YONA 2 - Bible en langue Bulu

Yôna a yeʼelane Zambe abume kos été

¹ Ane Nti a nga kôm beta kos ya mine Yôna. Nde a nga tabe abume kos été môse mila a melu mela.

² Yôna a too abume kos été, ane a nga yeʼelane Nti, e Zambe wé.

³ Ane a nga jô na: Ôlune wom été me nga loone Nti Ane a nga yalane ma. Me too vôm ya miñwuan, ane me nga loone wo na ô volô ma: Nde ô nga wôʼô tyiñe jam.

⁴ Ô nga wua ma e tem édoʼo mañ été. A ndône mendim é nga yandane ma. Mintyôa miôé mise a mendim môé mese bi nga dañe ma yôp.

⁵ A me nga jô na: Ô wuaya ma ôyap! Ve ma ye beta nyeʼe me fombôʼô nda jôé é ne étyi.

⁶ Mendim me yandaneya ma a kui jôé: Edoʼo mañ é bômaneya ma, Biloʼo ya ôsôé bi maneya yametan e nlô wom.

⁷ Me nga sis a kui vôm minkôle ya si nyô mi beme Mengôñ ya si me nga fete ma éyoñ jijia: Ve ô nga bete ma vevee me soʼo ébé é ne édok; A wo Nti ô ne Zambe wom.

⁸ Eyoñ nleme wom ô nga tek abume dam été Me nga simesane Nti. A meyeʼelane mam me nga kui e be wo. A kui e Nda jôé é ne étyi.

⁹ Ba ba timbi a zesé bengunemelan Te kañese na mvam jôé é kui e be be.

¹⁰ Mfaʼa wom ma ye tyiʼi wo biôm ya ve wo akéva Ma ye jalé mintiñetane miam: amu wo Nti ô nga nyii ma.

¹¹ Ane Nti a nga kobô kos, nde é nga yô Yôna e kindik.