YOANES 7 - Bible en langue Bulu

Bobenyañ be Yésus be nji buni nye

¹ E mvuse mame ma, Yésus a nga ke a lôtan e Galilé; a nji fe kômbô wulu e Yudé amu Beyude be mbe be jeñe na be wôé nye.

² Valé étôkan Beyude ba loone na bibem é nto bebé,

³ e nde bobenyañe bé be nga jô nye na: Kôlôʼô mu, ô ke Yudéa, beyéʼé bôé be yene ñhe fe e mame wo bo.

⁴ Amu na, môt éziñ a se ngule ya bo jam asoé nge a jeñe na a yené; e vôme wo bo e mame ma, litiʼi womiene bôt.

⁵ Bobenyañ be mbe foʼo teke buni nye.

⁶ E nde Yésus a nga jô be na: Eyoñ jam é ngenan te kpwaan, ve éyoñ jenan é ne nkôman kom ése.

⁷ Bôte ya si nyô be se ngule ya siñe mia, ve ba siñe ma, amu ma tyiʼi mvaʼa na mimboone miab mi ne abé .

⁸ Mfaʼa wônan, betan, mi ke abôk; ve mfaʼa wom maa ye ke tame bet a ke abôʼô te, amu éyoñe jam é ngenane te kpwaan.

⁹ Eyoñ a maneya kobô nalé, ane nye a nga liʼi a too e Galilé.

Yésus a ne abôʼô bibem

¹⁰ Ake bobenyañ be nga mane ke abôk, ane nye fe a nga téé a ke, sa éngengeñ, ve aval ane asoé.

¹¹ Beyude be nga ke ñhe ba jeñe nye abôk été be jôʼô na: A ne vé?

¹² Abui menyiñ e nga bo ñhe e bôte bôt ajô dé. Bevoʼo be jôʼô na a ne mbamba môt, ba bevoʼo na, tekeʼé, a viane yale bôt zene fe.

¹³ Ve môt éziñ teke kobô ajô dé bôte be wôʼôk amu be ko Beyude woñ.

¹⁴ Eyoñ abôʼô e nto ézezañ, ane Yésus a nga a zu nyiin e Nda Zambe, a nga yeʼele bôt.

¹⁵ E nde beyude be nga semé be jôʼô na: Zʼavale ñyemane môte nyô a yeme mintilane di, nye teke mie yeʼé!

¹⁶ Ane Yésus a nga nyoñe nkobô a jô na: Miñyeʼelane miam mi nji bo émiam, ve mi mi môt a nga lôme ma.

¹⁷ Nge môt éziñ a kômbô bo nkômbane wé, a ye yem a miñyeʼelan, nge mia so be Zambe, nge ke na ma kobô ajô dame mamien.

¹⁸ E môt a kobô ajô dé émien, a jeñe fe ve duma dé émien; ve nyô ki a jeñ duma môt a nga lôme nye, e nye a ne bebela, a ékotekot éziñ é nji bo be nye.

¹⁹ Ye sa Môze nye a nga ve mia metiñ? A teke môt éziñe ya be mia a bo ane metiñ mete ma jô. Amu jé mia jeñe na mi wôé ma?

²⁰ E nde bôt be nga yalane na: Mbia nsisim a bili wo, za a jeñe na a wôé wo?

²¹ Ane Yésus a nga nyoñe nkobô, nyee be na: Me nga bo ve jame da, nde mia bese mia semé.

²² Mbôl Môze a nga ve mia atiñ ntyiʼan atyel, akôsa bo e nji so be Môze, e nga so e be bôbetô, e nde mia tyiʼi môt atyel jaʼane e môse Sabat.

²³ Nge môt a tyiʼiban atyel e môse Sabat, a nji tyam atiñe Môze, ve amu jé mia viane wôʼô ôlun a yaa ma amu na ma ke bo ngumba môte mvoʼé e môse Sabat!

²⁴ Te mia tyiʼi mejô e ñyenane ya mis, ve tyiʼane mejô zôsôô ntyiʼan.

Ye nyuna a ne Krist

²⁵ Bôte ya Yérusalém bevok be nga jô na: Ye sa môte nyuna nye ba yi na be wôé?

²⁶ Ke mia yen ane a kobô éngengeñ, be teke nye jô jôm. Ye bejôô nlam be yemeya bebela na e nye a ne Krist?

²⁷ E môte nyô bia kôme yem e mfaʼa a so; ve Krist kik, éyoñ a ye so, tekeʼe môt a ye yem e mfaʼa a so.

²⁸ Ane Yésus a nga yôtan, a yeʼeleʼe bôt e Nda Zambe été, a jô na: Ma foʼo mia yem, mi yeme fe mfaʼa ma so; ve me nji so asu dam mamien; amu môt a nga lôme ma a ne bebela, e nye mi nji yem.

²⁹ Ma ma yeme nye, amu ma so be nye, a e nye a nga lôme ma.

³⁰ Bôte be nga jeñe ñhe na be bi nye, ve môt teke futi nye mo e nyôl, amu awolo dé e ngenane te kpwaan..

³¹ E nkunda bôt été va, abui e nga buni nye, be jôʼô na: Krist émien, éyoñ a ye so, ye a ye bo bitua bi mam bia dañe e bi môte nyuna a boya!

Bʼôkeminlôman ba ke bi Yésus

³² Eyoñe Befarizieñ be nga wôʼô nkunda bôt wo ke wo nyiñe mame mete, ane bivet Betuni a Befarizieñ be nga lôme bôte na be bi nye.

³³ E nde ñhe Yésus a nga jô na: Me ngenane ve mon étun éyoñ, bia be mia, me bulan e be môt a nga lôme ma.

³⁴ Mia ye jeñe ma, teke yene ma, a e vôme ma ye tabe, mi se ngul ya zu wôé..

³⁵ Beyude be nga ke ba kobô zañe jab na: E môte nyô a kômbô ke avale vôm avé na bi bo te yene nye? Ye a zu ke e be ba be nga mane mialan e be, Begrék, a tame fe ke yeʼele Begreek?

³⁶ Jé é ne avale nkobô a kobô di na, Mia ye jeñe ma, mi teke yene ma, a na, e vôme ma ye tabe, mi voʼo zu wôé?

Asôé bevevee mendim

³⁷ E môse wo suʼulan, e ñwô wo dañe beta môse ya Abôk, ane Yésus a nga kôlô si a yôtane na: Nge môt a wôʼô évé, a zaʼa be ma a zu nyu.

³⁸ E môt a buni ma, aval ane Ntilane wo jô: Asôé mendime ma ve ényiñ da ye kui nye abum été.

³⁹ Ve a nga jô nalé a kobôʼô ajô ya Nsisim bôte ba buni nye ba ye nyoñ. Valé Nsisimi a ngenane te bo, amu éyoñ éte Yésus a ngenane te nyoñe duma.

Bôt ba kandane zañ ajô Yésus

⁴⁰ E nkunda bôt été va, éyoñe bôte be maneya wôʼô mame ma, be nga ke ba jô na: E môte nyô a ne foʼo nkulu mejô bebela.

⁴¹ E bôte bevoʼo na: E môte nyôna nye a ne Krist, e ba bevoʼo ke na, ye Krist a ne so e mfaʼa ya Galilé?

⁴² Ye Mintilan mi nji jô na Krist a ye so e mvoñe bôte David, e Bétéléhém, nlame David a nga too?

⁴³ Ane bôt be nga kandan a bo metyiñ metyiñ ajô dé.

⁴⁴ Bevoʼo ya été be nga jeñe na be bi nye, ve môt éziñ teke bete nye mo nyôl.

⁴⁵ E nde ñhe bekeminlôman be nga bulan e be bivet betuni a Befarizieñ, ane be nga jô bôte bete na: Amu jé mi nji soo nye?

⁴⁶ E nde be nga yalane na: Môt éziñ a ngenane te yeme nkobô avale ane môt ate.

⁴⁷ Ane Befarizieñ be nga yalane be na, ye mia fe mi maneya duʼuban?

⁴⁸ Za éziñ ya betebe ôsu nge Befarizieñ a buniya nye?

⁴⁹ Ke foʼo ve zezé babôtô a ne te yeme metiñe nyô, mbe be ne biyoʼé.

⁵⁰ Eyoñe te Nikôdem, e môt a nga tame taté ke be Yésus ôsusua, a too fe wua ya be be, a nga jô be na:

⁵¹ Ye metiñe mangan me ne tyiʼi ajô môt, te taté wôʼô nkobô wé a yeme jam a nga bo?

⁵² Be nga yalane nye na: Ye wo fe ô ntoo môte ya Galilé? Tame tuʼa fas ô yene na nkulu mejô a ne teke so e Galilé.

Minga mejian

⁵³ E nde be nga téé môt ase a kele nda jé.