Эхин 10 - Библи

Нойһоо үдэн гараһан арадууд

¹ Нойн гурбан хүбүүд болохо Шээм, Хаам ба Яапэдэй угай бэшэг эндэһээ эхитэй. Үерэй һүүлээр гурбуулаа тэдэ хүбүүдтэй болоо һэн.

² Яапэдэй хүбүүд: Гоомэр, Магоог, Мадай, Яваан, Тубаал, Мээшэх ба Тираас.

³ Гоомэрэй хүбүүд: Ашхэнааз, Рипаат ба Тогармаа.

⁴ Яваанай хүбүүд: Элишаа, Таршииш, Киттиим, Доданиим.

⁵ Тэдэнэй үри һадаһад далайн эрьеэр, мүн олтирогуудаар ажаһуугша зоной эхи табигшад болоно. Элдэб газар дайда, уг унги, айл аймагуудаар ажаһуугша, өөрын тусгаар хэлэтэй зон тэдээнһээл эхи абаа.

⁶ Хаамай хүбүүд: Күүш, Мицраим, Пүүт ба Ханаһаан.

⁷ Күүшэй хүбүүд: Сэбаа, Хавилаа, Сабтаа, Раамаа ба Сабтэхаа. Раамаагай хүбүүд: Шэбаа ба Дэдаан.

⁸ Күүшэй хүбүүн Нимроод мүн. Тэрэ дэлхэй дээрэ түрүүшын хүсэтэ баатар байгаа.

⁹ Эзэнэй туһаар тэрэ ехэ ангуушан болоо. Тиимэһээ зон иигэжэ хэлсэдэг: «Эзэнэй үршөөл хайратай мэргэн ангуушан Нимроод мэтэ».

¹⁰ Түрүүшээр тэрэнэй хаан түрэ Вавилоон, Ээрэх, Аккаад, Калнээ гэдэг хотонуудһаа бүридэдэг бэлэй. Эдэ бүгэдэ Шинаар гэдэг орон нютагта оршодог байгаа.

¹¹ Энэ газар дайдаһаа тэрэ Ассири ошожо, тэндээ Нинэвээ, Рэхобоот-Ир, Каалах

¹² мүн баһа Рээсэн (энэнь Нинэвээ ба ехэ хото Каалахай хоорондо) хотонуудые бодхоогоо һэн.

¹³ Мицраимһаа үдэн гараа: лүүдшүүд, анаамууд, лэһаабууд, наптуухууд,

¹⁴ патруусшууд, каслуухууд, тэдэ хоёрһоо пилиштүүд гараһан, каптоорууд.

¹⁵ Ханаһаан ууган хүбүүндээ Сидоон гэжэ нэрэ үгэбэ. Тэрэнэй бусад хүбүүдынь Хээт,

¹⁶ Евүүс, Эмоор, Гиргааш,

¹⁷ Хиив, Архээ, Сиин,

¹⁸ Арваад, Цэмээр болон Хамаат гэгшэд. Хожомынь ханаһаан обогтон үргэнөөр тараа бэлэй.

¹⁹ Тэдэ Сидоон хотоһоо урагшаа далайн эрьеын Гааза хотын оршом болохо Гэраар хүрэтэр, тэндэһээ зүүн тээшээ Лааша хүрэтэр Цэбоһиим, Содом, Гоморро, Адмаа гэдэг хотонуудые бии болгобо.

²⁰ Иигэжэ Хаамай бүхы үри һадаһад өөһэд өөһэдын хэлэтэй обог аймагууд боложо, өөһэдын мэдэлэй харьяата газар нютагтай болоһон гэхэ.

²¹ Яапэдэй аха Шээм Ээбэрэй хүбүүдэй элинсэг эсэгэ болоно.

²² Шээмэй хүбүүд гэбэл: Элаам, Ашшуур, Арпахшаад, Лүүд ба Араам.

²³ Араамай хүбүүд: Ууц, Хуул, Гээтэр ба Мааш.

²⁴ Арпахшаад Шээлах гэдэг хүбүүтэй һэн, Шээлахэй хүбүүн Ээбэр.

²⁵ Ээбэр хоёр хүбүүтэй болоһон юм. Тэрэ үедэ олон обог аймагуудай бэе бэеһээ таһаран һалажа байһан ушарһаа Ээбэр нэгэ хүбүүндээ «хубаарилга» гэһэн удхатай Пээлэг гэжэ нэрэ үгэбэ. Нүгөөдэ хүбүүнэйнь нэрэ – Ёктаан.

²⁶ Ёктаанай хүбүүд: Алмодаад, Шээлэп, Хацармаавэт, Яарах,

²⁷ Һадораам, Узаал, Диклаа,

²⁸ Обаал, Абимаһээл, Шэбаа,

²⁹ Опиир, Хавилаа, Ёваав. Эдэ хүбүүд булта Ёктаанай болоно.

^30-31 Иигээд Шээмэй үри һадаһад өөр өөрын хэлэтэй обог аймагууд боложо, Мэшаа хотын ба зүүн зүгтэ хада уулатай газарта оршодог Сэпаар хотын хоорондо һуурижаһан гэхэ.

³² Нойн хүбүүдһээ эдэ олон обог аймагууд үдэжэ, хожомынь ами аминдаа арадууд болоһон гэхэ. Үерэй удаа тэдээнһээл бүхы дэлхэйн арад түмэн эхи абаһан түүхэтэй.