NLAÑANE BÔT 33 - Bible en langue Bulu

Mulu a bitabaʼa ataté Ejipte a kui minjeʼese ya Môab

¹ Mana me ne mewoʼon me bone bʼIsraél, ataté Ejipte akui minjeʼese ya Môab, avalʼane minsamba mewosan miap mi mbe, Môze a Aron be too beliti zen .

² Môze a nga tili mevôm mese be nga tebe amu njôane Nti, mevôm mete ma:

³ e ngon ôsu ya mbu é too melu awôm a metan, tyé kpwaa ya Pak ôsu, bone bʼIsraél be nga kôlô e Ramzés; be nga kôlô, bôte ya Ejipte be lôô, bebé ane nge be ntoo fili.

⁴ Eyoñe te bôte ya Ejipte be jeñek mintôle mi bone miap Nti a nga mane wôé: a zen éte fe Nti a nga liti ntyiʼane mejô wé e be bezambe bap.

⁵ Akôlô ya Ramzés, bone bʼIsraél be nga vule minkan e Sukôt.

⁶ Akôlô ya Sukôt be nga vule minkan Etam, mfaʼa ya susuʼa akuʼu ya nkôte si.

⁷ Akôlô ya Etam be nga beta bulane mvus a kui Pi-Ahirôt, zôsôôô a Baal-Séfôn, a vule minkan ôsu Migdôl.

⁸ Akôlô ya Pi-Ahirôt, be nga lôt ézezañe mañ, a ke mfaʼa ya nkôte si; be nga wulu melu mela e nkôte si yʼEtam a vule minkan e Mara.

⁹ Akôlô ya Mara, be nga kui Elim; menjeñe mendim awôm a mebaé a melen mewôme zamgbwa me mbe Elime valé: nde be nga vule minkan e vôm ate.

¹⁰ Akôlô ya Elim be nga vule minkan bebé évele mañ.

¹¹ Akôlô ya évele mañ, be nga vule minkan e nkôte si ya Sin.

¹² Akôlô ya e nkôte si ya Sin, be nga vule minkan e Dôfka.

¹³ Akôlô ya Dôfka, be nga vulu minkan Alus.

¹⁴ Akôlô ya Alus be nga vule minkan e Refidim, vôme bôt be nga jemban mendime ya nyu.

¹⁵ Akôlô ya Refidim, be nga vule minkan e nkôte si ya sinayi.

¹⁶ Akôlô ya nkôte si ya Sinayi, be nga vule minkan e Kibrôt-Atava.

¹⁷ Akôlô ya Kibrôt-Atava, be nga vule minkan Asérôt.

¹⁸ Akôlô ya Asérôt be nga vule minkan e Ritma.

¹⁹ Akôlô ya Ritma, be nga vule minkan e Rimôn-Pérés.

²⁰ Akôlô ya Rimôn-Pérés, be nga vule minkan e Libna.

²¹ Akôlô ya Libna, be nga vule minkan e Risa;

²² Akôlô ya Risa, be nga vule minkan e kéhélata.

²³ Akôlô ya Kéhélata, be nga vule minkan e Kafér.

²⁴ Akôlô ya Kafér, be nga vule minkan e Arada.

²⁵ Akôlô ya Arada, be nga vule minkan e Makhélôt.

²⁶ Akôlô ya Makhélôt, be nga vule minkan e Tahat.

²⁷ Akôlô ya Tahat, be nga vule minkan e Tara.

²⁸ Akôlô ya Tara, be nga vule minkan e Mitka.

²⁹ Akôlô ya Mitka, be nga vule minkan e Asmôna.

³⁰ Akôlô ya Asmôna, be nga vule minkan e Môsérôt.

³¹ Akôlô ya Môsérôt, be nga vule minkan e Béné-Yakan.

³² Akôlô ya Béné-Yakan, be nga vule minkan e Or-Gidgad;

³³ Akôlô ya Or-Gidgad, be nga vule minkan e Yôtbata.

³⁴ Akôlô ya Yôtbata, be nga vule minkan Abrôna.

³⁵ Akôlô ya Abrôna, be nga vule minkan Etsion-Géber.

³⁶ Akôlô ya Etsion-Géber, be ngu vule minkan e nkôte si ya Tsin ñwô ô ne kadés.

³⁷ Akôlô ya Kadés, be nga vule minkan e nkôle Or, Akuʼu sii Edom.

³⁸ Ane ntuni Aron a nga bet e nkôle Or, avale Nti a nga jô; A nga wu valé, e ngone tane é too alu da ya mbu mewôme nyini ataté nkôlane bone bʼIsraél yʼEjipte.

³⁹ Aron a mbe mimbu ntet, mewôm mebaé a milaa éyoñ a nga wu e nkôle Or.

⁴⁰ Njôô bôte Bekananééñ yʼArôd a nga too Négéb, si ya Kanaan, a nga wôʼôtane na bone bʼIsraél be soya.

⁴¹ Akôlô ya e nkôle Or, be nga vule minkan e Salmôna.

⁴² Akôlô ya Salmôna, be nga vule minkan e Punôn.

⁴³ Akôlô ya Punôn be nga vule minkan Obôt.

⁴⁴ Akôlô ya Obôt, be nga vule minkan Iyé-Abarim, nnéa minjeʼese ya Môab.

⁴⁵ Akôlô ya Iyé-Abarim, be nga vule minkan e Dibôn-Gad.

⁴⁶ Akôlô ya Dibôn-Gad, be nga vule minkan e Almôn-Diblatayim.

⁴⁷ Akôlô ya Diblatayim, be nga vule minkan minkôle ya Abarim ôsu Nébô.

⁴⁸ Akôlô ya minkôle ya Abarim, be nga vule minkan e minjeʼese ya Môab, bebé a yordan, zôsôôô a Yérikô.

⁴⁹ Be nga vule minkan bebé a Yordan, ataté Bét-Oyésimôt a kui Abél-Sitim, e minjeʼese ya Môab.

⁵⁰ Ane Nti a nga kobô Môze minjeʼese ya Môab, bebé a yordan, zôsôôô a Yérikô.

⁵¹ Nde a nga jô na: Jôʼô bone bʼIsraél na, éyoñe mia ye dañe Yordan a nyiin e si ya Kanaan,

⁵² Mia ye mane titan bôte bese ya si ôsu vienan, a tyame bengunemelane bese ya be ne mboon a mekok , mia ye mane tyame biveʼela bi biôme biap bi ne mboon a ékpwembé ba nyemé e nduan a tyame mevôme map me ne mbetane yôp.

⁵³ Mia ye nyoñe si a tabe été; amu me nga ve mia si na, é bo jôme jenan.

⁵⁴ Mia ye kaban éliʼi ya si a mboon asimba , avalʼane mebume menan me né. E bôte ba dañ abui ba ye nyoñe ngabe si ja dañ anen, ba ba dañe tyôtyoé, ba ye fe nyoñ e ngabe si ja dañe tyôtyoé. Môt ase a ye nyoñ e jôm asimba da ye ve nye; mia ye nyoñe ngap avalʼane meyoñ bʼésoo me né.

⁵⁵ Ve nge mia bo te titane bôt be too si ôsu vienan, e ba ya be be mia ye lik, ba ye bo ane biyo e mise menan été, a ane minsoñe bibaé e mevele mebume menan, ba ye bo besiñe benan e si vôm mia ye tabe.

⁵⁶ A da ye kui na, me bo mia avale me nga tyiʼi na ma bo be.