MINKANA 21 - Bible en langue Bulu

¹ Nleme njô bôt ô ne ôtôñ mendim e wo Zambe été, a liti wô zen mfaʼa jôm ése a yene mvaé.

² Mezene me môt mese me ne zôsôô e mise mé émien, ve Zambe nye a veʼe minleme kop.

³ Zambe a yene nya ntyiʼane mejôô a mboone zôsôô mvaé, a dañe mveane biôme metunaʼa.

⁴ Mfomban bives, nsisime mebun jaʼan éfufube bebo abé , mam mete mese me nʼabé.

⁵ Minsôñan mi môt a saé abui mi ne mfi ô ne te kʼaselan, vʼôjejaʼa a kee foʼo môt azoé.

⁶ Akume môt a bi mvôle yôp da jañ avô a kee môt awu.

⁷ Evô bebo abé ja bi be amu ba bene bo zôsôô .

⁸ Mboone ñwôé bôt ô nʼékotekot, ve mboone mbamba môt ô ne zôsôô .

⁹ A ne mvaé ya tabe akuʼu ya andil éziñ si, alôte na mia minga a nyeʼe mejô mi tabe nda jia.

¹⁰ Nsisime mbia môt wo nyeʼe abé , jaʼane mvôé jé é ne te yene mvam e mise mé.

¹¹ Nleban ba lebe nyô a biasé bôt wo ve nyô a nji bi ñyemane fek, a éyoñ ba yeʼele mfefek, wo nyoñe ñyeman.

¹² Zôsôa môt a fombô nda mbo abé a a sôʼôlô bebo abé njuʼu été.

¹³ Nyô a dibe melo te wôʼô du nzôzoé , éyoñe nye fe a ye loon, ba ye bo te yalane nye.

¹⁴ Mveane ya asoé wo jeʼe ayaa avale te fe mveane wo futi môt e mfek wo dime mbia ayaa.

¹⁵ Mboone zôsôô ô nʼavak e be zôsôa môt, ve woñ ô ne jôme bebo abé .

¹⁶ E môt a kôlô e zene ntabane ntyee a ye suʼulane bômbô ézezañe miñwuan.

¹⁷ Nyô a dañe nyeʼe mimvôman a ye suʼulane bo nzôzoé . Nyô a nyeʼe bilam a abui ndian a se nguleya bo kum.

¹⁸ Mbia môt a ne ngôtô zôsôa môt a môt a ne njoñ ngôtô bôt be ne zôsôô .

¹⁹ A ne mvaé ya tabe vôme bôt be ne momo a dañe na ô bi minga mejô a ôlun.

²⁰ Akum e nʼédima a mefok bi ne e ndaa mfefeʼe môt; ve akute môt da mine biôm bite.

²¹ Nyô a tôñesane nya ntyiʼane mejôô a nkoon éngôngo a ye bi ényiñ, mekabe a duma.

²² Mfefeʼe môt wo nyiin e tison é bili biwôlô bewosan bia kamane je a mane teʼelane ngule tison éte é nga too je ndi.

²³ Nyô a kaman anyu dé a ôyeme wé a kamane nsisime wé mfaʼa biyebe.

²⁴ Nyô a ne mebun a ékem jôé dé e ne na: Nkpweʼele a bo mam a buniʼi émien a dañe nné.

²⁵ Nkômbane nleles wo wôé nye, amu mo mé ma bene fôʼôsan.

²⁶ Ngume môs , minyamete mi bili nye ve zôsôa môt a kap teke liʼi a bili jôm.

²⁷ Metunaʼa bebo abé me ne mbia jôm, a dañe dañ éyoñ ma veban a mbia ôsimesan.

²⁸ Ngaa a ne minsos a ye wu, ve môt a vôʼôlô a ye bo ngule ya kobô éyoñ ése.

²⁹ Mbia môt a ve asu dé na be tabe de ndi. ve zôsôa môt nyʼa yemete zene jé.

³⁰ E mise me Zambe, fek, atyeñ nge melep bi ne momo.

³¹ Ekabela é ne nkômesan asu môse bita. ve nyian ô ne jôme Zambe.