Эстээр 10 - Библи

Ахашвероош хаанай һүр хүсэн, Мордохайн һүр жабхалан

¹ Тэрэ үедэ эзэн хаан Ахашвероош ниислэл хотоһоо гадуур оршодог, далайн эрьеэр, аралнуудаар ажаһуугша зониие бултыень оруулан, улас түрын бүхы эрхэтэдһээ албан татабари татаха тухай захирба.

² Эзэн хаан Ахашвероошой үндэр эрхэ ямба, шадал хүсэн тухай, мүн Мордохайе дээрэ үргэн, алдар хүндэдэ хүртөөһэн тухайнь Перс, Мидиин улас түрын хаанай он дараалалгын бэшэгтэ тэмдэглэгдэн үлэһэн байдаг.

³ Мордохай иудей эрхэ ямбаараа, албан тушаалаараа улас түрэ соогоо гансал Ахашвероош хаанай удаа байһан хүн болоно. Тэрэ хадаа түрэл арад зонойнгоо, уг удамайнгаа түлөө хододоо оролдожо, тэдэндээ амгалан тайбан байдал олгуулхын тула тэмсэжэ, иудейнүүдэй үндэр хүндэдэ хүртэн, зүрхэ сэдьхэлынь татажа шадаа бэлэй.