Oz 3 - Bible en langue Bulu

¹ Ane Nti a nga jô me na: kelek, nyekeʼe minga môte mfe a nyeʼe, nyô a ve émien mboone mejian : amu avale te fe nde Nti a nyeʼe bone bʼIsraél. Eyoñe be ba kôñelane be bezambe befe, a nyeʼe biwôlé ba yam, a bibuma bi ndiʼi woon.

² Nde me nga kuse nye tañe besikel be argent awôm a betan, a ôveʼe fône wua a étun.

³ Me nga jô nye na: wo ye bo éñwom melu abui, ébamba momo, nalé fe teke bo minga fame fe. Avale te nde ma fe ma ye bo mfaʼa wôé.

⁴ Nalé ate bone bʼIsraél ba ye tabe abui melu: teke njô bôt, tekʼévet, teke bityiʼa , te kʼakôn ôzezambe, tekʼéfôd nge ngunemelan .

⁵ Eyoñe mam mete me maneya, bone bʼIsraél ba ye beta jeñe Nti, e Zambe wop, a David njô bôte wop. Ba ye kôñelane be Nti a akume dé melu ma zu.