Египедһээ гаралга 22 - Библи

Эд зөөшэ тухай хуули

¹ Бэеынь өөртөө абажа болохо.

² Хэн нэгэн буха гү, али хони хулгайлаад, алаһан гү, али худалдаһан байбал, тэрэ нэгэ бухын түлөө табан буха ба нэгэ хониной түлөө дүрбэн хони үгэхэ ушартай.

³ Хулгайшан юумэ хулууха үедөө баригдаад алуулаа һаа, алаһан хүниинь гэмгүй.

⁴ Гэбэшье наранай гараһанай һүүлээр тиимэ юумэн болоо һаа, алагшань гэмтэй болохо. Хулгайшанай бусааха юумэ үгы һаань, өөрыень богоол болгожо худалдуужаг.

⁵ Хулуулгаһан мал хулгайшанда амидыгаар олдоо һаань, хулгайшан нэгэ бухын, элжэгэнэй гү, али хониной түлөө хоёрые үгэхэ ёһотой.

⁶ Хэн нэгэн таряалан гү, али уһан үзэмэй сэсэрлиг малаар гэшхүүлэн гэмтээбэл, өөрын таряалан, сэсэрлигһээ дээжыень абажа түлэхэ ёһотой.

Эд зөөри тухай хуулинууд

⁷ Гал түймэр гаража, бухал боолтонуудыень, ургаса таряаень, таряалангай талмайень шатаабал, түймэр табиһан хүн түлэхэ ёһотой.

⁸ Нэгэ хүнэй нүгөөдэдэ алта мүнгэ, эд хогшол хадагалуулһыень гэрһээнь хулууһан хулгайшан баригдабал, тэрэ хулгайшан хоёр дахин ехэ хэмжээгээр бусааха зэргэтэй.

⁹ Харин хулгайшанай баригдаагүй һаань, хадагалһан хүн Бурханай урда хүнэй зөөридэ һанаархаагүйб гэжэ гэршэлхэ ёһотой.

¹⁰ Буха сар, элжэгэн, хонин, хубсаһан гэхэ мэтэ алибаа үгы болоһон зөөри минии гэжэ хүнэй хэлэхэ хэрэг зарга Бурханда үзүүлэгдэхэ ёһотой. Хэниие Бурхан гэмтэй гэжэ тоолоноб, тэрэ хоёр дахин ехээр бусааха ёһотой.

¹¹ Нэгэ хүнэй нүгөөдэдэ элжэгэ, сар, хони гү, али ондоо мал харууһанда үгэхэдэнь, гэмэ боложо, тэрэнь үхэхэ, гэмтэхэ гү, али дайсанда намнуулан абаашаха ушарта гэршэлэгшын үгы байбал,

¹² хүнэй зөөридэ һанаархаагүйб гэжэ тэрэ харууһалагша хүн Бурханай урда тангариглаха ёһотой. Малай эзэн үлэһыень абуужаг, харууһалагшань гарза хүсэлдүүлхэ ёһогүй.

¹³ Харин хулгайда ороо һаань, харагша хүн эзэндэнь тэхэрюулхэ ушартай.

¹⁴ Анда эдюулээ һаань, үлэгшэ һэе һэбхүүлынь харуулхадаа, гарза тэхэрюулхэгүй.

¹⁵ Нэгэ хүн нүгөөдэһөө мал ашаглаха гэжэ абаба гэлэй, абаһан эзэнэйнгээ үгыдэ тэрэнь гэмтэбэ, үхэбэ гэлэй, абагшань гарза тэхэрюулхэ уялгатай.

¹⁶ Эзэнэй байхадань тиимэ юумэн болоо һаа, гарза тэхэрюулдэггүй. Зүгөөр малынь түлбэреэр ашаглагдаһан һаань, эзэн түлбэри абаха зэргэтэй.

Залуу басагантай хурисалай түлөө хэһээлтэ

¹⁷ Эрэ хүн залуу басаганай толгойень эрьюулжэ хурисабал, тэрэнэй түлөө анза түлэхэ ба һамган болгожо абаха ёһотой.

Үхэлэй саазада хүртөөхэ буруу ябадалнууд

¹⁸ Басаганай эсэгын басагаяа хадамда үгэхэ дурагүй һаань, хурисагша эрэ басаганай түлөө хэдые түлэхэ ёһотойень түлэхэ уялгатай.

¹⁹ Эльбэшэ эхэнэрые амиды орхижо болохогүй.

²⁰ Мал амитантай хурисагшын ами хороохо ёһотой.

Үгытэй зондо энэрэл хайратай байха тухай

²¹ Эзэнһээ ондоо бурхадта үргэл хэһэн хүн хараалда хүртэхэ, үгы хэгдэхэ ёһотой.

²² Ерүүл зониие бү харшала, бү гомдохоо – таанад өөһэдөөшье Египедтэ ерүүл зон байһанта.

²³ Бэлбэһэн эхэнэр болон үншэдые бү харшала.

²⁴ Хашаха харшалха болоо һаатнай, тэдэ Намда хандаха, тэдэнэй гомдол дуулаа һаа,

²⁵ Би уурлажа, һэлмэ жадаар таанадые хадхажа алахаб! Танай һамгад эрэгүй, хүүгэдтнай үншэд болохол.

²⁶ Минии арад соо үгытэй хүндэ мүнгэ урьһалаа һаа, мүнгэ түрүүлэгшэ шэнги түрэсэ эрижэ бү бай.

²⁷ Хүнһөө субыень барисаанда абабал, наранай оротор бусааха ёһотойш –

²⁸ бэеэ хушаха хубсаһан тэрээндэ бэшэ үгы ха юм. Хайшан гээд унтаха юм? Тэрэ Намда хандахал – Би тэрэниие дуулахаб, юуб гэбэл, Би энэрхы сэдьхэлтэй мүн.

²⁹ Бурханиие бү муушала, арадайнгаа удамаршые хараажа бү бай.

³⁰ Уһан үзэмэй түрүүшын шүүһэ удаарангүй үргэдэг бай. Ууган хүбүүгээ Намда үгэхэ ёһотойш.

³¹ Томо жэжэ малда тэрэ баһал хабаатай: долоон хоногто эхынгээ хажууда байг, наймадахи үдэртэ Намда тэрэниие үгэхэш. Таанад Минии хадаа арюун зон байха ёһотойт – ангай бариһан амитанай мяха бү эдигты, һэе һэбхүүлынь нохойдо үгэгты.