ZAKARI 3 - Bible en langue Bulu

Nyenane nyini: Yasua Ntuni nnen

¹ Eyoñe te Nti a nga liti ma Yasua, Ntuni nnen, a tele éngele Nti ôsu: ve Satan a nga tele nye mbo nnôm, asu ya boʼolô nye.

² Engele Nti a nga jô Satane na: Nti a dibe wo anyu, nyô émien a nga tobe Yérusalém. Ve mfaʼa Yasua, ye a nji bo ésiʼi be nga vaa nduan?

³ Yasua a nga beʼe mengômesan me ne mvin, a tele éngele ôsu.

⁴ Engele a nga beta nyoñe nkobô a jô bôt be nga tele nyʼôsu na: vaʼane nye mvine biôm éte. Wôna a nga jô Yasua na: tame yen me vaaya wo abé dôé a ba ye jalé wo mengômesan mʼabôk.

⁵ Nye na: be jaléʼé nye ébôbot é ne mfuban e nlô. Nde be nga jalé nye ébôbot é ne mfuban e nlô a jalé fe nye mengômesan.

Mbo ésaé a ne ñwoʼone mbon

⁶ Ane éngele Nti a nga jô Yasua na:

⁷ avale di nde Nti a ne ngul ése a jô na: nge wo wulu e mezene mam été, a baʼale mebendé mam, womien wo ye jôô nda Zambe jam, wo ye baʼale minseñe miam, ma ye bete wo nkôñe ya beéngele be tele ma fefele va.

⁸ A Yasua, ntuni nnen, vôlôʼô, womien a beébele bôé be too wo ôsu, amu bôte bete be ne ndem, tame yen ma zuu mbo ésaé wom, jôé na Atataʼa.

⁹ Yaa, ô lôô, akoʼo ma kalane Yasua. Akoʼo te étam é bili mise zamgbwa. Mamien ma kpwele ntilan e bili, nalé Nti a ne ngul ése a jô, A ma ye vaa abé ya si nyô môse wua.

¹⁰ Môs ôte, nalé Nti a ne ngul ése a jô, mia ye bañetan, wua a nyô mbok, e afube mindiʼi si a e figié si.