NEHEMIE 10 - Bible en langue Bulu

Ntiñetane mewôk be Zambe

¹ Amu mam mese me maneya kui e be bia, nde bia nyoñe ngume ntyiʼan a baʼale wô ntilan. Biyôlé bivete biangan, Belévit bangan a betuni bangan bi ne ntilan e bekalate bete été.

² E bekalate bete, wo ye koone na: Néhémie Ngovina, mon Akalia, Sedékias,

³ Seraya, Azaria, Yérémi,

⁴ Pasur, Amaria, Malkiya,

⁵ Atuk, Kebania, Maluk,

⁶ Arim, Merémôt, Abdias,

⁷ Daniel, Ginetôn, Baruk,

⁸ Mesulam, Abiya, Miyamin,

⁹ Mazia, Bilgayi, Semaéya, betuni.

¹⁰ Belévit: Yasua mon Azania, Binuyi ya bone bʼEnadad, Kadmiél,

¹¹ a bobenyañe bap Kebania, Odiya, Kelita, Pelaya, Anañ,

¹² Mika, Rehôb, Akabia,

¹³ Zakur, Kérébia, Kebania,

¹⁴ Odiya, Bani, Beninu.

¹⁵ Bivete yʼayoñ: Paréôk, Pahat-Môab, Elam, Zatu, Bani,

¹⁶ Buni, Azgad, Bebayi,

¹⁷ Adôniya, Bignayi, Adin,

¹⁸ Ater, Ezékias, Azur,

¹⁹ Odiya, Akum, Bétsayi,

²⁰ Arif, Anatôt, Nébayi,

²¹ Magpiak, Mesulam, Ezir,

²² Mekézabil, Sadok, Yadua,

²³ Pelatia, Anañ, Asaya,

²⁴ Yôsé, Anania, Akub

²⁵ Aloyék, Pilya, Kôbék,

²⁶ Rehum, Akabina, Maséya,

²⁷ Ayiya, Yanañ, Anañ,

²⁸ Maluk Arim, Baana.

²⁹ Bôte bevoʼo yʼayoñ, betuni, Belévit, bebaʼale mimbé, beyia bia, Benétinieñ a ba bese be nga kandane meyoñ bikuu na ba tôñe metiñe me Zambe, binga bap, bobefame bap a bobebinga bap, ba bese be ne ngul mfaʼa ya ñyeman a atyeñ,

³⁰ ba lat a ba ya bobenyañe bap ba dañe bi ésemé. Ba tiñeti a nkanane ngana, a ba kalane minkale na ba zu wulu e metiñe me Zambʼété, mme a nga kalane Môze mbo ésaé Zambe, a baʼale a bo mebendé me Nti wongan mese, minjôane mié a memvinda mé.

³¹ Bia tiñeti na bia ye bo te ve bengone bangan e be bôte ya si bi too, nge luʼu bobefame bangan bengone bap;

³² bia ye bo te kuse jôme môse sabat a mimôse mebôk e be bôte ba ye soo akum a bidi ya kuan e môse sabat . Mbu zamgbwalʼôse, bia ye ve si awoʼon a bo te sili ñyaʼane mvôla éziñ.

Mame ya nkañan

³³ Bi veya fe biabebiene mebendé ma yemete bia na bi ve ngabe jia ya sikel nkabane ngabʼéla, mbu ôse, asu ésaé ya ndaa e Zambe wongan.

³⁴ Asu belet é ne ntaʼane minnoñ, asu mimveane yʼéyoñ ése, asu mveane ngumba, wo boban éyoñ ése e mimôse mi Sabat, asu meté me ngon a beta mebôk , asu biôm bi ne ntelan étyi, asu biôm ba tyik amu abé , mfaʼa ya bulu Israél nsem, a asu jam ése da boban e ndaa Zambe wongan.

³⁵ Bia te bo asimba , betuni, Belévit a bôte bevoʼo bese, asu njaʼa bia yiane soo je mbu ôse ane mvean e ndaa Zambe wongan, aval ane menda me bôte mangan me né, a mingume biyoñ, nalé ba ye diʼi je ataʼa metunaʼa yôp, aval e ne ntilan e kalate metiñ.

³⁶ Bia te tiñeti na mbu ôse, bia ye soo bembômô ya si jangan a bembômô bibuma bese ya bilé bise e ndaa Nti;

³⁷ bi tiñetiya fe na bia ye soo mintôle ya bobefame bangan, a mintôle ya mimbam biyeme miangan asu betuni ba bo ésaé e ndaa Zambe wongan aval e ne ntilan e metiñ: mintôle ya mimbam biyeme miangan mi ne anen a mi ya mimbame miangan mi ne tyôtyoé;

³⁸ a na bia ye soo betuni bembômô ya ébase fône jangan, a mengap bi nga ke bia vaa e biôme biangan été, bibuma ya bilé bise, mfefé woon a mbon a naane bie bitune menda ya ndaa Zambe wongan, a ve fe Belévit ngabʼawômô ya si jangan. Belévit bebien ba yiane nyoñe je e bitisone bise bi ne e mesi bia bé bidi.

³⁹ ntuni Ya mvoñ Aron ba be Belévit ba ye bo nsamba éyoñe Belévit ba ye zuu ngabʼawômô ya mengabʼawômô e nda Zambe wongan, e bitune bi nda ba baʼale akum.

⁴⁰ Amu bone bʼIsraél a Belévit, ba ye zuu ngabe ya be nga vaa e bitune menda bite: fôn, mfefé woon a mbon; biôm bite bi ne biôme ya vôm a nʼétyi, vôme betuni ba bo ésaé, bebaʼale mimbé a beyia bia ba tebe. Eyoñe te bia ye bo te liʼi nda Zambe wongan bilik.