэйн дунда табижа, бусад оронуудые хажуугаарнь жэрылгээ бэлэйб.

⁶ Теэд Иерусалим Минии зарлигуудые буруушаан эсэргүүсэжэ, бусад үндэһэ яһатанһаа үлүүгээр аашалба, тойроод байгааша орон түрэнүүдһээ муугаар тэрээндэм хандаба. Иерусалим Минии зарлигуудые, хуули ёһонуудые дүүргэхэеэ арсаба.

⁷ Тиимэһээ таанадта Би, Эзэн Бурхан, иигэжэ дуулганаб: Минии хуули гурим, зарлигуудые сахин бэелүүлэнгүй, таанад тойроод байгааша үндэһэ яһатадһаа үлүү ехэ гэм зэмэ хээт. Тойроошо арадуудай ёһо гуримые мүн лэ сахинагүйт.

⁸ Би, Эзэн Бурхан, таанадта иигэжэ дуулганаб: Би таанадай дайсан болооб. Үндэһэ яһатадай хараһаар байтар Би таанадые шүүбэрилэн хэһээхэб.

⁹ Бүхы жэгшүүритэй үйлэ хэрэгүүдэйтнай түлөө Би энэ болотор хээгүй, дахин бэшэ хэхэшьегүй муу юумэ таанадта хэхэб.

¹⁰ Тиигэжэ Иерусалим соо эсэгэнэр хүүгэдээ эдихэ, хүүгэдынь гэртэхинээ эдихэ. Би таанадые хэһээжэ, амиды үлөөшэ зонииетнай найман зүгөөр тараан сасахаб.

¹¹ Би амиды Бурхан мүн, тиимэһээ Минии ордон онгонуудаараа, муу муухай хэрэгүүдээрээ бузарлаһанайтнай түлөө Би таанадые хайра гамгүй үсөөрүүлхэб.

¹² Таанадай гурбанай нэгэ хуби үбшэ хабшанһаа гү, али туража үхэхэ, нүгөөдэ хуби хотын оршон тойрондо һэлмээр сабшуулан хосорхо, үлөөшэ хуби зонииетнай дэлхэйн найман зүгөөр сасан тараажа, һэлмэ далайн, хойноһоонь мүрдэхэб.

¹³ Иигэжэ уурайнгаа таратар тэдэниие хэһээхэб. Тиихэдэм Минии, Эзэн Бурханай, таанадтай хөөрэлдэһые ойлгохот.

¹⁴ Хажуугаартнай гараһан бусад арадууд таанадые шоо үзэхэ, холуур тойрон гарахые оролдохо.

¹⁵ Минии шамайе шүүбэрилжэ, уурлан, сухалдан, хэһээн байхада, тойроод шамайе байгааша бусад арадууд һүрдэхэ. Тэдэ ехэ бузартай юумэ хараһандал шам руу хаража, шоо үзэн наадалха. Энэ болбол Би, Эзэн, айладхаа мүн!

¹⁶ Би эдеэ хоол таһалдуулжа, гэдэһыетнай ехэ үлдэхөөхэб. Үлэсхэлэн хооһон байдалай хорото годлинуудые таанад руу харбахадамни, туража үхэхэ туйлдаа хүрэжэ, хадхаһан мэтэ үбшэ мэдэрэн байхат.

¹⁷ Үхи хүүгэдыетнай үгы хэхыень Би үлэсхэлэн хооһон байдал, ан арьяатаниие таанад руу эльгээхэб. Таанадые хосороохын тула үбшэ хабша, дайн дажар эльгэхэб. Энэ болбол Би, Эзэн, тунхаглана мүн!