Yb 23 - Bible en langue Bulu

Yob a yalan Elifaz

¹ Ane Yob a nga yalane na:

² E môse wuna fe ñyône wom ô ne ayaa, wo wom wo fite ntate wom.

³ Ngoʼé nge me too ye yeme vôm me ne yene nye, nge me too ye kui vôm a too,

⁴ me nga ye liti nye ajô dam, me nga ye jalé anyu dam a bifia.

⁵ Me nga ye yem biyalan a nga ye ve ma, a me nga ye wôʼô jam a nga ye jô ma!

⁶ Ye a ne belane ngule jé ése na a bo ma ajô? Momo ve da a ne bo ve na a dimili éyoñ ya fombô ma.

⁷ A ye yeme na zôsôô môte le ba nye ba doone bifia éyoñe te Ntyiʼi mejô a ye ve ma mekabe nnôm éto.

⁸ Ve nge ma ke mfaʼa jôbe da tôô a nji bo wé, e mfaʼa jôbe da dim, me te yene nye.

⁹ Ye a bo ésaé éziñ mfaʼa yʼakôé. Me se nguleya yene nye. Ye a solô mfaʼa ya nké? Me teke ngule ya yene nye.

¹⁰ Ve nye a yem e zene me tele. Eyoñ a ye veʼele ma, ma ye kôlô mfuban ane or.

¹¹ Abo dam é kabetaneya a mendaa mebo mé. me baʼaleya mezene mé a me ngenan te kôlô me été.

¹² Me ngenane te tyendé mebendé ya biyaé bié; Me vitiya nkômbane wome na ô luʼan a mejô yʼanyu dé.

¹³ Ve Nye, nge a tyiʼi jam éziñ, za a ne bo nye na a beta bulane mvus? A bo e jam Emien a yene mvaé.

¹⁴ Ajô te a ye bo jam a tyiʼiya mfaʼa wom. A ye fe simesane mefe abui.

¹⁵ Ajô te ma ko woñ asu dé. Eyoñe ma dañe fase jame te, nje ma dañe ko nye woñ.

¹⁶ Zambe a tyiʼiya ayoʼo ya nleme wom étun. Nyô A ne Ngul Ese a jaléya ma a woñ.

¹⁷ Amu sake dibi nde da tooé ma évô, sake dibi nde da buti ma.