Ерэмияа 45 - Библи

Баруухта Эзэнэй найдуулга

¹ Ёшияагай хүбүүн Ёякиимэй Иудын хан түрые дүрбэдэхи жэлээ зонхилжо байха үедэ минии хэлэһэн үгэнүүдые Нэрияагай хүбүүн Баруух ном соо бэшээ. Би тэрээндэ

² Израилиин Эзэн Бурханай иигэжэ айладхал буулгаһые хэлээ һэм: – Баруух,

³ ши «би ехэ муу байнаб! Зоболон дээрэм үшөө зоболон Эзэн нэмээгээ. Ёолохошье хүсэ шадалгүй болооб, хэзээ дүүрэхэ юм гээшэб!» – гэнэш.

⁴ Харин Би, Эзэн, байгуулһанаа һандаргаахаб, һуурижуулһанаа татан хаяхаб! Бүхы газарта иимээр хандахаб!

⁵ Ши гансал өөртөөл эмшэлгэ, арга эринэ гүш? Бү тиигэ. Хамаг амитанда гай тодхор татахадам, ши амиды мэндэ хаанашье ябахаш. Энэ болбол Би, Эзэн, айладхана мүн!