1 Угай бэшэг 2 - Библи

Яковай болон Иудын үри һадаһад Давид хүрэтэр

¹ Израилиин хүбүүд эдэ: Рэүбээн, Симеон, Левий, Иуда, Иссахаар ба Зэбүлүүн,

² Даан, Иосиф, Бэньямиин, Напталии, Гаад ба Ашээр.

Иудын үри һадаһад

³ Иудын хүбүүд Ээр, Онаан болон Шэлаа Ханаһаан нютагай басаган Бат-Шууаһаа гараа. Иудын ууган хүбүүн Ээр нүгэл хилэнсэгтэй байгаа, Эзэн Бурхан тэрэниие үршөөнгүй наһа баруулаа.

⁴ Иудын бэри Тамаар байгаа, Пээрэц, Зээрах хүбүүдые тэрээндэ түрэһэн юм. Иуда табан хүбүүтэй бэлэй.

⁵ Пээрэцэй хүбүүд: Хэцроон ба Хамуул.

⁶ Зээрахай хүбүүд: Зимрии, Этаан, Һэмаан, Халкоол, Дараа; бүхыдөө табан байгаа.

⁷ Хармиигай хүбүүн Ахаар тангаригаа эбдэжэ, Израильда гай тодхор ушаруулһан юм.

⁸ Азаарияа Этаанай хүбүүн.

⁹ Хэцрооной хүбүүд Ерэхмээл, Раам, Хэлүбай гэгшэд һэн.

¹⁰ Раамай хүбүүн Амминадааб болоно; Амминадаабай хүбүүн Нахшоон Иудын гарбалтанай тайжа байгаа;

¹¹ Нахшооной хүбүүн Сальмаа, Сальмаагай хүбүүн Бооһаз;

¹² Бооһазай хүбүүн Обээд, Обээдэй хүбүүн Ишай;

¹³ Ишайн ууган хүбүүн Элиааб, хоёрдохинь Абинадааб, гурбадахинь Шимаа,

¹⁴ дүрбэдэхинь Нэтанээл, табадахинь Раддай,

¹⁵ зургаадахинь Ооцэм, долоодохинь Давид.

¹⁶ Тэдэнэй эгэшэ, дүү: Цэруяа, Абигааһил. Цэруяагай хүбүүд: Абишай, Ёһааб, Асаһээл гурбан.

¹⁷ Абигааһил Амасаае түрөө; Амасаагай эсэгэ ишмаһээл гарбалтай Етээр байһан.

¹⁸ Хэцрооной хүбүүн Халээб Азубаа һамганһаа Ериһоот басагатай һэн. Тэрээнһээнь гараһан хүбүүд: Еэшэр, Шобааб ба Ардоон болоно.

¹⁹ Азубаагай наһа барахада, Халээб Эпраатые һамган болгобо, тэрэнь Хуур гэжэ хүбүү түрэбэ.

²⁰ Хуур Үрии хүбүүтэй, Үрии Бэцалээл хүбүүтэй һэн.

²¹ Хэцроон жара наһатай байхадаа Махиирай (Махиир бол Галаадай эсэгэ) басага һамган болгобо, тэрэнь Сэгүүб хүбүү түрэбэ.

²² Сэгүүбэй хүбүүн Яһиир, тэрэ Галаадай газар дээрэ хорин гурбан өөрын хототой һэн.

²³ Зүгөөр Гэшүүрэй, Араамай зон Яһиирай тосхон һууринуудые, Кэнаат, бүхыдөө жаран хото эзэмдэбэ. Эдэ бүхы хотонууд Галаадай эсэгэ Махиирай үри һадаһадай байһан юм.

²⁴ Хэцрооной наһа бараһанай һүүлээр Халээб хүбүүниинь эсэгынгээ һамга Эпраатые өөрын һамган болгобо, тэрэнь Ашхуур хүбүү түрөө һэн. Ашхуур – Тэкооһагай эсэгэ.

²⁵ Хэцрооной ууган хүбүүн Ерэхмээлэй хүбүүд: ууган хүбүүн Раам, тэрэнэй удаа Бунаа, Һоорэн, Ооцэм, Ахияа.

²⁶ Ерэхмээл үшөө Атараа гэжэ һамгатай байгаа; тэрэ Онаамай эхэ болоно.

²⁷ Ерэхмээлэй ууган хүбүүн Раамай хүбүүд: Маац, Ямиин болон Ээкэр.

²⁸ Онаамай хүбүүд: Шаммай ба Ядаа. Шаммайн хүбүүд: Надааб ба Абишуур.

²⁹ Абишуурай һамган Абиһааил Ахбаан, Молиид гэжэ хүбүүдые түрэбэ.

³⁰ Надаабай хүбүүд: Сээлэд, Аппааим. Сээлэд үхибүүгүй наһа бараа.

³¹ Аппааимай хүбүүн Ишии. Ишиигэй хүбүүн Шэшаан. Шэшаанай хүбүүн Ахлай.

³² Шаммайн дүү Ядаагай хүбүүд: Етээр, Ёнатаан. Етээр үхибүүгүй наһа бараһан.

³³ Ёнатаанай хүбүүд: Пээлэт, Зазаа. Эдэ булта Ерэхмээлэй үринэр мүн.

³⁴ Шэшаан хүбүүгүй, харин басагадтай байгаа. Шэшаан Египедһээ уг гарбалтай Ярхаа гэжэ нэрэтэй зарамалтай байһан;

³⁵ Шэшаан басагадайнгаа нэгые Ярхаада һамга абуулба: тэрэнь Аттайе түрэбэ.

³⁶ Аттай Натаанай эсэгэ, Натаан Забаадай эсэгэ;

³⁷ Забаад Эплаалай эсэгэ, Эплаал Обээдэй эсэгэ;

³⁸ Обээд Еһүүгэй эсэгэ, Еһүү Азаарияагай эсэгэ;

³⁹ Азаарияа Хээлэцэй эсэгэ, Хээлэц Элэасаагай эсэгэ;

⁴⁰ Элэасаа Сисмайн эсэгэ, Сисмай Шаллуумай эсэгэ.

⁴¹ Шаллуум Екаамиягай эсэгэ, Екаамия Элишамаагай эсэгэ.

⁴² Ерэхмээлэй дүү Халээбэй үри хүүгэд: тэрэнэй ууган хүбүүн Мэшаа, Мэшаа Зиипэй эсэгэ. Хэброоной эсэгэ Марэшаагай үри һадаһад эдэ болоно.

⁴³ Хэброоной хүбүүд: Коорах, Таппууһаа, Рээкэм ба Шэмаа.

⁴⁴ Шэмаа Рахаамай эсэгэ, Рахаам Ёркэһаамай эсэгэ. Рээкэм Шаммайн эсэгэ.

⁴⁵ Шаммайн хүбүүн Маһоон, Маһоон Бэт-Цуурай эсэгэ.

⁴⁶ Халээбэй бага һамган Эпаа Һараан, Моцаа, Газээзые түрэбэ. Һараан Газээзэй эсэгэ.

⁴⁷ Яһдайн хүбүүд: Рээгэм, Ётаам, Гэшаан, Пээлэт, Эпаа ба Шааф.

⁴⁸ Халээбэй бага һамган Маһахаа Шээбэрые, Тирханаае түрэбэ;

⁴⁹ мүн тэрэ Мадманнаагай эсэгэ Шаафые, Махбэнаагай, Гибаагай эсэгэ Шэваае түрэбэ. Ахсаа Халээбэй басаган.

⁵⁰ Халээбэй үри һадаһад эдэл болоно. Хуурай (Хуур Эпраатын ууган хүбүүн) хүбүүд: Кирьяат-Еариимые байгуулагша Шобаал;

⁵¹ Бэтлэһээмые байгуулагша Сальмаа; Бэт-Гадээрые байгуулагша Харээп.

⁵² Кирьяат-Еариимые байгуулагша Шобаалай хүбүүд: Һароһээ, Хации, Мэнүһоот.

⁵³ Кирьяат-Еариимэй уг зон: итридүүд, пүтиинүүд, шумаадууд, мишраинууд. Тэдээнһээ цораагайхин, эштаһоолууд гараа.

⁵⁴ Сальмаагай хүбүүд: Бэтлэһээм, Нэтопаадайхин, Атроот-Бэт-Ёһааб болон манаахадуудай хахадынь – цораагайхин.

⁵⁵ Ябээцтэ ажаһуудаг соприидуудай угай зон тираадууд, шимаадууд, сухаадууд. Эдэ хадаа Бэт-Рэхаабай эсэгэ Хаммаатһаа гараһан хээнүүд мүн.