Tt 2 - Bible en langue Bulu

E mame bôte ya nda jia ba yiane bo

¹ Ve wo, kobôʼô e jam da yiane nya nyeʼelane.

² Bemvendé befam be boʼo ôjibi, éjijin, fek, njalan a mbunan ô ne zôsôô , nyeʼan a mban.

³ Bemvendé be binga, avale da, be tabeʼane da yiane mam me ne étyi, saa bôte bibôta, nge bebete ôdoʼé a alo e nyuane bilam, be yeʼeleʼe mam me ne mvaé.

⁴ Be yeʼele bengone be binga ane ba yiane nyeʼe beyôm a bone bap.

⁵ Be bo éjijin, mfuban , be bo benya bebaʼale menda mabe mvoʼé , ba ba yian, be suu bebiene si e be beyôme bap, nde mejô me Zambe ma ye bo te biaséban.

Bisoé

⁶ Lebe fe bisoé bendômane be bo fek

⁷ mfaʼa ya mame mese. Litiʼi womien éveʼela mfaʼa ya mbamba mimboon: e mfubane nyeʼelan été,

⁸ nkobô ô ne zôsôô te nguleya vebane bijô. Nde nsiñe wongan a ye wôʼôson amu a nji bi jam e ne abé ya jô bia.

Belo

⁹ Belo be tabeʼe éjôé bemasa babe si, mfaʼa mam mese. Be yenéʼé mvaé, a saʼale bo be ôlangan,

¹⁰ a bo te wup. Be kele ôsu a bo ba ya buni éyoñ ése. Nalé ba ye wumulu nyeʼelane Zambe Nyi i wongan mimfaʼa mise.

Mvame Zambe

¹¹ Amu mvame Zambe é yenéya, anjeñe nyian asu bôte bese.

¹² Ja yeʼele bia bi lik abé a minkômbane ya si ndôn, nde bia ye nyiñe ntye e si ya éyoñe ji, zôsôô , a e nyeʼane mam me Zambe été,

¹³ nté bia yange mefoʼa ndi nlem a nliteban étôtoʼo beta Zambe wongan a Nyii bôt Yésus Krist.

¹⁴ A nga ve émien amu bia, nde a ye kôté bia abé ese, a fubu ayoñ e ne éndé, nde e ne éndé, nde e ne ayôñ asu mbamba mimboon.

¹⁵ Avale te nde wo yiane kobô, e lep a komekan a ngule njôan ése. Môt éziñ a boʼo te biasé wo.