MINKANA 12 - Bible en langue Bulu

¹ Nyô a nyeʼe melep a nyeʼe ñyemane mam. Ve nyô a vini melep a ne tit.

² Mbamba môt a yene mvaé be Zambe ve Zambe a ve môt a bili mbia bʼasimesane mekua,

³ mboon abé ô ne te bo môte na a bo môt, ve vôme bezôsôô be bôt be beme a ye bo te fôʼôsan.

⁴ Mbamba minga a ne avaʼa nnôme wé, ve nyô a ve nnôm ôsone nyô a ne ane ôkon wo di nye bives.

⁵ Asimesane mbamba be bôt e ne ve zôsôô , mboone mbia be bôte ki njalan a mvô.

⁶ Mejô ma kui bebo abé menyu me ne melam ma kuli metyi, vʼanyu bezôsôô be bôt da nyii be.

⁷ Bebo abé ba kpwébane si a jañ, ve ndaa bezôsôô be bôt ja liʼi é tele.

⁸ Ba seʼe môt a bili mbamba ñwôʼane mam, ve ba biasé nyô nlem ô nʼékotekot.

⁹ A ne mvaé ya biaséban ô bili mbo ésaé, a dañe na ô nyoñe duma jôme ya di momo nda .

¹⁰ Mbamba môt a mvaman jaʼana biyeme bié, ve mebume bebo abé me ne njet.

¹¹ Môt a bé bidi e si jé a ye bi bidi abui, ve nyô a tôñesane mam me ne te e mfi a ne te ke fek.

¹² Mbia môt a nyamete mvaé bikotekot bi bôt, ve tine bezôsôô be bôt ja wume bibuma.

¹³ Abé ya biyaé e bili mbia ôlam, ve zôsôô môt a ne nguleya kôlô njuʼu été.

¹⁴ Bibuma yʼanyu bia jalé môt ase a mefok, a môt ase a nyoñ avale mboone ya mo mé ô né!

¹⁵ Zen akute môt é ne mvoʼé e mise mé, ve nyô a nyoñe melep a ne fek.

¹⁶ Akute môt da jiʼa kulan ayaa dé, ve nyô a solé abé ba te bo nye a ne ntyee.

¹⁷ Eyoñ wo kobô bebela, zôsôô le wo liti, ve minsos mia kee môt ékotekot été.

¹⁸ Bifia biziñ bi ne yené éveves, ve bi balaʼan ane nkpwaté mekôn, vʼôyeme mimfefeʼe mi bôt wo soo mvoʼé .

¹⁹ Ôyem ô ne bebela wo kobô bebela éyoñ ése, ve wu ô nʼékotekot wo tyendé ane nkabeke dis.

²⁰ Mvô é too e nleme ya ba ba bôndé abé , ve mevak me nʼasu ba ba ve meleb ma soo mvoʼé .

²¹ Te kʼébubua éziñ ja kui be zôsôa môt, ve bebo abé be ne njalan a minjuk.

²² Biyaé bia kobô minsos bi ne mbia jôme be Zambe, vʼa liti mvame jé e be ba ba bo ane a yene mvaé.

²³ Ntyele môt wo solé ñyemane wé, ve nleme mekut wo yôtane mboon akut,

²⁴ wo ya bôt ba fôʼôsan wo ye dañ, ve wo ô nʼéles wo ye ke saé étibelaʼa.

²⁵ Biyebe ya nleme môt bia tyaʼa nye, ve mbamba éfia a ve nye mevak.

²⁶ Zôsôa môt a ne nliti zene ya nyô baa nye ba wulu, ve zene bebo abé ja kee be mfaʼa mfe.

²⁷ Môt a ne nleles a ne te bele tite jé, vʼédima jam mfaʼa môt é ne na a fôʼôsan.

²⁸ Enyiñ é ne e zôsôa zen été, a zen éte é ne nyô é nji kee môt awu.