YEREMIA 45 - Bible en langue Bulu

Yérémi a volô Baruk nlem

¹ Mejô nkulu mejô Yérémi a lôme Baruk, e mone Nériya, éyoñ a nga tili mejô mana e kalate, Yérémi a tote nye me, mbu nyini Yôyakim, e mone Yôzias, njô bôte ya Yuda a nga too. A nga jô na:

² avale di Nti, e Zambe Israél, a jô wo Baruk na:

³ wo jô na: Bidim a ma! Amu Nti a betéya éndeñelaʼa e mintaé miame yôp; me ne nteʼan me suu abuk, ve me teke yen awoʼon.

⁴ Avale di nde wo ye kobô nye na: Ô lôô ma ye tyame jôm me maneya lôñ, a té jôm me maneya bé, nalé a ne na si nyôna ése.

⁵ A wo, ye ô nga ye jeñe beta be mame nga? Te jeñe bie! Amu tame yene na ma ye zuu bidim e be nsôn ôse, nalé Nti a jô; a ma ye ve wo ényiñe jôé ane jôme ya nsa e mevôme mese wo ye ke.