YONA 1 - Bible en langue Bulu

Yôna a tube Zambe

¹ Nti a nga kobô Yôna, mone Amitaé na:

² Kôlôʼô si, kele Ninive, beta tison ate; kobôʼô be na: Mbia mimboon miap mi beteya a kui ma e nsoé dis.

³ Ane Yôna a nga kôlô si a tube mise me Nti a ke e tison Tarsis. Ane a nga siliki e tison Yafô, a koone sitima a kele e Tarsis. Nde a nga yaʼane moné dulu, a dañ e sitima na ba be be be ke Tarsis a tube Nti.

⁴ Ve Nti a nga bo na beta évuñulu a vuñ e mañe yôp; sitima a nga liʼi tyôtyoé ya kubu.

⁵ Ane bôt ba wulu sitima be nga ko woñ; nde môt ase a nga yeʼelan e zambe wé; ane be nga wua biôm bi mbe sitima e mañ été na sitima a bo éveves. Ve Yôna a nga sis e sitima si, ve bômbô si a ke ôyo melom.

⁶ Ane ntebʼôsu bewulu sitima a nga subu nye bebé a sili nye na: Amu jé wo ke ôyo? Kôlôʼô si a loone Zambe wôé! Ndôʼôtô na Zambe ate a ye ko bia éngôngo ane bi ne bo te wu.

⁷ Ane môt ase a nga jô nyô mboʼo na: Zaʼan bi bo asimba , bi yem za ya be bia a dutu bia njuʼu wu. Nde be nga bo asimba : ane é nga bi Yôna.

⁸ Ane be nga jô nye na: Kate bia ye sa wo wo dutu bidim bi e be bia? Wo bo jé? Wo so vé? Ô ne môte ya si fé? Ô ne mone za ayoñ?

⁹ Ane a nga yalane na: Me ne mone Beyude ma ko Nti woñ, Zambe ya yôp, nyô a nga té mañ a si.

¹⁰ Ane bôt bete be nga dañe ko woñ a sili nye na: Zʼavale jam ô nga bo le! Amu be nga yeme na a nga tub asu Nti: amu émien a nga kate be nalé.

¹¹ Ane be nga sili nye na: Bi bo wo aya ndemben mañ ma ye suu ayaa mfaʼa wongan? Amu éyoñe te ébien mañ me nga dañe dañ bo ayok.

¹² Nde a nga yalane be na: Nyoñane ma a wua ma e mañ, éyoñe te mañ ma ye bo mia ne mieññ: amu ma yeme na ma ma dutu mia e beta ôkôse nyô.

¹³ Ane bôt bete be nga veʼele fule sitima na be ke kindik, ve teke ngu amu mañ me nga dañ dañ bo be ayok.

¹⁴ Ane be nga yeʼelane Nti a jô na: A Nti, bia yeʼelane wo na bi bo te jañ amu ényiñe môte nyô, a te kañese na bi beʼe ajô ya metyi me ne te bijô! Amu womien, a Nti, ô boya ane womien wo yene mvaé.

¹⁵ Ane be nga nyoñ Yôna a wua nye e mañ été: ane ayoʼo mañ é nga man.

¹⁶ Nde beta woñ a nga dañe bi bôte bete: ane be nga ve Nti mimvean a tiñeti nye metiñ. Kos ja yô Yôna e kindik