NEHEMIE 3 - Bible en langue Bulu

Nkôman mimfin ya Yérusalém

¹ Ane Eliasib, njôô betuni, a nga kôlô si ba be bobenyañe bé, be mbe fe betuni, a lôñe mbé mintômba. Be nga telé wô étyi, a yemete bivin yʼété; be nga telé wô étyi ataté nkum Méa a kui nkum Ananil.

² Bôte ya Yérikô be nga lôñe fefele jé; Zakure fe, mone Imri, a lôñe fefele jé.

³ Bone be Sena be nga lôñe mbé bekos. Be nga bo nkpwas yʼété, a yemete fe bivin, mengôñ a mimbôñ mi étyé.

⁴ Mérémôt, fefele jap; Mesulam, mone Bérékia, mone Mesézabil, a nga saé e fefele jap; Sadok, mone Baana, a nga saé e fefele jap;

⁵ bôte ya Tékôa be nga tôé valé, ve benya bôtô ya valé be nji ke éjôé yʼésaé masa wobe si.

⁶ Yôyada, mone Paséa, a Mesulam, mone Besôdia, be nga kôme nnôme mbé : be mane bo nkpwas yʼété a yemete bivin, mengôñ a mimbôñ.

⁷ Melatia, mone Gabaonite, a nga saé e fefele jap, nalé fe Yadôn, mone Mérônôtite, a bôte ya Gabaoñ a Mispa, be soʼo vôme njôô yʼéfuse si é nʼEfrate yat a né;

⁸ Uziél, mone Araya, a soʼo e zañe bekôme biôm a or, a nga saé e fefele jap, wôna Anania, nkôme bʼôlobinda kik a nga saé fefele Uziél. Nde be nga manʼésaé ya Yérusalém, a kui beta mfin a ne ndam.

⁹ Refaya, mone Ur, évet éfase si jia ya Yérusalém, a nga saé fefele jap.

¹⁰ Yedaya, mone Arouma a nga saé zôsôô a nda jé, wôna Atuk, mone Asabnia kik, a nga tôñ valé.

¹¹ Malkiya, mone Arim, a Asub, mone Payat-Môab, be nga saé éfase mfin éfe a nkum.

¹² Wôna Salum, mone Aloyék, évete yʼéfase si jia ya Yérusalém, ba be bon , be nga saé e fefele jap.

¹³ Anun a bôte ya Zanôa, be nga kôme mbé ya mbiʼili: be nga lôñe wô a yemete bivine bié, mengôñ a mimbôñ. Be nga bo fe nlôñane mfin, a kui mbé akune mbuan, tañe menyiʼi me mo toyini.

¹⁴ Malkiya, mone Rékab, évete ya Bét-Akérém a nga saé e mbé mbuan; nye a nga bôôé bivin, mengôñ a mimbôñ yʼété.

¹⁵ Salun, mone Kôl. Ôzé, évete ya Mispa, a nga kôme mbé anjeñ: a nga lôñe wô, a buti fe wô, a yemete bivin, mengôñ a mimbôñ. A nga lôñe fe mfine yʼébataʼa nkee minlôman bebé a afube njô bôt, a kui ôbete wo sis ô soʼo tisone David.

¹⁶ E mvuse jé, Néhémie, mone Azbuk, évete yʼéfase si ya Bét-Sur, a nga kôm a kui Zôsôa mesoñ me David, a kui fe ébataʼa é ne mboon a mo, a a kui nda mimben.

¹⁷ Bone be Lévi bana be nga saé e mvuse jé: Reyum, mone Bani, a e fefele jé, Asabia, a nga saé asu éfas éjôé jé; évete yʼéfas éjôé ya Kéyéla.

¹⁸ Bobenyañ, Bavayi, mone Enédad, évete yʼéfas éjôé ya Kéyéla, be nga saé e mvuse jé;

¹⁹ Ezér, mone Yasua, a too évete ya Mispa, a nga kôm afôla mfin afe, bebé a abete da ke e nda mengaa, vôm abuʼu nda é né.

²⁰ E mvuse jé, Baruk, mone Zabayi, a nga kôme vôm mfe a ayoñ ése, ataté abuʼu nda , a kui mbé ya nda Eliasib, njôô betuni.

²¹ E mvuse jé, Mérémôt, mone Urie, mone Akôt, a nga kôme vôme mfe, ataté mbé ya nda Eliasib, a kui vôme nda Eliasib ja suʼu.

²² E mvuse jé, betuni, e bôte be too njeʼese, be nga saé.

²³ E mvuse betuni, Bényamin a Asub, be nga saé bebé a nda jap; e mvuse jap, Azaria, mone Maséya, mone Anania, a nga saé e fefele nda jé.

²⁴ E mvuse jé, Binui, a kui akuʼu nda , a a kui abuʼu nda .

²⁵ Palal, mone Uzayi, a nga saé zôsôô a akuʼu nda njô bôt, bebé a nseñe nda mimbôk. Pedaya, mone Paréôk, a nga saé e mvuse jé.

²⁶ Benétinieñ, be nga saé e jôp da tôô, zôsôô fe a nkum wo kui atan.

²⁷ E mvuse jap, bôte ya Tekôa be nga kôme vôme mfe, a too zôsôô a nkum ô ne anen wo kui atan, a kui mfin Ofél.

²⁸ E mbé bikabela yôp, betuni be nga saé môt ase ôsu ya nda jé.

²⁹ E mvuse jap, Sadok, mone Imer, a nga saé ôsu ya nda jé. Semaéya, mone Sekania, mbaʼale ya jôp da tôô, a nga saé e mvuse jé.

³⁰ E mvuse jap, Anania, mone Sélémia a Anun, mone Samane Salaf, be nga kôm afôla mfin afe. E mvuse jap, Mesulam, mone Bérékia, a nga saé zôsôô a étune nda jé.

³¹ Malkiya, wua ya belui biôm, a nga saé e mvuse jé, a kui menda Benétinieñ a bebo makit, zôsôô a mbé Mifkad, a a kui étune nda ya yôp é ne abuʼu nda .

³² Bekôme biôm bi ne mboon a or, a bebo makit, be nga saé e zañe étune nda ya yôp é ne abuʼu nda , a mbé mintômba.

Nlôñan nda wo ke vʼôsu

³³ Eyoñe Sambala a nga wôʼô na bi nga beta lôñe mfin, a nga yaa a dañe wôʼô ôlun.

³⁴ Nde a nga kpweʼele Beyude. A nga jô ôsu ya bobenyañ a bezimbi ya Samari na: Minteteʼe Beyude mite mia bo jé? Ye ba ye tyiʼi biôm? Ye ba ye sondô ésaé? Ye ba ye beta ve mekok me ne ndiʼan ényiñ?

³⁵ Tôbiya, mone Amonite, a nga too nye fefel, a nga jô na: Be kele foʼo ôsu a lôñ! Ve nge nkemvak wo téé mbi a jimbi mfine mekoʼo wobe te, wo ye salé.

³⁶ A Zambe wongan, vôʼôlôʼô, amu ba biasé bia! Boʼo na ébiasé jab é ku bebiene minlô, boʼo be na be bo jôme nsa a lôme be minkôm e si é nji bo énjap, a abé dab e boʼo te kôlô ôsu viôé, amu be téya ba ba lôñ ntañete.

³⁷ Te jamé ékobe jap, a abé dap e boʼo te tyamban asu dôé, amu be nga té ntañete e be ba ba lôñ.

³⁸ Bi nga beta lôñe mfine mekok , a ôse ô nga man a kui nté ya yôb ézezañ: amu môt ase a nga bo ésaé a nleme wé ôse.