Yb 8 - Bible en langue Bulu

Nkobô ôsu Bildad a kobô Yob

¹ Ane Bildad ya Kua a nga nyoñe nkobô a jô na:

² Wo ye kobô avale nkobô te a kui éyoñ évé, ye minkobô yʼanyu dôé mia ye bo évuñulu é ne ngu?

³ Ye Zambe a ye vite zôsôô ? Ye Nyô a ne ngulʼése a ye vite nya ntyiʼane mejôô?

⁴ Nge bone bôé be boya nye abé , a veya ñhe be e mo ya mbia mboone wop.

⁵ Ve wo nge wo jeñe Zambe, nge wo sili mvame ya nyô a ne ngul ése

⁶ nge ô ne teke bijô a zôsôô , éyoñe te a ye baʼale wo teke selan a a ye beta telé nda jôé, e vôme zôsôô wôé a ye tabe.

⁷ Avalʼô nga too ôsusua da ye bo zesé, avale da ye tôñe mvuse valé da ye dañ anen.

Siliʼi fek e be bemvendé be bôt

⁸ Tame sili bôte ya miaé ya mvuse minsili, tukaʼa fombô avale bʼésaa be nga yene mam.

⁹ Amu bi ne ve ba yʼangôʼé, a bi nji yeme jôm, melu mangan e si nyô me ne foʼo ve nsisiñ

¹⁰ ye be ba ye bo te ve wo nyeʼelan? Ba ye kate wo de, ba ye soo mejô mete e minlem miap.

¹¹ Ye mbôñ akpwaé ô ne nguleya faa élobé momo? Ye nden é ne nguleya faa mendim momo?

¹² Nté ô ngenane nyumen a te ntyiʼan, ja kôt avôl a dañe biloʼo bife bise.

¹³ Avale te nde da kui e be ba bese ba vuane Zambe, a ndi nleme mbo abé ja ye jañ.

¹⁴ Ndi jé é ne mbôlan, a ndi jé é ne ndeten abôp.

¹⁵ A yeʼe e nda jé ve nda été ja ye bo te tebe, a kabetan été, ve ja ye bo te tabe.

¹⁶ Mbo abé akôsa bo njalan a mendim bilé, akôsa bo a yaé a vian, akôsa bo a wua mintyaé mié afube yôp,

¹⁷ akôsa bo minkañe mié mia yametan e mbamelʼakoʼo yôp, akôsa bo a yemete ényiñe jé e zañ akoʼo e nʼayet,

¹⁸ ve nné ane ba vaa nye e vôm a beme, môt ase a nga kate nye a jôʼô na: Me ngenane te tame yene wo!

¹⁹ Anaʼana ve teme na a nga mane boé e njoñe yôp, a môte mfe a ye faa e ndube jé yôp.

²⁰ Tame yen! Zambe a ne teke biasé zôsôa môt; nalé fe na a ne teke volô bôt ba bo mbia be mam.

²¹ Yangeʼe na a futi vioé anyu dôé, a futi miñyône mevak e biyaé biôé!

²² Ba ba siñe wo ba ye bo njalan a ôson, a nda éndelé bebo abé nje ja ye bo momo jôm.