NLAÑANE BÔT 7 - Bible en langue Bulu

Mimvean asu mveane Zambe ataʼa metunaʼa

¹ Eyoñe Môze a nga mane telé tabernakel , a nga woʼo mbon a telé nye étyi a biôme mebelan bise yʼété; avale te fe a nga bo ataʼa metunaʼa a biôme mebelan bise yʼété. A nga woʼo bie mbon a telé bie étyi;

² éyoñe te bivete ya menda me bôt, ba be nga volô ésaé ya lañe bôt, be nga zu bebé avale meyoñ yʼIsraél me né.

³ Be nga zu ve Nti mimvean avale di: bikalik bi ne mbutane yôp bisaman a beyôm benyak awôm a bebaé. Ekaliʼi ése é mbe mveane ya bivete bibaé, a nnôme nyaʼase mveane ya évete jia. Be nga zu liti bie ôsu tabernakel ,

⁴ nde Nti a nga kobô Môze na:

⁵ Kañeseʼe mimveane miap! Bikalik a benyaʼa bete ba ye belane bie asu ésaé ya nda éndelé bendôbaʼane. Wo ye kalane bie bone be Lévi ane bisaé biap bi né.

⁶ Nde Môze a nga nyoñe bikalik a benyak a kabe bie bone be Lévi;

⁷ a nga ve bone be Gerson bikaliʼi bibaé a nyaʼa ényin, nalé ate ésaé ja ye bo be tyiʼibi.

⁸ Bikaliʼi binyin a nyaʼa muam bi nga liʼi asu bone be Merari, nalé ate ésaé jap ja ye fe bo tyiʼibi: Itamar e mone Aron ntuni a too be évet.

⁹ Ve bone be Kehat be nji ke nyoñe jôm, toʼo bikalik, toʼo benyak, amu mbe be nga baʼale biôm bi nʼétyi, a be nga yiane beʼe bie e bitule biabe yôp.

Mimvean asu ya ve Zambe ataʼa metunaʼa

¹⁰ E môse be nga telé ataʼa metunaʼa étyi, bivete ya menda me bôt bi nga soo fe mimvean asu ya ve Nti ataʼa metunaʼa te.

¹¹ Ve Nti a nga jô Môze na: Bivet bia yiane zu ve mimveane ya ve Nti ataʼa metunaʼa, môt ase e môse wé.

¹² Môt a nga ve mveane wé e môs ôsu a mbe Nason e mone Aminadab ya mvôʼô Yuda.

¹³ Mveane wé ô mbe na: Beʼe argent a too adit besikel ntet a mewôm mela, élaé argent é too adit besikel mintete zamgbwa, avale sikel ya tabernakel a né; beʼe ate a élaé te njalan a mbamba avut a ne mfuʼan ate a mbon asu mvean;

¹⁴ beta élaé or a too adit besikel awôm, njalan a ôlobinda;

¹⁵ Etoñe nnôme nyak, nnôme ntômba, mone ntômba a ntoo mbu wua asu mvean ô ne ngumba,

¹⁶ nnôm ékela asu étyiʼa njaman abé;

¹⁷ a asu metunaʼa nlatane ngbwa, nyaʼa ébaé, beyôm mintômba betan, beyôm bikela betan, bone mintômba be ntoo ngumba mbu betan, mveane Nason, e mone Aminadab a nga ve ñwô le.

¹⁸ E môse baa, Natanaél e mone Suar, évete mvôʼô Isakar, a nga bili mveane wé ana:

¹⁹ beʼe argent adit besikel ntet a mewôm mela, élaé argent adit besikel mewômezamgbwa avale sikel ya tabernakel a né, njalan bebaane a ékekeb avut mfuʼan a mbon asu mimvean;

²⁰ beta élaé or besikel awôm, njalan a ôlobinda,

²¹ étoñe nnôme nyak, nnôme ntômba wua, étoñe ntômba é ntoo ngume mbu asu mvean ô ne ngumba;

²² nnôm ékela wua asu étyiʼa ya njaman abé.

²³ A asu metunaʼa ya nlatane ngbwa; nyaʼa ébaé, beyôm mintômba betan, beyôm bikela betan, bitoñ mintômba bitan bi ntoo mbu wua: mveane Natanaél a nga ve ñwô le.

²⁴ E môse lale ô mbe wu évete bone be Zabuloñ, Eliab e mone Elôn.

²⁵ Mveane wé ô mbe ana: Beʼe argent adit besikel ntet a mewôm mela, élaé argent besikel mewôme zamgbwa avale sikel ya tabernakel a né, bebaane njalan a ékekeb avut, mfuʼan a mbon asu mimvean;

²⁶ beta élaé or besikel awôm, njalan a ôlobinda;

²⁷ étoñe nnôme nyaʼa jia, nnôme ntômba wua, étoñe ntômba é ntoo mbu wua jia asu mvean ô ne ngumba;

²⁸ nnôm ékela wua asu étyiʼa ya njaman abé;

²⁹ a asu metunaʼa me nlatane ngbwa: nyaʼa ébaé, beyôm mintômba betan, beyôm bikela betan, bitoñe mintômba bi ne mbu wua bitan: mvean Eliab e mone Elôn ñwô le.

³⁰ Evete bone be Ruben, Ebisur e mone Sédér, é nga zu e môse nyini.

³¹ Mveane wé ô mbe avale di: beʼe argent besikel ntet a mewôm mela, élaé argent besikel mewômezamgbwa, avale sikel ya tabernakel a né, bebaane njalan a ékekeb avut, mfuʼan a mbon asu mimvean;

³² kobe or jia é ne besikel awôm njalan a ôlobinda;

³³ étoñe nnôme nyaʼa jia, nnôme ntômba wua, étoñe ntômba é ntoo mbu wua jia, asu mvean ô ne ngumba;

³⁴ nnôm ékela wua asu étyiʼa njaman abé;

³⁵ a nyaʼa ébaé, beyôm mintômba bebaé, beyôm bikela betan, bitoñe mintômba bitan bi ntoo mbu wua asu metunaʼa me nlatane ngbwa: mvean Elisur e mone Sédéur ñwô le.

³⁶ Evete bone be Siméoñ, Selumiél e mone Surisadayi é nga zu ve e môse tane.

³⁷ Mveane wé ô mbe avale di: beʼe argent besikel ntet a mewôm mela, élaé argent besikel mewômezamgbwa, avale sikel ya tabernakel a né, bebaane njalan a ékekeb avut mfuʼan a mbon asu mimvean;

³⁸ beta élaé or besikel awôm, njalan a ôlobinda;

³⁹ étoñe nnôme nyaʼa jia, nnôme ntômba wua, étoñe ntômba jia asu mvean ô ne ngumba,

⁴⁰ nnôm ékela wua asu étyiʼa njaman abé.

⁴¹ Benyaʼa bebaé, beyôm mintômba bebaé, beyôm bikela bebaé, bitoñe mintômba bi ntoo mbu wua bitan asu metunaʼa me nlatane ngbwa: mveane Selumiél e mone Surisadayi ñwô le.

⁴² Evete bone be Gad é nga zu e môse saman, jôé na Eliasaf e mone Deuél.

⁴³ Mveane wé ô mbe na: Beʼe argent besikel ntete a mewôm mela, élaé argent besikel mewôme zamgbwa, avale sikel ya tabernakel a né, bebaane njalan a ékekeb avut mfuʼan a mbon asu mimvean;

⁴⁴ beta élaé or besikel awôm, njalan a ôlobinda,

⁴⁵ étoñe nnôme nyak, nnôme ntômba wua, étoñe ntômba é ne mbu wua, jia asu mvean ô ne ngumba,

⁴⁶ nnôm ékela wua asu étyiʼa njaman abé;

⁴⁷ nyaʼa ébaé, a beyôm mintômba betan, beyôm bikela betan, bitoñe mintômba bi ne mbu wua bitan, asu metunaʼa me nlatane ngbwa: mvean Eliasaf e mone Deuél ñwô le.

⁴⁸ Evete bone bʼEfrayim é nga zu e môse zamgbwale, jôé na Elisama e mone Amihud.

⁴⁹ Mveane wé ô mbe avale di: beʼe argent besikel ntet a mewôm mela, élaé argent besikel mewômezamgbwa, avale sikel ya tabernakel a né, bebaane njalan a ékekeb avut, mfuʼan a mbon, asu mimvean;

⁵⁰ beta élaé or besikel awôm, njalan a ôlobinda,

⁵¹ étoñe nnôme nyaʼa jia, nnôme ntômba wua, étoñe ntômba jia asu mvean ô ne ngumba,

⁵² nnôm ékela wua asu metunaʼa me njaman abé,

⁵³ nyaʼa ébaé, beyôm mintômba bebaé, beyôm bikela betan, bitoñ mintômba bi ne mbu wua bitan asu metunaʼa me nlatane ngbwa: mvean Elisama e mone Amihud ñwô le.

⁵⁴ Evete bone be Manasé é nga zu e môse Muam, jôé na Gamliél e mone Pédasur.

⁵⁵ Mveane wé ô mbe avale di: beʼe argent besikel ntet a mewôm mela, élaé argent besikel mewôme zamgbwa, avale sikel ya tabernakel a né, bebaane njalan a ékekeb avut, mfuʼan a mbon asu mimvean.

⁵⁶ Beta élaé or besikel awôm, njalan a ôlobinda;

⁵⁷ étoñe nnôme nyaʼa jia, nnôme ntômba wua, étoñe ntômba ô ne mbu wua, jia asu mvean ô ne ngumba,

⁵⁸ nnôm ékela wua asu metunaʼa me njaman abé,

⁵⁹ benyaʼa bebaé, beyôm mintômba betan, beyôm bikela betan, bitoñe mintômba bi ne mbu wua bitan, asu metunaʼa me nlatane ngbwa: mvean Gamliél e mone Pédasur ñwô le.

⁶⁰ Evete bone be Bényamin é nga zu e môs ébulu, jôé na Abidan, e mone Gidéôni.

⁶¹ Mveane wé ô mbe avale di: beʼe argent besikel ntet a mewôm mela, élaé argent besikel mewômezamgbwa, avale sikel ya tabernakel a né, bebaane njalan a ékekeb avut, mfuʼan a mbon asu mimvean.

⁶² Beta élaé or besikel awôm njalan a ôlobinda,

⁶³ étoñe nnôme nyaʼa jia, nnôme ntômba wua asu metunaʼa me ne ngumba,

⁶⁴ nnôm ékela wua asu metunaʼa me njaman abé,

⁶⁵ benyaʼa bebaé beyôm mintômba betan, beyôm bikela betan, bitoñe mintômba bi ne mbu wua bitan asu metunaʼa me nlatan ngbwa: mveane Abidan e mone Gidéôni, ñwô le.

⁶⁶ Evete bone be Dan é nga zu e môs awômô, jôé na Ahiézer e mone Amisadayi.

⁶⁷ Mveane wé ô mbe avale di: beʼe argent besikel ntet a mewôm mela, élaé argent besikel mewôme zamgbwa, avale sikel ya tabernakel a né, bebaane njalan a ékekeb avut, mfuʼan a mbon asu mimvean;

⁶⁸ beta élaé or besikel awôm njalan a ôlobinda;

⁶⁹ étoñe nnôme nyaʼa jia asu mvean ô ne ngumba;

⁷⁰ nnôm ékela wua asu metunaʼa me njaman abé.

⁷¹ Benyaʼa bebaé, beyôm mintômba betan, beyôm bikela betan, bitoñe mintômba bi ne mbu wua bitan asu metunaʼa me nlatane ngbwa: mvean Ahiézer e mone Amisadayi ñwô le.

⁷² Evete bone bʼAzér é nga zu e môs awômô a wua, jôé na Pagiél e mone Okran.

⁷³ Mveane wé ô mbe avale di: beʼe sila besikel ntet a mewôm mela, élaé argent besikel mewôme zamgbwa, avale sikel ya tabernakel a né, bebaane njalan a ékekeb avut mfuʼan mbon asu mimvean;

⁷⁴ beta élaé or njalan besikel awôm, njalan a ôlobinda,

⁷⁵ étoñe nnôme nyaʼa jia, nnôme ntômba wua, étoñe ntômba ô ne mbu wua jia asu mvean ô ne ngumba;

⁷⁶ nnôm ékela wua asu metunaʼa me njaman abé;

⁷⁷ benyaʼa bebaé, beyôm mintômba bebaé, beyôm bikela bebaé, bitoñ mintômba mi ne mbu wua bitan asu metunaʼa me nlatane ngbwa: mveane Pagiél e mone Okran ñwô le.

⁷⁸ Evete bone be Néftali é nga zu e môs awômô a baa, jôé na Ahira e mone Enan.

⁷⁹ Mveane wé ô mbe avale di: beʼe argent besikel ntet a mewôm mela, élaé argent besikel mewôme zamgbwa, avale sikel ya tabernakel a né, bebaane njalan a ékekeb avut mfuʼan a mbon asu mimvean;

⁸⁰ beta élaé or besikel awôm njalan a ôlobinda;

⁸¹ étoñe nnôme nyaʼa jia, nnôme ntômba wua, étoñe ntômba ô ne mbu wua jia asu mvean ô ne ngumba,

⁸² nnôme ntômba wua asu metunaʼa me njaman abé;

⁸³ benyaʼa bebaé, beyôm mintômba betan, beyôm bikela betan, bitoñe mintômba mi ne mbu wua bitan asu metunaʼa me nlatane ngbwa: mvean Ahira e mone Enan ñwô le.

⁸⁴ Mimvean mise bivete ya menda me bôte yʼIsraél bi nga ve éyoñ ya mveane Zambe a ntelan ataʼa metunaʼa étyi mi mbe avale di: bebeʼe be argent awôm a mebaé, bilaé bi argent awôm a bibaé, beta bilaé bi or fe awôm a bibaé.

⁸⁵ Beʼe ase a mbe besikel ntet a mewôm mela, élaé ése besikel mewôme zamgbwa: besikel be argent bese toyini ébaé a mintete minyin avale sikel ya tabernakel a né.

⁸⁶ Beta bilaé awôm a bebaé, jia ése yʼété besikel awôm avale sikel ya tabernakel a né a bebaé be mbe besikel ntet a mewôm mebaé, bese njalan a ôlobinda ba diʼi.

⁸⁷ Beyôm benyak be mbe awôm a bebaé, a bitoñe mintômba awôm a bibaé bi ne mbu wua asu metunaʼa me ne ngumba, a mimvean avut yʼété, nalé fe beyôm bikela awôm a bebaé asu metunaʼa me njaman abé,

⁸⁸ beyôme benyak mewôm mebaé a benyin, beyôm mintômba mewôm mesaman, beyôm bikela mewôm mesaman, a bitoñe mintômba bi ne mbu wua mewôm mesaman asu metunaʼa me nlatane ngbwa. Mimvean ya ve Zambe a telé ataʼa metunaʼa étyi mmie le.

⁸⁹ Eyoñ ése Môze a nga nyiin e nda éndelé bendôbaʼane na a laane Nti, a nga wôʼô tyiñe jé; tyiñ éte é mbe é soʼo e zañe Bekerubim bebaé a ébutaʼa éwolo é nga bili biôme yʼélate yôp. Avale te nde Zambe a mbe a kobôʼô a nye.